तम् उग्रम् आस्थाय तपश् चरन्तं; शुश्राव रामश् च जनार्दनश् च ॥
तौ सर्ववृष्णिप्रवरौ ससैन्यौ; युधिष्ठिरं जग्मतुर् आजमीढम् ॥
ते वृष्णयः पाण्डुसुतान् समीक्ष्य; भूमौ शयानान् मलदिग्धगात्रान् ॥
अनर्हतीं द्रौपदीं चापि दृष्ट्वा; सुदुःखिताश् चुक्रुशुर् आर्तनादम् ॥
ततः स रामं च जनार्दनं च; कार्ष्णिं च साम्बं च शिनेश् च पौत्रम् ॥
अन्यांश् च वृष्णीन् उपगम्य पूजां; चक्रे यथाधर्मम् अदीनसत्त्वः ॥
ते चापि सर्वान् प्रतिपूज्य पार्थांस्; तैः सत्कृताः पाण्डुसुतैस् तथैव ॥
युधिष्ठिरं संपरिवार्य राजन्न्; उपाविशन् देवगणा यथेन्द्रम् ॥
तेषां स सर्वं चरितं परेषां; वने च वासं परमप्रतीतः ॥
अस्त्रार्थम् इन्द्रस्य गतं च पार्थं; कृष्णे शशंसामरराजपुत्रम् ॥
श्रुत्वा तु ते तस्य वचः प्रतीतास्; तांश् चापि दृष्ट्वा सुकृशान् अतीव ॥
नेत्रोद्भवं संमुमुचुर् दशार्हा; दुःखार्तिजं वारि महानुभावाः ॥
tam ugram āsthāya tapaś carantaṃ; śuśrāva rāmaś ca janārdanaś ca ||
tau sarvavṛṣṇipravarau sasainyau; yudhiṣṭhiraṃ jagmatur ājamīḍham ||
te vṛṣṇayaḥ pāṇḍusutān samīkṣya; bhūmau śayānān maladigdhagātrān ||
anarhatīṃ draupadīṃ cāpi dṛṣṭvā; suduḥkhitāś cukruśur ārtanādam ||
tataḥ sa rāmaṃ ca janārdanaṃ ca; kārṣṇiṃ ca sāmbaṃ ca śineś ca pautram ||
anyāṃś ca vṛṣṇīn upagamya pūjāṃ; cakre yathādharmam adīnasattvaḥ ||
te cāpi sarvān pratipūjya pārthāṃs; taiḥ satkṛtāḥ pāṇḍusutais tathaiva ||
yudhiṣṭhiraṃ saṃparivārya rājann; upāviśan devagaṇā yathendram ||
teṣāṃ sa sarvaṃ caritaṃ pareṣāṃ; vane ca vāsaṃ paramapratītaḥ ||
astrārtham indrasya gataṃ ca pārthaṃ; kṛṣṇe śaśaṃsāmararājaputram ||
śrutvā tu te tasya vacaḥ pratītās; tāṃś cāpi dṛṣṭvā sukṛśān atīva ||
netrodbhavaṃ saṃmumucur daśārhā; duḥkhārtijaṃ vāri mahānubhāvāḥ ||
Rama and Janardana heard that he had undertaken severe austerities and was performing them. Then the two foremost of all the Vrishnis, together with their army, came to Yudhishthira, O Ajamidha. The Vrishnis saw the sons of Pandu lying on the ground, their bodies smeared with dirt, and Draupadi, in no way deserving such a fate; deeply grieved, they cried out aloud in pain. Then Yudhishthira, without losing heart, approached Rama, Janardana, Karshni, Samba, the grandson of Shini, and the other Vrishnis, and honored them according to dharma. They too honored all the Parthas, and, received with honor by the sons of Pandu, surrounded Yudhishthira, O king, and sat down like a host of gods around Indra. With deep trust he told Krishna of all the conduct of their enemies, of their life in the forest, and of Partha, son of the king of the immortals, who had gone to Indra for weapons. Hearing his words and seeing the Pandavas greatly emaciated, the magnanimous Dasharhas shed from their eyes water born of grief.'
75b52b3d0448 · publicado 16 jul 2026, 17:02:54 UTC
Disponible enRUENPasa de verso en verso con
The meeting with the Vrishnis shows that the Pandavas' suffering is not borne alone: friends carry it in their hearts. Yet even in humiliation, Yudhishthira upholds the dharma of hospitality.