वैशंपायन उवाच
निर्याय नगराच् छूरा व्यूढानीकाः प्रहारिणः ॥
त्रिगर्तान् अस्पृशन् मत्स्याः सूर्ये परिणते सति ॥
ते त्रिगर्ताश् च मत्स्याश् च संरब्धा युद्धदुर्मदाः ॥
अन्योन्यम् अभिगर्जन्तो गोषु गृद्धा महाबलाः ॥
भीमाश् च मत्तमातङ्गास् तोमराङ्कुशचोदिताः ॥
ग्रामणीयैः समारूढाः कुशलैर् हस्तिसादिभिः ॥
तेषां समागमो घोरस् तुमुलो लोमहर्षणः ॥
देवासुरसमो राजन्न् आसीत् सूर्ये विलम्बति ॥
उदतिष्ठद् रजो भौमं न प्रज्ञायत किं चन ॥
पक्षिणश् चापतन् भूमौ सैन्येन रजसावृताः ॥
इषुभिर् व्यतिसंयद्भिर् आदित्यो ऽन्तरधीयत ॥
खद्योतैर् इव संयुक्तम् अन्तरिक्षं व्यराजत ॥
रुक्मपृष्ठानि चापानि व्यतिषक्तानि धन्विनाम् ॥
पततां लोकवीराणां सव्यदक्षिणम् अस्यताम् ॥
रथा रथैः समाजग्मुः पादातैश् च पदातयः ॥
सादिभिः सादिनश् चैव गजैश् चापि महागजाः ॥
असिभिः पट्टिशैः प्रासैः शक्तिभिस् तोमरैर् अपि ॥
संरब्धाः समरे राजन् निजघ्नुर् इतरेतरम् ॥
निघ्नन्तः समरे ऽन्योन्यं शूराः परिघबाहवः ॥
न शेकुर् अभिसंरब्धाः शूरान् कर्तुं पराङ्मुखान् ॥
vaiśaṃpāyana uvāca
niryāya nagarāc chūrā vyūḍhānīkāḥ prahāriṇaḥ ||
trigartān aspṛśan matsyāḥ sūrye pariṇate sati ||
te trigartāś ca matsyāś ca saṃrabdhā yuddhadurmadāḥ ||
anyonyam abhigarjanto goṣu gṛddhā mahābalāḥ ||
bhīmāś ca mattamātaṅgās tomarāṅkuśacoditāḥ ||
grāmaṇīyaiḥ samārūḍhāḥ kuśalair hastisādibhiḥ ||
teṣāṃ samāgamo ghoras tumulo lomaharṣaṇaḥ ||
devāsurasamo rājann āsīt sūrye vilambati ||
udatiṣṭhad rajo bhaumaṃ na prajñāyata kiṃ cana ||
pakṣiṇaś cāpatan bhūmau sainyena rajasāvṛtāḥ ||
iṣubhir vyatisaṃyadbhir ādityo 'ntaradhīyata ||
khadyotair iva saṃyuktam antarikṣaṃ vyarājata ||
rukmapṛṣṭhāni cāpāni vyatiṣaktāni dhanvinām ||
patatāṃ lokavīrāṇāṃ savyadakṣiṇam asyatām ||
rathā rathaiḥ samājagmuḥ pādātaiś ca padātayaḥ ||
sādibhiḥ sādinaś caiva gajaiś cāpi mahāgajāḥ ||
asibhiḥ paṭṭiśaiḥ prāsaiḥ śaktibhis tomarair api ||
saṃrabdhāḥ samare rājan nijaghnur itaretaram ||
nighnantaḥ samare 'nyonyaṃ śūrāḥ parighabāhavaḥ ||
na śekur abhisaṃrabdhāḥ śūrān kartuṃ parāṅmukhān ||
Vaishampayana said: 'Coming out of the city, the brave Matsyas, having arrayed their troops and ready to strike, met the Trigartas at sunset. The Trigartas and Matsyas, enraged, maddened with battle-lust, mighty and greedy for cows, roared at one another. Fearsome maddened elephants, driven on by goads and hooks, were mounted by skilled elephant-riders and village leaders. Their encounter was terrible, tumultuous, hair-raising, like the battle of gods and demons, as the sun was already sinking. Earthly dust rose so thick that nothing could be seen; birds, covered by the army's dust, fell to the ground. Because of the clashing arrows the sun was hidden, while the sky shone as if filled with fireflies. The gold-backed bows of the archers crossed one another as the heroes of the world shot to left and right. Chariots met chariots, foot soldiers met foot soldiers, horsemen met horsemen, and great elephants met great elephants. With swords, pattishas, lances, javelins, and tomaras, furious in battle, they slew one another. Heroes with arms like iron clubs, striking one another, could not make the brave turn their backs.'
4adfdfd59f1a · publicado 16 jul 2026, 18:23:48 UTC
Disponible enRUENPasa de verso en verso con
The battle is shown as an eclipse of the world: dust blinds sight, arrows blot out the sun, and people can no longer see any measure. This is how the clash begins, in which greed for cows turns into destruction.