ते ऽन्योन्यम् अभिसंपेतुः पातयन्तः परस्परम् बभञ्जुर् बाहुभिर् बाहून् द्वंद्वम् अन्ये युयुत्सवः ॥
देवतास् त्व् अशनीर् घोराः परिघांश् चोत्तमायसान् ससर्जुर् आजौ निस्त्रिंशान् गदा गुर्वीश् च दानवाः ॥
गदानिपातैर् भग्नाङ्गा बाणैश् च शकलीकृताः परिपेतुर् भृशं केचिन् न्युब्जाः केचिच् च जज्ञिरे ॥
ततो रथैः सतुरगैर् विमानैश् चाशुगामिभिः समीयुस् ते सुसंरब्धा रोषाद् अन्योन्यम् आहवे ॥
संवर्तमानाः समरे विवर्तन्तस् तथापरे रथा रथैर् निरुध्यन्ते पदाताश् च पदातिभिः ॥
तेषां रथानां तुमुलः स शब्दः शब्दवाहिनाम् नभः स्वस्वान हि यथा नभस्ये जलदस्वनैः ॥
बभञ्जिरे रथान् केचित् केचित् संमृदिता रथैः संबाधम् एके संप्राप्य न शेकुश् चलितुं रथाः ॥
अन्योन्यम् अन्ये समरे दोर्भ्याम् उत्क्षिप्य दर्पिताः संह्रादमानाभरणा जघ्नुस् तत्रासिचर्मिणः ॥
अस्त्रैर् अन्ये विनिर्भिन्ना रक्तं वेमुर् हता युधि क्षरज्जलानां सदृशा जलदानां समागमे ॥
तदस्त्रशस्त्रग्रथितं क्षिप्तोत्क्षिप्तगदाविलम् देवदानवसंक्षुब्धं संकुलं युद्धम् आबभौ ॥
तद्दानवमहामेघं देवायुधविराजितम् अन्योन्यबाणवर्षं तद् युद्धदुर्दिनम् आबभौ ॥
एतस्मिन्न् अन्तरे क्रुद्धः कालनेमिः स दानवः व्यवर्धत समुद्रौघैः पूर्यमाण इवाम्बुदः ॥
te 'nyonyam abhisaṃpetuḥ pātayantaḥ parasparam babhañjur bāhubhir bāhūn dvaṃdvam anye yuyutsavaḥ ||
devatās tv aśanīr ghorāḥ parighāṃś cottamāyasān sasarjur ājau nistriṃśān gadā gurvīś ca dānavāḥ ||
gadānipātair bhagnāṅgā bāṇaiś ca śakalīkṛtāḥ paripetur bhṛśaṃ kecin nyubjāḥ kecic ca jajñire ||
tato rathaiḥ saturagair vimānaiś cāśugāmibhiḥ samīyus te susaṃrabdhā roṣād anyonyam āhave ||
saṃvartamānāḥ samare vivartantas tathāpare rathā rathair nirudhyante padātāś ca padātibhiḥ ||
teṣāṃ rathānāṃ tumulaḥ sa śabdaḥ śabdavāhinām nabhaḥ svasvāna hi yathā nabhasye jaladasvanaiḥ ||
babhañjire rathān kecit kecit saṃmṛditā rathaiḥ saṃbādham eke saṃprāpya na śekuś calituṃ rathāḥ ||
anyonyam anye samare dorbhyām utkṣipya darpitāḥ saṃhrādamānābharaṇā jaghnus tatrāsicarmiṇaḥ ||
astrair anye vinirbhinnā raktaṃ vemur hatā yudhi kṣarajjalānāṃ sadṛśā jaladānāṃ samāgame ||
tadastraśastragrathitaṃ kṣiptotkṣiptagadāvilam devadānavasaṃkṣubdhaṃ saṃkulaṃ yuddham ābabhau ||
taddānavamahāmeghaṃ devāyudhavirājitam anyonyabāṇavarṣaṃ tad yuddhadurdinam ābabhau ||
etasminn antare kruddhaḥ kālanemiḥ sa dānavaḥ vyavardhata samudraughaiḥ pūryamāṇa ivāmbudaḥ ||
Они бросились друг на друга, сбивая один другого; одни воины, желая сражаться, попарно ломали руками руки. Боги метали страшные молнии и лучшие железные паригхи, а данавы выпускали в битве мечи и тяжёлые палицы. Одни, с разбитыми членами от ударов палиц и раздробленные стрелами, тяжело падали; другие оказывались ниц. Затем колесницы с конями и быстрые виманы в ярости сходились друг с другом в бою. В сражении одни сталкивались, другие разворачивались; колесницы сдерживались колесницами, пешие — пешими. Бурный звук этих грохочущих колесниц заставлял небо гудеть, как в сезон дождей от голосов туч. Некоторые ломали колесницы, другие были раздавлены ими; попав в тесноту, отдельные колесницы не могли двигаться. Иные гордецы в бою поднимали друг друга руками, и там мечники со щитами, с гремящими украшениями, поражали противников. Другие, пронзённые оружием и убитые в битве, извергали кровь, словно водоносные тучи при своём схождении. Сражение, сплетённое из астр и шастр, замутнённое брошенными и взметёнными палицами, потрясённое богами и данавами, стало смешанным и бурным. Эта великая туча данавов, сияющая оружием богов, с взаимным дождём стрел выглядела как боевое ненастье. В это время разгневанный данава Каланеми рос, словно туча, наполняемая океанскими потоками.
2f5f2f915861 · publicado 22 jun 2026, 3:30:59 UTC
Disponible enRUPasa de verso en verso con
Средняя часть главы передаёт давку боя без героического украшения: руки ломают руки, колесницы блокируют колесницы, движение становится невозможным. Так эпос показывает, что война быстро превращает порядок во взаимное сдавливание и слепой шум.