ततः सुनाभं वसुदेवपुत्रः; सूर्यप्रभं वज्रसमप्रभावम् ॥
क्षुरान्तम् उद्यम्य भुजेन चक्रं; रथाद् अवप्लुत्य विसृज्य वाहान् ॥
संकम्पयन् गां चरणैर् महात्मा; वेगेन कृष्णः प्रससार भीष्मम् ॥
मदान्धम् आजौ समुदीर्णदर्पः; सिंहो जिघांसन्न् इव वारणेन्द्रम् ॥
सो ऽभ्यद्रवद् भीष्मम् अनीकमध्ये; क्रुद्धो महेन्द्रावरजः प्रमाथी ॥
व्यालम्बिपीतान्तपटश् चकाशे; घनो यथा खे ऽचिरभापिनद्धः ॥
सुदर्शनं चास्य रराज शौरेस्; तच् चक्रपद्मं सुभुजोरुनालम् ॥
यथादिपद्मं तरुणार्कवर्णं; रराज नारायणनाभिजातम् ॥
तत् कृष्णकोपोदयसूर्यबुद्धं; क्षुरान्ततीक्ष्णाग्रसुजातपत्रम् ॥
तस्यैव देहोरुसरःप्ररूढं; रराज नारायणबाहुनालम् ॥
तम् आत्तचक्रं प्रणदन्तम् उच्चैः; क्रुद्धं महेन्द्रावरजं समीक्ष्य ॥
सर्वाणि भूतानि भृशं विनेदुः; क्षयं कुरूणाम् इति चिन्तयित्वा ॥
स वासुदेवः प्रगृहीतचक्रः; संवर्तयिष्यन्न् इव जीवलोकम् ॥
अभ्युत्पतंल् लोकगुरुर् बभासे; भूतानि धक्ष्यन्न् इव कालवह्निः ॥
तम् आपतन्तं प्रगृहीतचक्रं; समीक्ष्य देवं द्विपदां वरिष्ठम् ॥
असंभ्रमात् कार्मुकबाणपाणी; रथे स्थितः शांतनवो ऽभ्युवाच ॥
एह्य् एहि देवेश जगन्निवास; नमो ऽस्तु ते शार्ङ्गरथाङ्गपाणे ॥
प्रसह्य मां पातय लोकनाथ; रथोत्तमाद् भूतशरण्य संख्ये ॥
त्वया हतस्येह ममाद्य कृष्ण; श्रेयः परस्मिन्न् इह चैव लोके ॥
संभावितो ऽस्म्य् अन्धकवृष्णिनाथ; लोकैस् त्रिभिर् वीर तवाभियानात् ॥
रथाद् अवप्लुत्य ततस् त्वरावान्; पार्थो ऽप्य् अनुद्रुत्य यदुप्रवीरम् ॥
जग्राह पीनोत्तमलम्बबाहुं; बाह्वोर् हरिं व्यायतपीनबाहुः ॥
निगृह्यमाणश् च तदादिदेवो; भृशं सरोषः किल नाम योगी ॥
आदाय वेगेन जगाम विष्णुर्; जिष्णुं महावात इवैकवृक्षम् ॥
पार्थस् तु विष्टभ्य बलेन पादौ; भीष्मान्तिकं तूर्णम् अभिद्रवन्तम् ॥
बलान् निजग्राह किरीटमाली; पदे ऽथ राजन् दशमे कथं चित् ॥
अवस्थितं च प्रणिपत्य कृष्णं; प्रीतो ऽर्जुनः काञ्चनचित्रमाली ॥
उवाच कोपं प्रतिसंहरेति; गतिर् भवान् केशव पाण्डवानाम् ॥
न हास्यते कर्म यथाप्रतिज्ञं; पुत्रैः शपे केशव सोदरैश् च ॥
अन्तं करिष्यामि यथा कुरूणां; त्वयाहम् इन्द्रानुज संप्रयुक्तः ॥
ततः प्रतिज्ञां समयं च तस्मै; जनार्दनः प्रीतमना निशम्य ॥
स्थितः प्रिये कौरवसत्तमस्य; रथं सचक्रः पुनर् आरुरोह ॥
tataḥ sunābhaṃ vasudevaputraḥ; sūryaprabhaṃ vajrasamaprabhāvam ||
kṣurāntam udyamya bhujena cakraṃ; rathād avaplutya visṛjya vāhān ||
saṃkampayan gāṃ caraṇair mahātmā; vegena kṛṣṇaḥ prasasāra bhīṣmam ||
madāndham ājau samudīrṇadarpaḥ; siṃho jighāṃsann iva vāraṇendram ||
so 'bhyadravad bhīṣmam anīkamadhye; kruddho mahendrāvarajaḥ pramāthī ||
vyālambipītāntapaṭaś cakāśe; ghano yathā khe 'cirabhāpinaddhaḥ ||
sudarśanaṃ cāsya rarāja śaures; tac cakrapadmaṃ subhujorunālam ||
yathādipadmaṃ taruṇārkavarṇaṃ; rarāja nārāyaṇanābhijātam ||
tat kṛṣṇakopodayasūryabuddhaṃ; kṣurāntatīkṣṇāgrasujātapatram ||
tasyaiva dehorusaraḥprarūḍhaṃ; rarāja nārāyaṇabāhunālam ||
tam āttacakraṃ praṇadantam uccaiḥ; kruddhaṃ mahendrāvarajaṃ samīkṣya ||
sarvāṇi bhūtāni bhṛśaṃ vineduḥ; kṣayaṃ kurūṇām iti cintayitvā ||
sa vāsudevaḥ pragṛhītacakraḥ; saṃvartayiṣyann iva jīvalokam ||
abhyutpataṃl lokagurur babhāse; bhūtāni dhakṣyann iva kālavahniḥ ||
tam āpatantaṃ pragṛhītacakraṃ; samīkṣya devaṃ dvipadāṃ variṣṭham ||
asaṃbhramāt kārmukabāṇapāṇī; rathe sthitaḥ śāṃtanavo 'bhyuvāca ||
ehy ehi deveśa jagannivāsa; namo 'stu te śārṅgarathāṅgapāṇe ||
prasahya māṃ pātaya lokanātha; rathottamād bhūtaśaraṇya saṃkhye ||
tvayā hatasyeha mamādya kṛṣṇa; śreyaḥ parasminn iha caiva loke ||
saṃbhāvito 'smy andhakavṛṣṇinātha; lokais tribhir vīra tavābhiyānāt ||
rathād avaplutya tatas tvarāvān; pārtho 'py anudrutya yadupravīram ||
jagrāha pīnottamalambabāhuṃ; bāhvor hariṃ vyāyatapīnabāhuḥ ||
nigṛhyamāṇaś ca tadādidevo; bhṛśaṃ saroṣaḥ kila nāma yogī ||
ādāya vegena jagāma viṣṇur; jiṣṇuṃ mahāvāta ivaikavṛkṣam ||
pārthas tu viṣṭabhya balena pādau; bhīṣmāntikaṃ tūrṇam abhidravantam ||
balān nijagrāha kirīṭamālī; pade 'tha rājan daśame kathaṃ cit ||
avasthitaṃ ca praṇipatya kṛṣṇaṃ; prīto 'rjunaḥ kāñcanacitramālī ||
