काले गच्छति सौम्यौ तौ दारकौ कृतनामकौ कृष्णसंकर्षणौ चोभौ रिङ्गिनौ समपद्यताम् ॥
ताव् अन्योन्यगतौ बालौ बाल्याद् एवैकतां गतौ एकमन्त्रधरौ कान्तौ बालचन्द्रार्कवर्चसौ ॥
एकनिर्माणनिर्युक्ताव् एकशय्यासनाशनौ एकवेषधराव् एकं पुष्यमाणौ शिशुव्रतम् ॥
एककार्यान्तरगताव् एकदेहौ द्विधा कृतौ एकचर्यौ महावीर्याव् एकस्य शिशुतां गतौ ॥
एकप्रमाणौ लोकानां देववृत्तान्तमानुषौ कृत्स्नस्य जगतो गोपौ संवृत्तौ गोपदारकौ ॥
अन्योन्यव्यतिषक्ताभिः क्रीडाभिर् अभिशोभितौ अन्योन्यकिरणग्रस्तौ चन्द्रसूर्याव् इवाम्बरे ॥
विसर्पन्तौ तु सर्वत्र सर्पभोगभुजाव् उभौ रेजतुः पांशुदिग्धाङ्गौ दृप्तौ कलभकाव् इव ॥
क्वचिद् भस्मप्रदिग्धाङ्गौ करीषप्रोक्षितौ क्वचित् तौ तत्र परिधावेतां कुमाराव् इव पावकी ॥
क्वचिज् जानुभिर् उद्धृष्टैः सर्पमाणौ विरेजतुः क्रीडन्तौ वत्सशालासु शकृद्दिग्धाङ्गमूर्धजौ ॥
शुशुभाते श्रिया जुष्टाव् आनन्दजननौ पितुः जनं च विप्र कुर्वाणौ हसन्तौ च क्वचित् क्वचित् ॥
तौ बालकौ ललितकौ मूर्धजव्याकुलेक्षणौ रेजतुश् चन्द्रवदनौ दारकौ सुकुमारकौ ॥
अतिप्रसक्तौ तौ दृष्ट्वा सर्वव्रजविचारिणौ नाशक्नुवद् वारयितुम् नन्दगोपः सुदुर्मदौ ॥
kāle gacchati saumyau tau dārakau kṛtanāmakau kṛṣṇasaṃkarṣaṇau cobhau riṅginau samapadyatām ||
tāv anyonyagatau bālau bālyād evaikatāṃ gatau ekamantradharau kāntau bālacandrārkavarcasau ||
ekanirmāṇaniryuktāv ekaśayyāsanāśanau ekaveṣadharāv ekaṃ puṣyamāṇau śiśuvratam ||
ekakāryāntaragatāv ekadehau dvidhā kṛtau ekacaryau mahāvīryāv ekasya śiśutāṃ gatau ||
ekapramāṇau lokānāṃ devavṛttāntamānuṣau kṛtsnasya jagato gopau saṃvṛttau gopadārakau ||
anyonyavyatiṣaktābhiḥ krīḍābhir abhiśobhitau anyonyakiraṇagrastau candrasūryāv ivāmbare ||
visarpantau tu sarvatra sarpabhogabhujāv ubhau rejatuḥ pāṃśudigdhāṅgau dṛptau kalabhakāv iva ||
kvacid bhasmapradigdhāṅgau karīṣaprokṣitau kvacit tau tatra paridhāvetāṃ kumārāv iva pāvakī ||
kvacij jānubhir uddhṛṣṭaiḥ sarpamāṇau virejatuḥ krīḍantau vatsaśālāsu śakṛddigdhāṅgamūrdhajau ||
śuśubhāte śriyā juṣṭāv ānandajananau pituḥ janaṃ ca vipra kurvāṇau hasantau ca kvacit kvacit ||
tau bālakau lalitakau mūrdhajavyākulekṣaṇau rejatuś candravadanau dārakau sukumārakau ||
atiprasaktau tau dṛṣṭvā sarvavrajavicāriṇau nāśaknuvad vārayitum nandagopaḥ sudurmadau ||
Вайшампаяна сказал: С течением времени два прекрасных мальчика, уже получившие имена, Кришна и Санкаршана, начали ползать. С самого детства они были неразлучны и словно достигли единства: прекрасные, с одним замыслом, сияющие как юная луна и солнце. Они были будто устроены как одно, спали, сидели и ели вместе, носили одинаковый наряд и росли в одном детском обычае. В одном деле, словно одно тело, ставшее двойным, они жили одним поведением и огромной силой, разделяя одно детство. Для миров они были одной мерой: по своей сути божественные, внешне человеческие, пастухи всего мира, ставшие пастушьими мальчиками. Их игры переплетались друг с другом, и они сияли, как луна и солнце в небе, взаимно охваченные лучами. Ползая повсюду, оба с руками, подобными змеиным кольцам, они сияли с телами, покрытыми пылью, как гордые слонята. То они были измазаны пеплом, то обрызганы навозом и бегали там, как два огненных мальчика. Где-то они ползали на натёртых коленях, играли в телячьих стойлах, с телами и волосами, измазанными навозом. Наделённые красотой, они приносили радость отцу, смешили людей, смеялись сами и сияли, луноликие, нежные, с глазами, закрытыми растрёпанными волосами. Нандагопа видел, как эти неугомонные мальчики слишком свободно ходят по всему Враджу, и не мог их удержать.
573ad44a319b · publicado 22 jun 2026, 3:44:06 UTC
Disponible enRUPasa de verso en verso con
Детство Кришны и Санкаршаны описано как полное единство: одна еда, одно ложе, одна игра и одна забота. Их божественность не противопоставлена грязи, пыли и телячьим стойлам; именно там она становится сладкой и близкой.