यस् त्व् अयं नन्दगोपस्य कृष्ण इत्य् उच्यते सुतः अत्र मे नारदः प्राह सुमहत् कर्म कारणम् ॥
द्वितीयो वसुदेवाद् वै वासुदेवो भविष्यति स हि ते सहजो मृत्युर् बान्धवश् च भविष्यति ॥
स एव वासुदेवो वै वसुदेवसुतो बली बान्धवो धर्मतो मह्यं हृदयेनान्तको रिपुः ॥
यथा हि वायसो मूर्ध्नि पद्भ्यां यस्यैव तिष्ठति नेत्रे तुदति तस्यैव वक्त्रेणामिषगृद्धिना ॥
वसुदेवस् तथैवायं सपुत्रः सहबान्धवः च्छिनत्ति मम मूलानि भुङ्क्ते च मम पार्श्वतः ॥
भ्रूणहत्यापि संतार्या गोवधः स्त्रीवधो ऽपि वा न कृतघ्नस्य लोको ऽस्ति बान्धवस्य विशेषतः ॥
पतितानुगतं मार्गं निषेवत्य् अचिरेण सः यः कृतघ्नो ऽनुबन्धेन प्रीतिं वहति दारुणाम् ॥
नरकाध्युषितः पन्था गन्तव्यस् तेन दारुणः अपापे पापहृदयो यः पापम् अनुतिष्ठति ॥
अहं वा स्वजनः श्लाघ्यः स वा श्लाघ्यतरः सुतः नियमैर् गुरुवृत्तेन त्वया बान्धवकाम्यया ॥
हस्तिनां कलहे घोरे वधम् ऋच्छन्ति वीरुधः युद्धव्युपरमे ते तु सहाश्नन्ति महावने ॥
बान्धवानाम् अपि तथा भेदकाले समुत्थिते वध्यते यो ऽन्तरप्रेप्सुः स्वजनो याति विक्रियाम् ॥
yas tv ayaṃ nandagopasya kṛṣṇa ity ucyate sutaḥ atra me nāradaḥ prāha sumahat karma kāraṇam ||
dvitīyo vasudevād vai vāsudevo bhaviṣyati sa hi te sahajo mṛtyur bāndhavaś ca bhaviṣyati ||
sa eva vāsudevo vai vasudevasuto balī bāndhavo dharmato mahyaṃ hṛdayenāntako ripuḥ ||
yathā hi vāyaso mūrdhni padbhyāṃ yasyaiva tiṣṭhati netre tudati tasyaiva vaktreṇāmiṣagṛddhinā ||
vasudevas tathaivāyaṃ saputraḥ sahabāndhavaḥ cchinatti mama mūlāni bhuṅkte ca mama pārśvataḥ ||
bhrūṇahatyāpi saṃtāryā govadhaḥ strīvadho 'pi vā na kṛtaghnasya loko 'sti bāndhavasya viśeṣataḥ ||
patitānugataṃ mārgaṃ niṣevaty acireṇa saḥ yaḥ kṛtaghno 'nubandhena prītiṃ vahati dāruṇām ||
narakādhyuṣitaḥ panthā gantavyas tena dāruṇaḥ apāpe pāpahṛdayo yaḥ pāpam anutiṣṭhati ||
ahaṃ vā svajanaḥ ślāghyaḥ sa vā ślāghyataraḥ sutaḥ niyamair guruvṛttena tvayā bāndhavakāmyayā ||
hastināṃ kalahe ghore vadham ṛcchanti vīrudhaḥ yuddhavyuparame te tu sahāśnanti mahāvane ||
bāndhavānām api tathā bhedakāle samutthite vadhyate yo 'ntaraprepsuḥ svajano yāti vikriyām ||
«О сыне Нандагопы, которого называют Кришной, Нарада сказал мне ещё великое дело-причину: “Второй Васудева родится от Васудевы. Он будет твоей врождённой смертью и одновременно родственником. Именно этот Васудева, могучий сын Васудевы, по дхарме мой родственник, но сердцем — смерть и враг”. Как ворона стоит ногами на голове того, чьи глаза затем клюёт своим жадным до мяса клювом, так и этот Васудева вместе с сыном и родными рубит мои корни и ест рядом со мной. Даже убийство плода, коровы или женщины можно искупить, но для неблагодарного нет мира, особенно если он родственник. Тот, кто неблагодарно хранит страшную привязанность, вскоре идёт путём падших. Страшный путь, населённый адом, должен пройти тот, кто с грешным сердцем совершает грех против невиновного. Кто достоин похвалы: я, свой человек, или тот сын, более достойный? Ты же правилами и поведением старшего прикрывал желание родства. При страшной ссоре слонов гибнут растения, но когда битва прекращается, они вместе едят в великом лесу. Так же и среди родственников, когда наступает раздор, тот, кто ищет промежуток, подлежит смерти, и свой человек изменяется».
d6bd13852993 · publicado 22 jun 2026, 3:44:13 UTC
Disponible enRUPasa de verso en verso con
Камса обвиняет Васудеву в неблагодарности, но его речь выдает собственное искажённое сердце. Родство для него ценно только пока оно служит страху и власти.