सुदेष्णोवाच
नैवंरूपा भवन्त्य् एवं यथा वदसि भामिनि ॥
प्रेषयन्ति च वै दासीर् दासांश् चैवंविधान् बहून् ॥
गूढगुल्फा संहतोरुस् त्रिगम्भीरा षडुन्नता ॥
रक्ता पञ्चसु रक्तेषु हंसगद्गदभाषिणी ॥
सुकेशी सुस्तनी श्यामा पीनश्रोणिपयोधरा ॥
तेन तेनैव संपन्ना काश्मीरीव तुरंगमा ॥
स्वरालपक्ष्मनयना बिम्बोष्ठी तनुमध्यमा ॥
कम्बुग्रीवा गूढसिरा पूर्णचन्द्रनिभानना ॥
का त्वं ब्रूहि यथा भद्रे नासि दासी कथं चन ॥
यक्षी वा यदि वा देवी गन्धर्वी यदि वाप्सराः ॥
अलम्बुसा मिश्रकेशी पुण्डरीकाथ मालिनी ॥
इन्द्राणी वारुणी वा त्वं त्वष्टुर् धातुः प्रजापतेः ॥
देव्यो देवेषु विख्यातास् तासां त्वं कतमा शुभे ॥
sudeṣṇovāca
naivaṃrūpā bhavanty evaṃ yathā vadasi bhāmini ||
preṣayanti ca vai dāsīr dāsāṃś caivaṃvidhān bahūn ||
gūḍhagulphā saṃhatorus trigambhīrā ṣaḍunnatā ||
raktā pañcasu rakteṣu haṃsagadgadabhāṣiṇī ||
sukeśī sustanī śyāmā pīnaśroṇipayodharā ||
tena tenaiva saṃpannā kāśmīrīva turaṃgamā ||
svarālapakṣmanayanā bimboṣṭhī tanumadhyamā ||
kambugrīvā gūḍhasirā pūrṇacandranibhānanā ||
kā tvaṃ brūhi yathā bhadre nāsi dāsī kathaṃ cana ||
yakṣī vā yadi vā devī gandharvī yadi vāpsarāḥ ||
alambusā miśrakeśī puṇḍarīkātha mālinī ||
indrāṇī vāruṇī vā tvaṃ tvaṣṭur dhātuḥ prajāpateḥ ||
devyo deveṣu vikhyātās tāsāṃ tvaṃ katamā śubhe ||
Sudeshna said: 'Ones such as you are never what you claim to be, radiant one. On the contrary, it is women like you who are sent out in great numbers as maidservants and menservants. You have hidden ankles, joined thighs, three deep features, six raised ones, five red places, a voice with the warble of a swan. You have lovely hair, lovely breasts, dusky skin, full hips and bosom; you are perfect in every way, like a mare from Kashmir. You have eyes with beautiful lashes, lips like the bimba fruit, a slender waist, a neck like a conch, hidden veins, a face like the full moon. Tell me truly, gracious one, who are you? You are in no way a servant. Are you a yakshini, a goddess, a gandharvi, or an apsara? Perhaps you are Alambusa, Mishrakeshi, Pundarika, or Malini? Or are you Indrani, Varuni, the consort of Tvashtri, of Dhatri, or of Prajapati? Among the gods the goddesses are renowned: which of them are you, O beautiful one?'
898206f9f809 · publicado 16 jul 2026, 17:58:59 UTC
Disponible enRUENPasa de verso en verso con
Sudeshna describes Draupadi's beauty as a mark not of an ordinary body but of an exalted nature. Yet this very beauty will become a source of danger for her in Virata's household.