uvāca kopaṃ pratisaṃhareti; gatir bhavān keśava pāṇḍavānām ||
na hāsyate karma yathāpratijñaṃ; putraiḥ śape keśava sodaraiś ca ||
antaṃ kariṣyāmi yathā kurūṇāṃ; tvayāham indrānuja saṃprayuktaḥ ||
tataḥ pratijñāṃ samayaṃ ca tasmai; janārdanaḥ prītamanā niśamya ||
sthitaḥ priye kauravasattamasya; rathaṃ sacakraḥ punar āruroha ||
Then the son of Vasudeva lifted with His arm the fair-naved discus, shining like the sun, mighty as the thunderbolt, with a razor-sharp edge; He leapt down from His chariot, letting the horses go, and, shaking the earth with His footsteps, rushed swiftly upon Bhishma. The great-souled Krishna advanced on him as a lion advances, wishing to tear apart a lordly elephant maddened and swollen with the pride of battle. The enraged younger brother of Indra, the destroyer, charged at Bhishma in the midst of the army; with the yellow hem of His garment streaming, He shone like a cloud in the sky girded with lightning. Shauri's Sudarshana blazed: that lotus-like discus, with His fine arm as its stalk, shone like the primeval lotus the color of the young sun, sprung from the navel of Narayana. Raised as though by the sun of Krishna's wrath, with razor-sharp, keen-edged petals, as though grown from His own broad chest, it shone with the stalk of Narayana's arm. Seeing the enraged younger brother of Indra, discus raised, roaring aloud, all beings cried out in terror, thinking: 'Now comes the destruction of the Kurus.' Vasudeva, discus in hand, as though to roll up the whole world of the living, sprang forward and blazed like the Teacher of the world, like the fire of time ready to consume all beings. Seeing the God, the foremost of bipeds, rushing toward him with the discus raised, Bhishma, son of Shantanu, standing on his chariot, bow and arrow in hand, spoke to Him without agitation: 'Come, come, O Lord of gods, abode of the universe! Homage to You, wielder of the Sharnga and the discus. O Lord of the world, refuge of all beings, cast me down by force from my splendid chariot in this battle. If I am slain by You today, O Krishna, that will be my welfare both in this world and in the world beyond. O Lord of the Andhakas and Vrishnis, hero, Your very advance upon me has already honored me throughout the three worlds.' Then Partha too leapt swiftly from his chariot, ran after the hero of the Yadus, and with his own strong, long arms seized Hari by both arms. But the primeval God, though held back, still greatly enraged — truly the wondrous Master of Yoga — dragged Jishnu along with Him by His force, as a great gale sweeps away a single tree. Yet Partha, planting his feet with all his strength, at last, with difficulty, restrained the diademed one, who was rushing swiftly toward Bhishma, only at the tenth step, O king. When Krishna had come to a halt, Arjuna, adorned with a bright golden garland, bowed before Him, pleased, and said: 'Restrain Your wrath, Keshava. You are the refuge of the Pandavas. The deed I have vowed will not be abandoned. I swear by my sons and by my brothers, O Keshava: together with You, O younger brother of Indra, I shall bring about the destruction of the Kurus.' Hearing this vow and this pledge, Janardana, His heart glad, out of affection for the finest of the Kauravas, mounted the chariot once more, together with His discus.
35e8b4abfc77 · publicado 17 jul 2026, 21:22:45 UTC
Disponible enRUENPasa de verso en verso con
Bhishma meets Krishna's wrath not with fear but with joy: to be slain by the Lord is for him the highest honor. And Arjuna restrains Krishna not because he can limit God, but because God accepts the love of His friend and allows that love to hold Him back.