तच् छ्रुत्वा नृपतिः सेनां मत्स्यानां समयोजयत् ॥
रथनागाश्वकलिलां पत्तिध्वजसमाकुलाम् ॥
राजानो राजपुत्राश् च तनुत्राण्य् अत्र भेजिरे ॥
भानुमन्ति विचित्राणि सूपसेव्यानि भागशः ॥
सवज्रायसगर्भं तु कवचं तप्तकाञ्चनम् ॥
विराटस्य प्रियो भ्राता शतानीको ऽभ्यहारयत् ॥
सर्वपारसवं वर्म कल्याणपटलं दृढम् ॥
शतानीकाद् अवरजो मदिराश्वो ऽभ्यहारयत् ॥
शतसूर्यं शतावर्तं शतबिन्दु शताक्षिमत् ॥
अभेद्यकल्पं मत्स्यानां राजा कवचम् आहरत् ॥
उत्सेधे यस्य पद्मानि शतं सौगन्धिकानि च ॥
सुवर्णपृष्ठं सूर्याभं सूर्यदत्तो ऽभ्यहारयत् ॥
दृढम् आयसगर्भं तु श्वेतं वर्म शताक्षिमत् ॥
विराटस्य सुतो ज्येष्ठो वीरः शङ्खो ऽभ्यहारयत् ॥
शतशश् च तनुत्राणि यथास्वानि महारथाः ॥
योत्स्यमानाभ्यनह्यन्त देवरूपाः प्रहारिणः ॥
सूपस्करेषु शुभ्रेषु महत्सु च महारथाः ॥
पृथक् काञ्चनसंनाहान् रथेष्व् अश्वान् अयोजयन् ॥
सूर्यचन्द्रप्रतीकाशो रथे दिव्ये हिरण्मयः ॥
महानुभावो मत्स्यस्य ध्वज उच्छिश्रिये तदा ॥
अथान्यान् विविधाकारान् ध्वजान् हेमविभूषितान् ॥
यथास्वं क्षत्रियाः शूरा रथेषु समयोजयन् ॥
tac chrutvā nṛpatiḥ senāṃ matsyānāṃ samayojayat ||
rathanāgāśvakalilāṃ pattidhvajasamākulām ||
rājāno rājaputrāś ca tanutrāṇy atra bhejire ||
bhānumanti vicitrāṇi sūpasevyāni bhāgaśaḥ ||
savajrāyasagarbhaṃ tu kavacaṃ taptakāñcanam ||
virāṭasya priyo bhrātā śatānīko 'bhyahārayat ||
sarvapārasavaṃ varma kalyāṇapaṭalaṃ dṛḍham ||
śatānīkād avarajo madirāśvo 'bhyahārayat ||
śatasūryaṃ śatāvartaṃ śatabindu śatākṣimat ||
abhedyakalpaṃ matsyānāṃ rājā kavacam āharat ||
utsedhe yasya padmāni śataṃ saugandhikāni ca ||
suvarṇapṛṣṭhaṃ sūryābhaṃ sūryadatto 'bhyahārayat ||
dṛḍham āyasagarbhaṃ tu śvetaṃ varma śatākṣimat ||
virāṭasya suto jyeṣṭho vīraḥ śaṅkho 'bhyahārayat ||
śataśaś ca tanutrāṇi yathāsvāni mahārathāḥ ||
yotsyamānābhyanahyanta devarūpāḥ prahāriṇaḥ ||
sūpaskareṣu śubhreṣu mahatsu ca mahārathāḥ ||
pṛthak kāñcanasaṃnāhān ratheṣv aśvān ayojayan ||
sūryacandrapratīkāśo rathe divye hiraṇmayaḥ ||
mahānubhāvo matsyasya dhvaja ucchiśriye tadā ||
athānyān vividhākārān dhvajān hemavibhūṣitān ||
yathāsvaṃ kṣatriyāḥ śūrā ratheṣu samayojayan ||
Hearing this, the king made ready the army of the Matsyas, full of chariots, elephants, and horses, dense with infantry and banners. The kings and princes there put on their armor — radiant, varied, comfortable, each his own set. Virata's beloved brother Shatanika took up a corselet of heated gold with a core of iron and adamant. The one younger than Shatanika, Madirashva, took up sturdy armor, wholly of alloyed metal, with a splendid surface. The king of the Matsyas took up a corselet as if bearing a hundred suns, a hundred spirals, a hundred dots, and a hundred eyes, well-nigh impenetrable. Suryadatta took up gold-backed armor shining like the sun, on which hundreds of fragrant lotuses stood out. Virata's eldest son, the hero Shankha, took up sturdy white armor with an iron core and a hundred eyes. By the hundreds the great charioteers, godlike fighters ready for battle, each put on his own armor. On their clean, great chariots the great charioteers yoked their horses separately, harnessed in gold. Then upon a divine golden chariot the great banner of Matsya was raised, shining like the sun and moon. Then the valiant kshatriyas set up on their chariots other flags of varied shapes adorned with gold, each his own.
4a575831d035 · publicado 16 jul 2026, 18:17:35 UTC
Disponible enRUENPasa de verso en verso con
Before the battle the text lingers over armor and banners: the kingdom is gathering its visible strength. But the real strength already stands close by — the Pandavas, still unnamed.