न्यहनत् सारथिं चास्य ध्वजं चिच्छेद चोच्छ्रितम् प्रतिविव्याध तं क्रुद्धः पौण्ड्रः षड्भिः शिलीमुखैः ॥
धनुश् चिच्छेद चाप्य् अस्य भल्लेनायतपर्वणा निवृत्तशत्रुः कालिङ्गं बिभेद निशितैः शरैः तोमरेणांसदेशे तं निर्बिभेद कलिङ्गराट् ॥
गजेनासाद्य कङ्कस् तु गजम् अङ्गस्य वीर्यवान् तोमरेण बिभेदाङ्गं बिभेदाङ्गश् च तं शरैः ॥
चित्रकश् च श्वफल्कश् च सत्यकश् च महारथः कलिङ्गस्य तथानीकं नाराचैर् बिभिदुः शितैः ॥
विसृष्टेन द्रुमेणाजौ वङ्गराजस्य कुञ्जरम् जघान रामः सम्क्रुद्धो वङ्गराजं च संयुगे ॥
तं हत्वा रथम् आरुह्य धनुर् आदाय वीर्यवान् संकर्षणो जघानोग्रैर् नाराचैः कैशिकान् बहून् ॥
षड्भिर् निहत्य कारूषान् महेष्वासान् स वीर्यवान् शतं जघान संक्रुद्धो मागधानां महारथः निहत्य तान् महाबाहुर् जरासंधं ततो ऽभ्ययात् ॥
तम् आपतन्तं विव्याध नाराचैर् मागधस् त्रिभिः तं बिभेदाष्टभिः क्रुद्धो नाराचैर् मुसलायुधः चिच्छेद चास्य भल्लेन ध्वजं रत्नविभूषितम् ॥
तद् युद्धम् अभवद् घोरं तेषां देवासुरोपमम् सृजतां शरवर्षाणि निघ्नताम् इतरेतरम् ॥
गजैर् गजा हि संक्रुद्धाः संनिपेतुः सहस्रशः रथै रथाश् च संरब्धाः सादिभिश् चापि सादिनः ॥
पदातयः पदातींश् च शक्तिचर्मासिपाणयः छिन्दन्तश् चोत्तमाङ्गानि विचेरुर् युधि ते पृथक् ॥
असीनां पात्यमानानां कवचेषु महास्वनः शराणां पततां शब्दः पक्षिणाम् इव शुश्रुवे ॥
भेरीशङ्खमृदङ्गानां वेणूनां च मृधे ध्वनिम् जुगूह घोषः शस्त्राणां ज्याघोषश् च महात्मनां ॥
nyahanat sārathiṃ cāsya dhvajaṃ ciccheda cocchritam prativivyādha taṃ kruddhaḥ pauṇḍraḥ ṣaḍbhiḥ śilīmukhaiḥ ||
dhanuś ciccheda cāpy asya bhallenāyataparvaṇā nivṛttaśatruḥ kāliṅgaṃ bibheda niśitaiḥ śaraiḥ tomareṇāṃsadeśe taṃ nirbibheda kaliṅgarāṭ ||
gajenāsādya kaṅkas tu gajam aṅgasya vīryavān tomareṇa bibhedāṅgaṃ bibhedāṅgaś ca taṃ śaraiḥ ||
citrakaś ca śvaphalkaś ca satyakaś ca mahārathaḥ kaliṅgasya tathānīkaṃ nārācair bibhiduḥ śitaiḥ ||
visṛṣṭena drumeṇājau vaṅgarājasya kuñjaram jaghāna rāmaḥ samkruddho vaṅgarājaṃ ca saṃyuge ||
taṃ hatvā ratham āruhya dhanur ādāya vīryavān saṃkarṣaṇo jaghānograir nārācaiḥ kaiśikān bahūn ||
ṣaḍbhir nihatya kārūṣān maheṣvāsān sa vīryavān śataṃ jaghāna saṃkruddho māgadhānāṃ mahārathaḥ nihatya tān mahābāhur jarāsaṃdhaṃ tato 'bhyayāt ||
tam āpatantaṃ vivyādha nārācair māgadhas tribhiḥ taṃ bibhedāṣṭabhiḥ kruddho nārācair musalāyudhaḥ ciccheda cāsya bhallena dhvajaṃ ratnavibhūṣitam ||
tad yuddham abhavad ghoraṃ teṣāṃ devāsuropamam sṛjatāṃ śaravarṣāṇi nighnatām itaretaram ||
gajair gajā hi saṃkruddhāḥ saṃnipetuḥ sahasraśaḥ rathai rathāś ca saṃrabdhāḥ sādibhiś cāpi sādinaḥ ||
padātayaḥ padātīṃś ca śakticarmāsipāṇayaḥ chindantaś cottamāṅgāni vicerur yudhi te pṛthak ||
asīnāṃ pātyamānānāṃ kavaceṣu mahāsvanaḥ śarāṇāṃ patatāṃ śabdaḥ pakṣiṇām iva śuśruve ||
bherīśaṅkhamṛdaṅgānāṃ veṇūnāṃ ca mṛdhe dhvanim jugūha ghoṣaḥ śastrāṇāṃ jyāghoṣaś ca mahātmanāṃ ||
Нивритташатру острыми стрелами пронзил царя Калинги, а владыка Калинги томарой пробил его в плечо. Доблестный Канка на слоне приблизился к слону Анги и томарой поразил Ангу, а Анга ответно пронзил его стрелами. Читрака, Швапхалка и великий колесничий Сатьяка острыми нарачами рассекли войско Калинги. В гневе Рама брошенным деревом в бою убил слона царя Ванги и самого царя Ванги в сражении. Сразив его, доблестный Санкаршана взошёл на колесницу, взял лук и страшными нарачами убил многих Каишиков. Затем он шестью стрелами сразил Карушей, великих лучников, и в ярости убил сотню магадхских махаратхов. Сразив их, могучерукий двинулся на Джарасандху. Магадхский царь тремя нарачами поразил его, когда тот налетал; разгневанный Мусалаюдха ответил восьмью нарачами и бхаллой отсёк его стяг, украшенный драгоценностями. То сражение стало ужасным, подобным битве богов и асуров: они выпускали дожди стрел и поражали друг друга. Разгневанные слоны тысячами сталкивались со слонами, колесницы с колесницами, всадники со всадниками, а пехотинцы с копьями, щитами и мечами рубили головы и двигались по полю боя. Звон мечей, падавших на панцири, и шум летящих стрел слышался как крик птиц. Грохот оружий и звон тетив великих воинов заглушал звуки бхери, раковин, мриданг и флейт в битве.
3a559550f4df · publicado 22 jun 2026, 6:55:02 UTC
Disponible enRUPasa de verso en verso con
Баларама снова становится главной опорой Ядавов. Пока Кришна увозит Рукмини, Санкаршана принимает на себя тяжесть боя и удерживает натиск царей.