धात्री कंसस्य भोजस्य पूतनेति परिश्रुता ततो ऽर्धरात्रसमये शकुनिः प्रत्यदृश्यत ॥
व्याघ्रगम्भीरनिर्घोषा व्याहरन्ती पुनः पुनः निलिल्ये शकटाक्षे सा प्रस्नवोत्पीडवर्षिणी ॥
ददौ स्तनं च कृष्णाय तत्र सुप्तजने निशि तस्याः स्तनं पपौ कृष्णः प्राणैः सह ननाद च ॥
तेन शब्देन वित्रस्तास् ततो बुबुधिरे जनाः स नन्दगोपो गोपाश् च यशोदा च सुविक्लवा ॥
ते ताम् अपश्यन् पतितां विसंज्ञां विपयोधराम् शकुनिं निहतां भूमौ वज्रेणेव विदारिताम् ॥
इदं किं न्व् इति संत्रस्ताः कस्येदं कर्म चेति च नन्दगोपं पुरस्कृत्य गोपास् तं पर्यवारयन् ॥
गतेषु तेषु गोपेषु विस्मितेषु यथागृहम् यशोदां नन्दगोपस् तु पप्रच्छागतसंभ्रमः ॥
को ऽयं विधिर् न जानामि विस्मयो मे महान् अयम् पुत्रस्य मे भयं भीरु भीरुत्वं समुपागतम् ॥
यशोदा त्व् अब्रवीद् भीता नार्य जानामि किं न्व् इदम् दारकेण सहानेन सुप्ता शब्देन बोधिता ॥
यशोदायाम् अजानन्त्यां नन्दगोपः सबान्धवः कंसाद् भयं चकारोग्रं विस्मयं च जगाम ह ॥
dhātrī kaṃsasya bhojasya pūtaneti pariśrutā tato 'rdharātrasamaye śakuniḥ pratyadṛśyata ||
vyāghragambhīranirghoṣā vyāharantī punaḥ punaḥ nililye śakaṭākṣe sā prasnavotpīḍavarṣiṇī ||
dadau stanaṃ ca kṛṣṇāya tatra suptajane niśi tasyāḥ stanaṃ papau kṛṣṇaḥ prāṇaiḥ saha nanāda ca ||
tena śabdena vitrastās tato bubudhire janāḥ sa nandagopo gopāś ca yaśodā ca suviklavā ||
te tām apaśyan patitāṃ visaṃjñāṃ vipayodharām śakuniṃ nihatāṃ bhūmau vajreṇeva vidāritām ||
idaṃ kiṃ nv iti saṃtrastāḥ kasyedaṃ karma ceti ca nandagopaṃ puraskṛtya gopās taṃ paryavārayan ||
gateṣu teṣu gopeṣu vismiteṣu yathāgṛham yaśodāṃ nandagopas tu papracchāgatasaṃbhramaḥ ||
ko 'yaṃ vidhir na jānāmi vismayo me mahān ayam putrasya me bhayaṃ bhīru bhīrutvaṃ samupāgatam ||
yaśodā tv abravīd bhītā nārya jānāmi kiṃ nv idam dārakeṇa sahānena suptā śabdena bodhitā ||
yaśodāyām ajānantyāṃ nandagopaḥ sabāndhavaḥ kaṃsād bhayaṃ cakārograṃ vismayaṃ ca jagāma ha ||
Потом в полночь явилась птицей кормилица Камсы из рода Бходжей, известная как Путана. С глубоким рычанием, похожим на тигриное, она снова и снова кричала, спряталась у оси повозки и изливала потоки молока. Ночью, когда люди спали, она дала Кришне грудь. Кришна стал пить её грудь вместе с её жизненной силой и закричал. От этого звука люди проснулись в испуге: Нандагопа, пастухи и крайне взволнованная Яшода. Они увидели, что птица лежит на земле убитая, без сознания, с иссохшей грудью, словно рассечённая ваджрой. Испуганные пастухи спрашивали: «Что это? Чьё это дело?» — и окружили Нандагопу. Когда изумлённые пастухи разошлись по домам, Нандагопа с новым смятением спросил Яшоду: «Что это за судьба, я не знаю. Велико моё изумление; за моего сына, боязливая, ко мне пришёл страх». Испуганная Яшода ответила: «Господин, я не знаю, что это. Я спала с этим мальчиком и была разбужена звуком». Пока Яшода ничего не понимала, Нандагопа с родичами почувствовал страшный страх перед Камсой и пришёл в изумление.
772c400dde55 · publicado 22 jun 2026, 3:44:06 UTC
Disponible enRUPasa de verso en verso con
Путана приходит как угроза младенцу, но Кришна принимает её грудь и забирает саму жизнь демоницы. Для Враджа это ещё не богословское знание, а потрясение и страх; защита Господа действует раньше, чем люди понимают, кто перед ними.