वैशंपायन उवाच
गच्छन् स तीर्थानि महानुभावः; पुण्यानि रम्याणि ददर्श राजा ॥
सर्वाणि विप्रैर् उपशोभितानि; क्व चित् क्व चिद् भारत सागरस्य ॥
स वृत्तवांस् तेषु कृताभिषेकः; सहानुजः पार्थिवपुत्रपौत्रः ॥
समुद्रगां पुण्यतमां प्रशस्तां; जगाम पारिक्षित पाण्डुपुत्रः ॥
तत्रापि चाप्लुत्य महानुभावः; संतर्पयाम् आस पितॄन् सुरांश् च ॥
द्विजातिमुख्येषु धनं विसृज्य; गोदावरिं सागरगाम् अगच्छत् ॥
ततो विपाप्मा द्रविडेषु राजन्; समुद्रम् आसाद्य च लोकपुण्यम् ॥
अगस्त्यतीर्थं च पवित्रपुण्यं; नारीतीर्थान्य् अथ वीरो ददर्श ॥
तत्रार्जुनस्याग्र्यधनुर्धरस्य; निशम्य तत् कर्म परैर् असह्यम् ॥
संपूज्यमानः परमर्षिसंघैः; परां मुदं पाण्डुसुतः स लेभे ॥
स तेषु तीर्थेष्व् अभिषिक्तगात्रः; कृष्णासहायः सहितो ऽनुजैश् च ॥
संपूजयन् विक्रमम् अर्जुनस्य; रेमे महीपालपतिः पृथिव्याम् ॥
ततः सहस्राणि गवां प्रदाय; तीर्थेषु तेष्व् अम्बुधरोत्तमस्य ॥
हृष्टः सह भ्रातृभिर् अर्जुनस्य; संकीर्तयाम् आस गवां प्रदानम् ॥
स तानि तीर्थानि च सागरस्य; पुण्यानि चान्यानि बहूनि राजन् ॥
क्रमेण गच्छन् परिपूर्णकामः; शूर्पारकं पुण्यतमं ददर्श ॥
vaiśaṃpāyana uvāca
gacchan sa tīrthāni mahānubhāvaḥ; puṇyāni ramyāṇi dadarśa rājā ||
sarvāṇi viprair upaśobhitāni; kva cit kva cid bhārata sāgarasya ||
sa vṛttavāṃs teṣu kṛtābhiṣekaḥ; sahānujaḥ pārthivaputrapautraḥ ||
samudragāṃ puṇyatamāṃ praśastāṃ; jagāma pārikṣita pāṇḍuputraḥ ||
tatrāpi cāplutya mahānubhāvaḥ; saṃtarpayām āsa pitṝn surāṃś ca ||
dvijātimukhyeṣu dhanaṃ visṛjya; godāvariṃ sāgaragām agacchat ||
tato vipāpmā draviḍeṣu rājan; samudram āsādya ca lokapuṇyam ||
agastyatīrthaṃ ca pavitrapuṇyaṃ; nārītīrthāny atha vīro dadarśa ||
tatrārjunasyāgryadhanurdharasya; niśamya tat karma parair asahyam ||
saṃpūjyamānaḥ paramarṣisaṃghaiḥ; parāṃ mudaṃ pāṇḍusutaḥ sa lebhe ||
sa teṣu tīrtheṣv abhiṣiktagātraḥ; kṛṣṇāsahāyaḥ sahito 'nujaiś ca ||
saṃpūjayan vikramam arjunasya; reme mahīpālapatiḥ pṛthivyām ||
tataḥ sahasrāṇi gavāṃ pradāya; tīrtheṣu teṣv ambudharottamasya ||
hṛṣṭaḥ saha bhrātṛbhir arjunasya; saṃkīrtayām āsa gavāṃ pradānam ||
sa tāni tīrthāni ca sāgarasya; puṇyāni cānyāni bahūni rājan ||
krameṇa gacchan paripūrṇakāmaḥ; śūrpārakaṃ puṇyatamaṃ dadarśa ||
Vaishampayana said: 'As he journeyed on, the great-souled king beheld beautiful and holy tirthas by the ocean, all adorned with brahmins, here and there, O Bharata. Having performed the rites and bathed in them together with his younger brothers, the son of Pandu came to the holiest and most renowned river flowing into the sea, O Parikshit. There too the great-souled one bathed, satisfied the ancestors and gods, gave wealth to the foremost of the twice-born, and went on to the Godavari flowing toward the ocean. Then, freed from sin, in the land of the Dravidas, by the ocean holy to the world, the hero beheld the pure and holy Agastya-tirtha and the tirthas of women. There, hearing of the deed of Arjuna, the best of archers, unbearable for others, the son of Pandu, honored by assemblies of great sages, found great joy. Having bathed his body in these tirthas together with Krishna and his younger brothers, the lord of the earth rejoiced upon the earth, extolling the valor of Arjuna. Then, having given away thousands of cows at these tirthas of the best of cloud-bearers, he, joyful together with his brothers, proclaimed Arjuna's gift of cows. Thus, passing gradually through these and many other holy tirthas of the ocean, his desires fulfilled, he beheld the most sacred Shurparaka.'
a403250409ff · publicado 16 jul 2026, 17:02:54 UTC
Disponible enRUENPasa de verso en verso con
Even far from Arjuna, Yudhishthira is sustained by the memory of his feat. Separation turns into gratitude when one brother extols the worth of another.