तास् तु संभ्रान्तवदना यशोदाम् ऊचुर् अङ्गनाः एह्य् आगच्छ यशोदेति संभ्रमे किं विलम्बसे ॥
यौ ताव् अर्जुनवृक्षौ तु व्रजे सत्योपयाचितौ पुत्रस्योपरि ताव् एतौ पतितौ ते महीरुहौ ॥
दृढेन दाम्ना तत्रैव बद्धो वत्स इवोदरे जहास मध्ये वृक्षाभ्यां तव पुत्रः स बालकः ॥
उत्तिष्ठ गच्छ दुर्मेधे मूढे पण्डितमानिनि पुत्रम् आनय जीवन्तुं मुक्तं मृत्युमुखाद् इव ॥
सा भीता सहसोत्थाय हाहाकारं प्रकुर्वती तं देशम् अगमद् यत्र पतितौ तौ महाद्रुमौ ॥
ददर्श ताभ्यां सा मध्ये द्रुमाभ्याम् आत्मजं शिशुम् दाम्ना निबद्धम् उदरे कर्षमाणम् उदूखलम् ॥
सगोपीगोपवृद्धश् च सयुवा च व्रजस् तदा पर्यगच्छत् ततो द्रष्टुं गोपेषु महद् अद्भुतम् ॥
जजल्पुस् ते यथाकामं गोपा वनविचारिणः केनेमौ पातितौ वृक्षौ घोषस्यैवाग्रपादपौ ॥
विना वातं विना वर्षं विद्युत्प्रपतनं विना विना हस्तिकृतं दोषम् केनेमौ पातितौ द्रुमौ ॥
अहो बत न शोभेतां विमूलाव् अर्जुनाव् इमौ इमौ निपतितौ भूमौ वितोयौ जलदाव् इव ॥
नन्दगोप प्रसन्नौ ते द्रुमाव् एवंगताव् अपि यत्र ते दारको मुक्तो विमूलाभ्याम् अविक्षतः ॥
औत्पातिकम् इदं घोषे तृतीयं वर्तते त्व् इह पूतनाया निपातश् च द्रुमयोः शकटस्य च ॥
अस्मिन् स्थाने निवेशो ऽयं घोषस्यास्य न विद्यते उत्पाता ह्य् अत्र दृश्यन्ते कथयन्तो नशोभनम् ॥
नन्दगोपस् तु सहसा मुक्त्वा कृष्णम् उदूखलात् निवेश्य चाङ्के सुचिरं मृतं पुनर् इवागतम् ॥
tās tu saṃbhrāntavadanā yaśodām ūcur aṅganāḥ ehy āgaccha yaśodeti saṃbhrame kiṃ vilambase ||
yau tāv arjunavṛkṣau tu vraje satyopayācitau putrasyopari tāv etau patitau te mahīruhau ||
dṛḍhena dāmnā tatraiva baddho vatsa ivodare jahāsa madhye vṛkṣābhyāṃ tava putraḥ sa bālakaḥ ||
uttiṣṭha gaccha durmedhe mūḍhe paṇḍitamānini putram ānaya jīvantuṃ muktaṃ mṛtyumukhād iva ||
sā bhītā sahasotthāya hāhākāraṃ prakurvatī taṃ deśam agamad yatra patitau tau mahādrumau ||
dadarśa tābhyāṃ sā madhye drumābhyām ātmajaṃ śiśum dāmnā nibaddham udare karṣamāṇam udūkhalam ||
sagopīgopavṛddhaś ca sayuvā ca vrajas tadā paryagacchat tato draṣṭuṃ gopeṣu mahad adbhutam ||
jajalpus te yathākāmaṃ gopā vanavicāriṇaḥ kenemau pātitau vṛkṣau ghoṣasyaivāgrapādapau ||
vinā vātaṃ vinā varṣaṃ vidyutprapatanaṃ vinā vinā hastikṛtaṃ doṣam kenemau pātitau drumau ||
aho bata na śobhetāṃ vimūlāv arjunāv imau imau nipatitau bhūmau vitoyau jaladāv iva ||
nandagopa prasannau te drumāv evaṃgatāv api yatra te dārako mukto vimūlābhyām avikṣataḥ ||
autpātikam idaṃ ghoṣe tṛtīyaṃ vartate tv iha pūtanāyā nipātaś ca drumayoḥ śakaṭasya ca ||
asmin sthāne niveśo 'yaṃ ghoṣasyāsya na vidyate utpātā hy atra dṛśyante kathayanto naśobhanam ||
nandagopas tu sahasā muktvā kṛṣṇam udūkhalāt niveśya cāṅke suciraṃ mṛtaṃ punar ivāgatam ||
Женщины с взволнованными лицами сказали Яшоде: «Иди, иди, Яшода! Почему ты медлишь в такой тревоге? Те два арджуна-дерева, почитаемые во Врадже, упали над твоим сыном. Твой мальчик, привязанный прочной верёвкой за живот как телёнок, смеялся между деревьями. Встань, иди, неразумная, глупая, считающая себя мудрой; принеси живого сына, словно спасённого из пасти смерти». Яшода в страхе вскочила, закричала и пошла к месту, где упали два великих дерева. Между ними она увидела своего младенца, привязанного за живот и тянущего ступу. Тогда весь Врадж — гопи, старшие пастухи, молодые люди — собрался посмотреть на великое чудо среди пастухов. Лесные пастухи говорили как хотели: «Кто повалил эти два дерева, лучшие деревья поселения? Без ветра, без дождя, без удара молнии, без вреда от слона — кем они повалены? Ах, теперь эти два арджуна без корней уже не сияют; они лежат на земле как две тучи без воды. Нандагопа, эти деревья благосклонны к тебе даже в таком состоянии: ведь твой мальчик спасся невредимым от двух вырванных с корнем деревьев. Это уже третье дурное знамение в поселении: падение Путаны, повозки и двух деревьев. В этом месте нельзя оставлять наше поселение; здесь видны знамения, говорящие недоброе». Нандагопа быстро освободил Кришну от ступы и долго держал его на коленях, словно тот умер и снова вернулся.
7f862414d3b8 · publicado 22 jun 2026, 3:44:06 UTC
Disponible enRUPasa de verso en verso con
Пастухи видят чудо, но читают его как опасный знак. Их любовь к Кришне выражается не в богословских выводах, а в немедленной тревоге: место стало страшным, потому что ребёнок снова оказался рядом со смертью.