सौभद्रम् अथ संसक्तं तत्र दृष्ट्वा धनंजयः ॥
अभिदुद्राव संक्रुद्धस् त्रातुकामः स्वम् आत्मजम् ॥
ततः सरथनागाश्वा भीष्मद्रोणपुरोगमाः ॥
अभ्यवर्तन्त राजानः सहिताः सव्यसाचिनम् ॥
उद्धूतं सहसा भौमं नागाश्वरथसादिभिः ॥
दिवाकरपथं प्राप्य रजस् तीव्रम् अदृश्यत ॥
तानि नागसहस्राणि भूमिपालशतानि च ॥
तस्य बाणपथं प्राप्य नाभ्यवर्तन्त सर्वशः ॥
प्रणेदुः सर्वभूतानि बभूवुस् तिमिरा दिशः ॥
कुरूणाम् अनयस् तीव्रः समदृश्यत दारुणः ॥
नाप्य् अन्तरिक्षं न दिशो न भूमिर् न च भास्करः ॥
प्रजज्ञे भरतश्रेष्ठ शरसंघैः किरीटिनः ॥
सादितध्वजनागास् तु हताश्वा रथिनो भृशम् ॥
विप्रद्रुतरथाः के चिद् दृश्यन्ते रथयूथपाः ॥
विरथा रथिनश् चान्ये धावमानाः समन्ततः ॥
तत्र तत्रैव दृश्यन्ते सायुधाः साङ्गदैर् भुजैः ॥
हयारोहा हयांस् त्यक्त्वा गजारोहाश् च दन्तिनः ॥
अर्जुनस्य भयाद् राजन् समन्ताद् विप्रदुद्रुवुः ॥
रथेभ्यश् च गजेभ्यश् च हयेभ्यश् च नराधिपाः ॥
पतिताः पात्यमानाश् च दृश्यन्ते ऽर्जुनताडिताः ॥
सगदान् उद्यतान् बाहून् सखड्गांश् च विशां पते ॥
सप्रासांश् च सतूणीरान् सशरान् सशरासनान् ॥
साङ्कुशान् सपताकांश् च तत्र तत्रार्जुनो नृणाम् ॥
निचकर्त शरैर् उग्रै रौद्रं बिभ्रद् वपुस् तदा ॥
परिघाणां प्रवृद्धानां मुद्गराणां च मारिष ॥
प्रासानां भिण्डिपालानां निस्त्रिंशानां च संयुगे ॥
परश्वधानां तीक्ष्णानां तोमराणां च भारत ॥
वर्मणां चापविद्धानां कवचानां च भूतले ॥
ध्वजानां चर्मणां चैव व्यजनानां च सर्वशः ॥
छत्राणां हेमदण्डानां चामराणां च भारत ॥
प्रतोदानां कशानां च योक्त्राणां चैव मारिष ॥
राशयश् चात्र दृश्यन्ते विनिकीर्णा रणक्षितौ ॥
नासीत् तत्र पुमान् कश् चित् तव सैन्यस्य भारत ॥
यो ऽर्जुनं समरे शूरं प्रत्युद्यायात् कथं चन ॥
यो यो हि समरे पार्थं पत्युद्याति विशां पते ॥
स स वै विशिखैस् तीक्ष्णैः परलोकाय नीयते ॥
तेषु विद्रवमाणेषु तव योधेषु सर्वशः ॥
अर्जुनो वासुदेवश् च दध्मतुर् वारिजोत्तमौ ॥
saubhadram atha saṃsaktaṃ tatra dṛṣṭvā dhanaṃjayaḥ ||
abhidudrāva saṃkruddhas trātukāmaḥ svam ātmajam ||
tataḥ sarathanāgāśvā bhīṣmadroṇapurogamāḥ ||
abhyavartanta rājānaḥ sahitāḥ savyasācinam ||
uddhūtaṃ sahasā bhaumaṃ nāgāśvarathasādibhiḥ ||
divākarapathaṃ prāpya rajas tīvram adṛśyata ||
tāni nāgasahasrāṇi bhūmipālaśatāni ca ||
tasya bāṇapathaṃ prāpya nābhyavartanta sarvaśaḥ ||
praṇeduḥ sarvabhūtāni babhūvus timirā diśaḥ ||
kurūṇām anayas tīvraḥ samadṛśyata dāruṇaḥ ||
nāpy antarikṣaṃ na diśo na bhūmir na ca bhāskaraḥ ||
prajajñe bharataśreṣṭha śarasaṃghaiḥ kirīṭinaḥ ||
sāditadhvajanāgās tu hatāśvā rathino bhṛśam ||
vipradrutarathāḥ ke cid dṛśyante rathayūthapāḥ ||
virathā rathinaś cānye dhāvamānāḥ samantataḥ ||
tatra tatraiva dṛśyante sāyudhāḥ sāṅgadair bhujaiḥ ||
hayārohā hayāṃs tyaktvā gajārohāś ca dantinaḥ ||
arjunasya bhayād rājan samantād vipradudruvuḥ ||
rathebhyaś ca gajebhyaś ca hayebhyaś ca narādhipāḥ ||
patitāḥ pātyamānāś ca dṛśyante 'rjunatāḍitāḥ ||
sagadān udyatān bāhūn sakhaḍgāṃś ca viśāṃ pate ||
saprāsāṃś ca satūṇīrān saśarān saśarāsanān ||
sāṅkuśān sapatākāṃś ca tatra tatrārjuno nṛṇām ||
nicakarta śarair ugrai raudraṃ bibhrad vapus tadā ||
parighāṇāṃ pravṛddhānāṃ mudgarāṇāṃ ca māriṣa ||
prāsānāṃ bhiṇḍipālānāṃ nistriṃśānāṃ ca saṃyuge ||
paraśvadhānāṃ tīkṣṇānāṃ tomarāṇāṃ ca bhārata ||
varmaṇāṃ cāpaviddhānāṃ kavacānāṃ ca bhūtale ||
