अथ व्यवस्थितान् दृष्ट्वा धार्तराष्ट्रान् कपिध्वजः ॥
प्रवृत्ते शस्त्रसंपाते धनुर् उद्यम्य पाण्डवः ॥
हृषीकेशं तदा वाक्यम् इदम् आह महीपते ॥
सेनयोर् उभयोर् मध्ये रथं स्थापय मे ऽच्युत ॥
यावद् एतान् निरीक्षे ऽहं योद्धुकामान् अवस्थितान् ॥
कैर् मया सह योद्धव्यम् अस्मिन् रणसमुद्यमे ॥
योत्स्यमानान् अवेक्षे ऽहं य एते ऽत्र समागताः ॥
धार्तराष्ट्रस्य दुर्बुद्धेर् युद्धे प्रियचिकीर्षवः ॥
एवम् उक्तो हृषीकेशो गुडाकेशेन भारत ॥
सेनयोर् उभयोर् मध्ये स्थापयित्वा रथोत्तमम् ॥
भीष्मद्रोणप्रमुखतः सर्वेषां च महीक्षिताम् ॥
उवाच पार्थ पश्यैतान् समवेतान् कुरून् इति ॥
तत्रापश्यत् स्थितान् पार्थः पितॄन् अथ पितामहान् ॥
आचार्यान् मातुलान् भ्रातॄन् पुत्रान् पौत्रान् सखींस् तथा ॥
श्वशुरान् सुहृदश् चैव सेनयोर् उभयोर् अपि ॥
तान् समीक्ष्य स कौन्तेयः सर्वान् बन्धून् अवस्थितान् ॥
atha vyavasthitān dṛṣṭvā dhārtarāṣṭrān kapidhvajaḥ ||
pravṛtte śastrasaṃpāte dhanur udyamya pāṇḍavaḥ ||
hṛṣīkeśaṃ tadā vākyam idam āha mahīpate ||
senayor ubhayor madhye rathaṃ sthāpaya me 'cyuta ||
yāvad etān nirīkṣe 'haṃ yoddhukāmān avasthitān ||
kair mayā saha yoddhavyam asmin raṇasamudyame ||
yotsyamānān avekṣe 'haṃ ya ete 'tra samāgatāḥ ||
dhārtarāṣṭrasya durbuddher yuddhe priyacikīrṣavaḥ ||
evam ukto hṛṣīkeśo guḍākeśena bhārata ||
senayor ubhayor madhye sthāpayitvā rathottamam ||
bhīṣmadroṇapramukhataḥ sarveṣāṃ ca mahīkṣitām ||
uvāca pārtha paśyaitān samavetān kurūn iti ||
tatrāpaśyat sthitān pārthaḥ pitṝn atha pitāmahān ||
ācāryān mātulān bhrātṝn putrān pautrān sakhīṃs tathā ||
śvaśurān suhṛdaś caiva senayor ubhayor api ||
tān samīkṣya sa kaunteyaḥ sarvān bandhūn avasthitān ||
When the exchange of weapons began, the son of Pandu with the monkey banner, having seen the sons of Dhritarashtra arrayed, raised his bow and said this to Hrishikesha: "O Achyuta, place my chariot between the two armies, so that I may survey these warriors standing here, desiring to fight, and see with whom I must contend in this undertaking of war. I wish to see those who have gathered here for battle, wishing to please the evil-minded son of Dhritarashtra." O Bharata, hearing this from Gudakesha, Hrishikesha placed the finest chariot between the two armies, before Bhishma, Drona, and all the rulers of the earth, and said: "O son of Pritha, behold these assembled Kurus." There Arjuna saw, standing in both armies, fathers, grandfathers, teachers, uncles, brothers, sons, grandsons, friends, fathers-in-law, and well-wishers. The son of Kunti looked closely at all these kinsmen standing before him.
07dd3bc70997 · publicado 17 jul 2026, 20:55:05 UTC
Disponible enRUENPasa de verso en verso con
Arjuna asks for his chariot to be placed between the armies as a warrior wishing to see his opponents; Krishna places it so that he sees his kin instead. This turn reveals the crisis of the Gita: the battlefield suddenly becomes a field of recognition of bonds.