वासुदेव उवाच
उपपन्नम् इदं वाक्यं सोमकानां धुरंधरे ॥
अर्थसिद्धिकरं राज्ञः पाण्डवस्य महौजसः ॥
एतच् च पूर्वकार्यं नः सुनीतम् अभिकाङ्क्षताम् ॥
अन्यथा ह्य् आचरन् कर्म पुरुषः स्यात् सुबालिशः ॥
किं तु संबन्धकं तुल्यम् अस्माकं कुरुपाण्डुषु ॥
यथेष्टं वर्तमानेषु पाण्डवेषु च तेषु च ॥
ते विवाहार्थम् आनीता वयं सर्वे यथा भवान् ॥
कृते विवाहे मुदिता गमिष्यामो गृहान् प्रति ॥
भवान् वृद्धतमो राज्ञां वयसा च श्रुतेन च ॥
शिष्यवत् ते वयं सर्वे भवामेह न संशयः ॥
vāsudeva uvāca
upapannam idaṃ vākyaṃ somakānāṃ dhuraṃdhare ||
arthasiddhikaraṃ rājñaḥ pāṇḍavasya mahaujasaḥ ||
etac ca pūrvakāryaṃ naḥ sunītam abhikāṅkṣatām ||
anyathā hy ācaran karma puruṣaḥ syāt subāliśaḥ ||
kiṃ tu saṃbandhakaṃ tulyam asmākaṃ kurupāṇḍuṣu ||
yatheṣṭaṃ vartamāneṣu pāṇḍaveṣu ca teṣu ca ||
te vivāhārtham ānītā vayaṃ sarve yathā bhavān ||
kṛte vivāhe muditā gamiṣyāmo gṛhān prati ||
bhavān vṛddhatamo rājñāṃ vayasā ca śrutena ca ||
śiṣyavat te vayaṃ sarve bhavāmeha na saṃśayaḥ ||
Krishna said: 'These words are fitting for the chief of the Somaka line, and they serve the interest of the immeasurably mighty son of Pandu. Since we wish to pursue this course, it is without doubt our first duty; a man who acted otherwise would be a great fool. But our ties are equal to both the Kurus and the Pandavas, however these two sides may behave toward one another. Both you and we were brought here for the wedding. Now that the wedding has been celebrated, let us go home content. You are the eldest among kings, both in years and in learning; we are all like disciples to you here, without doubt.'
ddf0d0ea5fe1 · publicado 17 jul 2026, 3:22:50 UTC
Disponible enRUENPasa de verso en verso con
This passage (5.5.1-5) develops the central theme of the Udyoga-parva: the effort for peace unfolds already against the backdrop of an unavoidable war. Key figures: Krishna, the Pandavas. Dharma reveals itself here through speech, the choice of an embassy, fidelity to promises, and the responsibility of kings for the consequences of their decisions.