dhvajānāṃ carmaṇāṃ caiva vyajanānāṃ ca sarvaśaḥ ||
chatrāṇāṃ hemadaṇḍānāṃ cāmarāṇāṃ ca bhārata ||
pratodānāṃ kaśānāṃ ca yoktrāṇāṃ caiva māriṣa ||
rāśayaś cātra dṛśyante vinikīrṇā raṇakṣitau ||
nāsīt tatra pumān kaś cit tava sainyasya bhārata ||
yo 'rjunaṃ samare śūraṃ pratyudyāyāt kathaṃ cana ||
yo yo hi samare pārthaṃ patyudyāti viśāṃ pate ||
sa sa vai viśikhais tīkṣṇaiḥ paralokāya nīyate ||
teṣu vidravamāṇeṣu tava yodheṣu sarvaśaḥ ||
arjuno vāsudevaś ca dadhmatur vārijottamau ||
Seeing Saubhadra there locked in battle, the enraged Dhananjaya rushed forth, wishing to protect his son. Then the kings, with all their chariots, elephants and horses, led by Bhishma and Drona, advanced together against Savyasachin. Dust, suddenly raised from the earth by elephants, horses, chariots and riders, reached the path of the sun and became visible high in the sky. But thousands of elephants and hundreds of kings, upon entering the range of Arjuna's arrows, could no longer advance at all. All beings cried out, the quarters grew dark, and the terrible calamity of the Kurus became plain to see. Neither the firmament, nor the quarters, nor the earth, nor the sun could be discerned, O foremost of the Bharatas, because of the masses of arrows loosed by the diademed one. The chiefs of the chariot-troops were seen with their standards and elephants brought down, their horses slain; some had their chariots scattered in flight, other chariot-warriors, stripped of their chariots, fled in every direction. Everywhere were seen arms bearing weapons, adorned with armlets. Horsemen abandoned their horses, mahouts their elephants, and out of fear of Arjuna they fled in every direction, O king. The rulers of men, struck down by Arjuna, were seen falling and being cast down from their chariots, elephants and horses. Arjuna, then wearing a terrible form, with fierce arrows lopped off the warriors' arms — raised with maces, with swords, with lances, with quivers, with arrows, with bows, with goads, with banners. Upon the field of battle were seen heaps scattered about: of massive iron clubs, of hammers, of lances and javelins, of swords in the fray, of sharp battle-axes, of javelins, of cast-off armor and breastplates upon the ground, of standards, shields, fans everywhere, of parasols with golden shafts, of chowries, of goads, of whips, and of harness-straps. In your army, O Bharata, there was no man who could in any way go forth in battle to face the hero Arjuna. Whoever advanced against Partha in battle was sent by sharp arrows to the other world, O lord of men. As all your warriors fled on every side, Arjuna and Vasudeva blew their two splendid conches.
4a8bda528a32 · publicado 17 jul 2026, 21:22:44 UTC
Disponible enRUENPasa de verso en verso con
Here Arjuna acts first of all as a father, and this personal impulse becomes at once a shield for the whole side of the Pandavas. His arrows do more than strike down enemies — they halt the very possibility of advance.