दानवानां तु पिप्रीषुः कालनेमिः स दानवः व्यवर्धत महातेजास् तपान्ते जलदो यथा ॥
तं त्रैलोयान्तरगतं दृष्ट्वा ते दानवेश्वराः उत्तस्थुर् अपरिश्रान्ताः प्राप्येवामृतम् उत्तमम् ॥
ते वीतभयसंत्रासा मयतारपुरोगमाः रेजुर् आयोधनगता दानवा युद्धकङ्क्षिणः ॥
मन्त्रम् अभ्यस्यतं तेषां व्यूहं च परिधावताम् प्रेक्षतां चाभवत् प्रीतिर् दानवं कालनेमिनम् ॥
ये तु तत्र मयस्यासन् मुख्या युद्धपुरःसराः तेऽपि सर्वे भयं त्यक्त्वा हृष्टा योद्धुम् उपस्थिताः ॥
मयस् तारो वराहश् च हयग्रीवश् च वीर्यवान् विप्रचित्तिसुतः श्वेतः खरलम्बाव् उभाव् अपि ॥
अरिष्टो बलिपुत्रश् च किशोराष्ट्रौ तथैव च स्वर्भानुश् चामरप्रख्यो वक्त्रयोधी महासुरः ॥
एते ऽस्त्रविदुषः सर्वे सर्वे तपसि संस्थिताः दानवाः कृतिनो जग्मुः कालनेमिनम् उत्तमम् ॥
ते गदाभिश् च गुर्वीभिश् चक्रैश् च सपरश्वघैः कालकल्पैश् च मुसलैः क्षेपणीयैश् च मुद्गरैः ॥
अश्मभिश् चाट्टसदृशैर् गण्डशैलैश् च दंशितैः पट्टिसैर् भिण्डिपालैश् च परिघैश् चोत्तमायसैः ॥
घातनीभिश् च गुर्वीभिः शतघ्नीभिस् तथैव च युगैर् यन्त्रैश् च निर्मुक्तैर् अर्गलैश् चाग्रताडितैः ॥
दोर्भिश् चायतपीनाभिः प्रासैः पाशैश् च मुद्गरैः सर्पैर् लेलिह्यमानैश् च विसर्पद्भिश् च सायकैः ॥
वज्रैः प्रहरणीयैश् च दीप्यद्भिश् चापि तोमरैः विकोशैश् चासिभिस् तीक्ष्णैः शूलैश् च शितनिर्मलैः ॥
ते वै संदीप्तमनसः प्रगृहीतोत्तमायुधाः कालनेमिं पुरस्कृत्य तस्थुः संग्राममूर्धनि ॥
dānavānāṃ tu piprīṣuḥ kālanemiḥ sa dānavaḥ vyavardhata mahātejās tapānte jalado yathā ||
taṃ trailoyāntaragataṃ dṛṣṭvā te dānaveśvarāḥ uttasthur apariśrāntāḥ prāpyevāmṛtam uttamam ||
te vītabhayasaṃtrāsā mayatārapurogamāḥ rejur āyodhanagatā dānavā yuddhakaṅkṣiṇaḥ ||
mantram abhyasyataṃ teṣāṃ vyūhaṃ ca paridhāvatām prekṣatāṃ cābhavat prītir dānavaṃ kālaneminam ||
ye tu tatra mayasyāsan mukhyā yuddhapuraḥsarāḥ te'pi sarve bhayaṃ tyaktvā hṛṣṭā yoddhum upasthitāḥ ||
mayas tāro varāhaś ca hayagrīvaś ca vīryavān vipracittisutaḥ śvetaḥ kharalambāv ubhāv api ||
ariṣṭo baliputraś ca kiśorāṣṭrau tathaiva ca svarbhānuś cāmaraprakhyo vaktrayodhī mahāsuraḥ ||
ete 'straviduṣaḥ sarve sarve tapasi saṃsthitāḥ dānavāḥ kṛtino jagmuḥ kālaneminam uttamam ||
te gadābhiś ca gurvībhiś cakraiś ca saparaśvaghaiḥ kālakalpaiś ca musalaiḥ kṣepaṇīyaiś ca mudgaraiḥ ||
aśmabhiś cāṭṭasadṛśair gaṇḍaśailaiś ca daṃśitaiḥ paṭṭisair bhiṇḍipālaiś ca parighaiś cottamāyasaiḥ ||
ghātanībhiś ca gurvībhiḥ śataghnībhis tathaiva ca yugair yantraiś ca nirmuktair argalaiś cāgratāḍitaiḥ ||
dorbhiś cāyatapīnābhiḥ prāsaiḥ pāśaiś ca mudgaraiḥ sarpair lelihyamānaiś ca visarpadbhiś ca sāyakaiḥ ||
vajraiḥ praharaṇīyaiś ca dīpyadbhiś cāpi tomaraiḥ vikośaiś cāsibhis tīkṣṇaiḥ śūlaiś ca śitanirmalaiḥ ||
te vai saṃdīptamanasaḥ pragṛhītottamāyudhāḥ kālanemiṃ puraskṛtya tasthuḥ saṃgrāmamūrdhani ||
Вайшампаяна сказал: Желая ободрить данавов, демон Каланеми разросся великим сиянием, словно туча после зноя. Увидев его, проникшего в пределы троемирия, владыки данавов поднялись неутомлёнными, будто получили высшую амриту. Избавленные от страха, с Майей и Тарой впереди, данавы вышли на поле боя и сияли, жаждая сражения. Когда они повторяли свои замыслы, обходили боевой строй и смотрели на данаву Каланеми, у них возникла радость. Главные воины Майи, стоявшие впереди битвы, тоже отбросили страх и с ликованием явились биться: Майя, Тара, Вараха, могучий Хаягрива, Швета, сын Випрачитти, оба Кхара и Ламба, Аришта, сын Бали, Кишора и Аштра, Сварбхану, подобный бессмертному, и великий асура Вактрайодхи. Все эти искусные данавы, знатоки оружия и подвижники тапаса, пришли к превосходному Каланеми. Они взяли тяжёлые палицы, диски, секиры, песты, подобные Времени, метательные молоты, камни, похожие на башни, зубчатые скальные глыбы, паттисы, бхиндипалы, лучшие железные паригхи, тяжёлые орудия, шатаґхни, ярма, выпущенные машины, засовы, длинные мощные руки, копья, петли, молоты, извивающихся змей, расползающиеся стрелы, ваджры, сверкающие томары, обнажённые острые мечи и чистые копья. С воспламенённым умом и лучшим оружием в руках они поставили Каланеми впереди и встали во главе битвы.
9c4f3c4353b9 · publicado 22 jun 2026, 3:30:59 UTC
Disponible enRUPasa de verso en verso con
Присутствие Каланеми возвращает данавам уверенность: страх исчезает, оружие снова обретает смысл, а рассеянное войско собирается вокруг одного центра. Это показывает, насколько опасна харизма силы, когда она не подчинена дхарме.