ततो ऽहं तस्य दुर्बुद्धेर् विज्ञाय मतम् अच्युत आज्ञप्तवान् वै संग्रामे सेनाध्यक्षांश् च सर्वशः ॥
मम प्रज्वलितं चक्रं निशाम्यैतत् सुदुर्जयम् शत्रवो विद्रवन्त्य् आजौ दर्शनाद् एव भारत ॥
विचित्रवीर्यं बालं च मदपाश्रयम् एव च दृष्ट्वा क्रोधपरीतात्मा युद्धायैव मनो दधे ॥
निगृहीतस् तदाहं तु सचिवैर् मन्त्रकोविदैः ऋत्विग्भिर् देवकल्पैश् च सुहृद्भिर् नरपुंगव ॥
स्निग्धैश् च शास्त्रविद्भिश् च संयुगस्य निवर्तने कारणं श्रावितश् चास्मि युक्तरूपं तदानघ ॥
प्रवृत्तचक्रः पापो ऽसौ त्वं चाशौचगतः प्रभो न चैष प्रथमः कल्पो युद्धं नाम कदाचन ॥
ते वयं साम पूर्वं वै दानं भेदं तथैव च प्रयोक्ष्यामस् ततः शुद्धो दैवतान्य् अभिवाद्य च ॥
कृतस्वस्त्ययनो विप्रैर् हुत्वाग्नीन् वाच्य च द्विजान् ब्राह्मणैर् अभ्यनुज्ञातः प्रयास्यसि जयाय वै ॥
अस्त्राणि न प्रयोज्यानि न प्रवेश्यश् च संगरः आशौचे वर्तमानेन वृद्धानाम् इति शासनम् ॥
सामदानादिभिः पूर्वम् अपि भेदेन वा ततः तं हनिष्यसि विक्रम्य शम्बरं मघवान् इव ॥
प्राज्ञानां वचनं काले वृद्धानां च विशेषतः श्रोतव्यम् इति तच् छ्रुत्वा निवृत्तो ऽस्मि नराधिप ॥
tato 'haṃ tasya durbuddher vijñāya matam acyuta ājñaptavān vai saṃgrāme senādhyakṣāṃś ca sarvaśaḥ ||
mama prajvalitaṃ cakraṃ niśāmyaitat sudurjayam śatravo vidravanty ājau darśanād eva bhārata ||
vicitravīryaṃ bālaṃ ca madapāśrayam eva ca dṛṣṭvā krodhaparītātmā yuddhāyaiva mano dadhe ||
nigṛhītas tadāhaṃ tu sacivair mantrakovidaiḥ ṛtvigbhir devakalpaiś ca suhṛdbhir narapuṃgava ||
snigdhaiś ca śāstravidbhiś ca saṃyugasya nivartane kāraṇaṃ śrāvitaś cāsmi yuktarūpaṃ tadānagha ||
pravṛttacakraḥ pāpo 'sau tvaṃ cāśaucagataḥ prabho na caiṣa prathamaḥ kalpo yuddhaṃ nāma kadācana ||
te vayaṃ sāma pūrvaṃ vai dānaṃ bhedaṃ tathaiva ca prayokṣyāmas tataḥ śuddho daivatāny abhivādya ca ||
kṛtasvastyayano viprair hutvāgnīn vācya ca dvijān brāhmaṇair abhyanujñātaḥ prayāsyasi jayāya vai ||
astrāṇi na prayojyāni na praveśyaś ca saṃgaraḥ āśauce vartamānena vṛddhānām iti śāsanam ||
sāmadānādibhiḥ pūrvam api bhedena vā tataḥ taṃ haniṣyasi vikramya śambaraṃ maghavān iva ||
prājñānāṃ vacanaṃ kāle vṛddhānāṃ ca viśeṣataḥ śrotavyam iti tac chrutvā nivṛtto 'smi narādhipa ||
«Тогда, о Ачьюта, узнав замысел того дурноразумного, я приказал готовиться к сражению и дал распоряжения всем военачальникам. Враги, о Бхарата, разбегались в бою уже от одного вида его пылающего, почти непобедимого диска. Увидев юного Вичитравирью, который находился под моей защитой, я был охвачен гневом и устремил ум к войне. Но тогда меня удержали советники, искусные в решении, жрецы, подобные богам, друзья, о лучший из людей, а также доброжелатели, знающие шастры и желавшие отвратить битву. Они объяснили мне уместную причину: “Этот грешник уже пустил в ход свой диск, но ты, владыка, пребываешь в траурной нечистоте. Война никогда не должна быть первым средством. Сначала мы применим примирение, затем дар и разделение; после очищения, поклонившись божествам, совершив благословение у брахманов, возлив в огни и почтив дваждырождённых, ты с их разрешения отправишься к победе. Пока человек пребывает в траурной нечистоте, нельзя применять оружие и вступать в битву: таково наставление старших. Сначала надо действовать примирением, даром и прочими средствами, а затем, если понадобится, разделением; после этого ты сразишь его натиском, как Магхаван Шамбару”. Услышав, что в должное время следует внимать словам мудрых, особенно старших, я отступил, о владыка людей».
acb4f232b5f4 · publicado 22 jun 2026, 3:30:40 UTC
Disponible enRUPasa de verso en verso con
Бхишма показывает важную меру дхармы: даже праведный гнев должен быть удержан обрядом, советом старших и чистотой состояния. Победа допустима, но не из импульса и не во время ашаући.