विकुण्डलाभ्यां कर्णाभ्यां छिन्नहारेण वक्षसा प्रलम्बाभ्यां च बाहुभ्यां गात्रैर् विसृतभूषणैः ॥
भ्रंशितेनोत्तरीयेण सहसा चलितासनः वेष्टमानः समाक्षिप्तः कंसः कृष्णेन तेजसा ॥
चकर्ष च महारङ्गे मञ्चान् निष्क्रम्य केशवः केशेषु बलवद् गृह्य कंसं क्लेशार्हतां गतम् ॥
कृष्यमाणः स कृष्णेन भोजराजो महाद्युतिः समाजवाटे परिखां देहकृष्टां चकार ह ॥
समाजवाटे विक्रीड्य विकृष्य च गतायुषम् कृष्णो विसर्जयाम्_आस कंसदेहम् अदूरतः ॥
धरण्यां मृदितः शेते तस्य देहः सुखोचितः क्रमेण विपरीतेन पांसुभिः परुषीकृतः ॥
तस्य तद् वदनं श्यावं सुप्ताक्षं मुकुटं विना न विभाति विपर्यस्तं विपलाशं यथाम्बुजम् ॥
असंग्रामे हतः कंसः स बाणैर् अपरिक्षतः कण्ठग्राहान् निरस्तासुर् वीरमार्गान् निराकृतः ॥
तस्य देहे प्रकाशन्ते सहसा केशवार्पिताः मांसच्छेदघनाः सर्वे नखाग्रा जीवितच्छिदः ॥
vikuṇḍalābhyāṃ karṇābhyāṃ chinnahāreṇa vakṣasā pralambābhyāṃ ca bāhubhyāṃ gātrair visṛtabhūṣaṇaiḥ ||
bhraṃśitenottarīyeṇa sahasā calitāsanaḥ veṣṭamānaḥ samākṣiptaḥ kaṃsaḥ kṛṣṇena tejasā ||
cakarṣa ca mahāraṅge mañcān niṣkramya keśavaḥ keśeṣu balavad gṛhya kaṃsaṃ kleśārhatāṃ gatam ||
kṛṣyamāṇaḥ sa kṛṣṇena bhojarājo mahādyutiḥ samājavāṭe parikhāṃ dehakṛṣṭāṃ cakāra ha ||
samājavāṭe vikrīḍya vikṛṣya ca gatāyuṣam kṛṣṇo visarjayām_āsa kaṃsadeham adūrataḥ ||
dharaṇyāṃ mṛditaḥ śete tasya dehaḥ sukhocitaḥ krameṇa viparītena pāṃsubhiḥ paruṣīkṛtaḥ ||
tasya tad vadanaṃ śyāvaṃ suptākṣaṃ mukuṭaṃ vinā na vibhāti viparyastaṃ vipalāśaṃ yathāmbujam ||
asaṃgrāme hataḥ kaṃsaḥ sa bāṇair aparikṣataḥ kaṇṭhagrāhān nirastāsur vīramārgān nirākṛtaḥ ||
tasya dehe prakāśante sahasā keśavārpitāḥ māṃsacchedaghanāḥ sarve nakhāgrā jīvitacchidaḥ ||
Камса с ушами без серёг, с сорванным ожерельем на груди, со свисающими руками и телом, с которого слетели украшения, с упавшей верхней одеждой, внезапно сдвинутый с сиденья, извивающийся и сброшенный силой Кришны, был протащен Кешавой по великой арене. Крепко держа за волосы Камсу, ставшего достойным мучения, Кешава вышел с помоста. Тащимый Кришной, сияющий царь Бходжей прочертил своим телом борозду во дворе собрания. Поиграв с ним на арене и протащив уже лишённого жизни, Кришна отбросил тело Камсы неподалёку. Тело Камсы, привыкшее к удовольствию, лежало на земле растёртым, перевёрнутым и огрубевшим от пыли. Его потемневшее лицо с закрытыми глазами, без венца, опрокинутое, не сияло, как лотос без лепестков. Камса был убит не в битве, не иссечён стрелами: жизнь была выбита из него захватом за горло, и путь героев был ему закрыт. На его теле были видны глубокие разрывы плоти от кончиков ногтей Кешавы, внезапно нанесённых и прервавших жизнь.
ffade39a7d3b · publicado 22 jun 2026, 4:01:50 UTC
Disponible enRUPasa de verso en verso con
Смерть Камсы намеренно лишена героической формы. Он не падает на поле битвы с оружием, а стаскивается с трона как тиран, чья власть держалась на страхе.