स्वधर्मम् अपि चावेक्ष्य न विकम्पितुम् अर्हसि ॥
धर्म्याद् धि युद्धाच् छ्रेयो ऽन्यत् क्षत्रियस्य न विद्यते ॥
यदृच्छया चोपपन्नं स्वर्गद्वारम् अपावृतम् ॥
सुखिनः क्षत्रियाः पार्थ लभन्ते युद्धम् ईदृशम् ॥
अथ चेत् त्वम् इमं धर्म्यं संग्रामं न करिष्यसि ॥
ततः स्वधर्मं कीर्तिं च हित्वा पापम् अवाप्स्यसि ॥
अकीर्तिं चापि भूतानि कथयिष्यन्ति ते ऽव्ययाम् ॥
संभावितस्य चाकीर्तिर् मरणाद् अतिरिच्यते ॥
भयाद् रणाद् उपरतं मंस्यन्ते त्वां महारथाः ॥
येषां च त्वं बहुमतो भूत्वा यास्यसि लाघवम् ॥
अवाच्यवादांश् च बहून् वदिष्यन्ति तवाहिताः ॥
निन्दन्तस् तव सामर्थ्यं ततो दुःखतरं नु किम् ॥
हतो वा प्राप्स्यसि स्वर्गं जित्वा वा भोक्ष्यसे महीम् ॥
तस्माद् उत्तिष्ठ कौन्तेय युद्धाय कृतनिश्चयः ॥
सुखदुःखे समे कृत्वा लाभालाभौ जयाजयौ ॥
ततो युद्धाय युज्यस्व नैवं पापम् अवाप्स्यसि ॥
svadharmam api cāvekṣya na vikampitum arhasi ||
dharmyād dhi yuddhāc chreyo 'nyat kṣatriyasya na vidyate ||
yadṛcchayā copapannaṃ svargadvāram apāvṛtam ||
sukhinaḥ kṣatriyāḥ pārtha labhante yuddham īdṛśam ||
atha cet tvam imaṃ dharmyaṃ saṃgrāmaṃ na kariṣyasi ||
tataḥ svadharmaṃ kīrtiṃ ca hitvā pāpam avāpsyasi ||
akīrtiṃ cāpi bhūtāni kathayiṣyanti te 'vyayām ||
saṃbhāvitasya cākīrtir maraṇād atiricyate ||
bhayād raṇād uparataṃ maṃsyante tvāṃ mahārathāḥ ||
yeṣāṃ ca tvaṃ bahumato bhūtvā yāsyasi lāghavam ||
avācyavādāṃś ca bahūn vadiṣyanti tavāhitāḥ ||
nindantas tava sāmarthyaṃ tato duḥkhataraṃ nu kim ||
hato vā prāpsyasi svargaṃ jitvā vā bhokṣyase mahīm ||
tasmād uttiṣṭha kaunteya yuddhāya kṛtaniścayaḥ ||
sukhaduḥkhe same kṛtvā lābhālābhau jayājayau ||
tato yuddhāya yujyasva naivaṃ pāpam avāpsyasi ||
"Even considering your own dharma, you should not waver: there is no greater good for a kshatriya than a righteous battle. Fortunate are the kshatriyas, O son of Pritha, to whom such a battle comes of itself, an open gate to heaven. But if you do not undertake this righteous struggle, then, abandoning your own dharma and your honor, you will incur sin. People will forever speak of your dishonor, and for a man of honor, dishonor is worse than death. The great chariot-warriors will think that you withdrew from battle out of fear; those who once held you in high esteem will come to regard you with contempt. Your enemies will say many unspeakable things, disparaging your strength; what could be more painful than that? Slain, you will attain heaven; victorious, you will rule the earth. Therefore arise, O son of Kunti, resolved to fight. Having made pleasure and pain, gain and loss, victory and defeat all equal, engage in battle: thus you will not incur sin."
dcf358803585 · publicado 17 jul 2026, 20:55:05 UTC
Disponible enRUENPasa de verso en verso con
Krishna does not reduce his teaching to the immortality of the soul alone: he brings Arjuna back to his own svadharma. For a kshatriya, righteous battle is not personal aggression, so long as it is performed without attachment to victory or gain.