ते तु युक्त्वा रथवरं सर्व एवामितौजसः विविशुः पूःप्रधानां वै काले रक्तदिवाकरे ॥
तौ तु स्वभवनं वीरौ कृष्णसंकर्षणाव् उभौ प्रवेशितौ बुद्धिमता अक्रूरेणार्कतेजसा ॥
ताव् आह वरवर्णाङ्गौ भीतो दानपतिस् तदा त्यक्तव्या तात गमने वसुदेवगृहे स्पृहा ॥
युवयोर् हि कृते वृद्धः कंसेन स निरस्यते भर्त्स्यते च दिवा रात्रौ नेह स्थातव्यम् इत्य् अपि ॥
तम् उवाच ततः कृष्णो यास्यावो ऽवाम् अतर्कितौ प्रेक्षन्तौ मथुरां वीर राजमार्गं च धार्मिक ॥
अनुशिष्टौ च तौ वीरौ प्रस्थितौ प्रेक्षकाव् उभौ आलानाभ्याम् इवोत्सृष्टौ कुञ्जरौ युद्धकाङ्क्षिणौ ॥
तौ तु मार्गगतं दृष्ट्वा रजकं रङ्गकारकम् अयाचेतां ततस् तानि वासांसि विरजानि वै ॥
रजकः स तु तौ प्राह युवां कस्य वनेचरौ राज्ञो वासांसि यौ मूर्खौ याचेतां निर्भयाव् उभौ ॥
अहं कंसस्य वासांसि नानादेशोद्भवानि च कामरागाणि शतशो रजामि विविधानि च ॥
युवां कस्य वने जातौ मृगैः सह विवर्धितौ जातरागाव् इदं दृष्ट्वा रक्तम् आच्छादनं बहु ॥
अहो वां जीवितं त्यक्तं यौ भवन्ताव् इहागतौ मूर्खौ प्राकृतविज्ञानौ वासो याचितुम् अर्हथ ॥
तस्मै चुक्रोध वै कृष्णो रजकायाल्पमेधसे प्राप्तारिष्टाय मूर्खाय सृजते वाङ्मयं विषम् ॥
तलेनाशनिकल्पेन स तं मूर्धन्य् अताडयत् गतासुः स पपातोर्व्यां रजको व्यस्तमस्तकः ॥
तं हतं परिदेवन्त्यो भार्यास् तस्य विचुक्रुशुः त्वरितं मुक्तकेश्यश् च जग्मुः कंसनिवेशनम् ॥
te tu yuktvā rathavaraṃ sarva evāmitaujasaḥ viviśuḥ pūḥpradhānāṃ vai kāle raktadivākare ||
tau tu svabhavanaṃ vīrau kṛṣṇasaṃkarṣaṇāv ubhau praveśitau buddhimatā akrūreṇārkatejasā ||
tāv āha varavarṇāṅgau bhīto dānapatis tadā tyaktavyā tāta gamane vasudevagṛhe spṛhā ||
yuvayor hi kṛte vṛddhaḥ kaṃsena sa nirasyate bhartsyate ca divā rātrau neha sthātavyam ity api ||
tam uvāca tataḥ kṛṣṇo yāsyāvo 'vām atarkitau prekṣantau mathurāṃ vīra rājamārgaṃ ca dhārmika ||
anuśiṣṭau ca tau vīrau prasthitau prekṣakāv ubhau ālānābhyām ivotsṛṣṭau kuñjarau yuddhakāṅkṣiṇau ||
tau tu mārgagataṃ dṛṣṭvā rajakaṃ raṅgakārakam ayācetāṃ tatas tāni vāsāṃsi virajāni vai ||
rajakaḥ sa tu tau prāha yuvāṃ kasya vanecarau rājño vāsāṃsi yau mūrkhau yācetāṃ nirbhayāv ubhau ||
ahaṃ kaṃsasya vāsāṃsi nānādeśodbhavāni ca kāmarāgāṇi śataśo rajāmi vividhāni ca ||
yuvāṃ kasya vane jātau mṛgaiḥ saha vivardhitau jātarāgāv idaṃ dṛṣṭvā raktam ācchādanaṃ bahu ||
aho vāṃ jīvitaṃ tyaktaṃ yau bhavantāv ihāgatau mūrkhau prākṛtavijñānau vāso yācitum arhatha ||
tasmai cukrodha vai kṛṣṇo rajakāyālpamedhase prāptāriṣṭāya mūrkhāya sṛjate vāṅmayaṃ viṣam ||
talenāśanikalpena sa taṃ mūrdhany atāḍayat gatāsuḥ sa papātorvyāṃ rajako vyastamastakaḥ ||
taṃ hataṃ paridevantyo bhāryās tasya vicukruśuḥ tvaritaṃ muktakeśyaś ca jagmuḥ kaṃsaniveśanam ||
Вайшампаяна сказал: Запрягши лучшую колесницу, все они, безмерной силы, вошли в главный город, когда солнце было красным. Мудрый Акрура, сияющий как солнце, ввёл двух героев, Кришну и Санкаршану, в свой дом. Тогда испуганный щедрый Акрура сказал этим двум прекрасным юношам: «Дети, оставьте желание идти в дом Васудевы. Из-за вас старого Васудеву Камса изгоняет и день и ночь бранит, говоря, что ему нельзя здесь оставаться». Тогда Кришна сказал ему: «Мы двое пойдём незаметно, герой, осматривая Матхуру и царскую дорогу, праведный». Получив наставление, два героя отправились как зрители, словно два боевых слона, отпущенных от привязей. На дороге они увидели прачечника-красильщика и попросили у него чистые одежды. Прачечник сказал им: «Чьи вы лесные бродяги? Вы, два глупца, бесстрашно просите царские одежды! Я крашу для Камсы сотни разнообразных одежд, привезённых из разных стран и окрашенных по желанию. Чьи вы, рождённые в лесу и выросшие со зверями, что, увидев множество цветных одежд, возжелали их? Вы уже простились с жизнью, раз пришли сюда, глупцы с грубым пониманием, и решились просить одежду». Кришна разгневался на этого малоумного прачечника, глупца, которому уже пришла гибель и который изливал словесный яд. Ладонью, подобной молнии, он ударил его по голове; лишённый жизни прачечник упал на землю с разбитой головой. Его жёны, оплакивая убитого, закричали и поспешно, с распущенными волосами, побежали в жилище Камсы.
2353a9ceb9fb · publicado 22 jun 2026, 3:44:16 UTC
Disponible enRUPasa de verso en verso con
Вход в Матхуру сразу показывает две реакции на Кришну: гордое служение Камсе и готовность служить Господу. Прачечник держится за царское имущество как за власть, и его речь сама становится ядом.