धृष्टद्युम्नमुखास् त्व् अन्ये तव सैन्यम् अयोधयन् ॥
तथैव तावकाः सर्वे पाण्डुसैन्यम् अयोधयन् ॥
तत्राक्रन्दो महान् आसीत् तव तेषां च भारत ॥
निघ्नतां भृशम् अन्योन्यं कुर्वतां कर्म दुष्करम् ॥
अन्योन्यं हि रणे शूराः केशेष्व् आक्षिप्य मारिष ॥
नखैर् दन्तैर् अयुध्यन्त मुष्टिभिर् जानुभिस् तथा ॥
बाहुभिश् च तलैश् चैव निस्त्रिंशैश् च सुसंशितैः ॥
विवरं प्राप्य चान्योन्यम् अनयन् यमसादनम् ॥
न्यहनच् च पिता पुत्रं पुत्रश् च पितरं रणे ॥
व्याकुलीकृतसंकल्पा युयुधुस् तत्र मानवाः ॥
रणे चारूणि चापानि हेमपृष्ठानि भारत ॥
हतानाम् अपविद्धानि कलापाश् च महाधनाः ॥
जातरूपमयैः पुङ्खै राजतैश् च शिताः शराः ॥
तैलधौता व्यराजन्त निर्मुक्तभुजगोपमाः ॥
हस्तिदन्तत्सरून् खड्गाञ् जातरूपपरिष्कृतान् ॥
चर्माणि चापविद्धानि रुक्मपृष्ठानि धन्विनाम् ॥
सुवर्णविकृतप्रासान् पट्टिशान् हेमभूषितान् ॥
जातरूपमयाश् चर्ष्टीः शक्त्यश् च कनकोज्ज्वलाः ॥
अपकृत्ताश् च पतिता मुसलानि गुरूणि च ॥
परिघान् पट्टिशांश् चैव भिण्डिपालांश् च मारिष ॥
पतितांस् तोमरांश् चापि चित्रा हेमपरिष्कृताः ॥
कुथाश् च बहुधाकाराश् चामरव्यजनानि च ॥
नानाविधानि शस्त्राणि विसृज्य पतिता नराः ॥
जीवन्त इव दृश्यन्ते गतसत्त्वा महारथाः ॥
गदाविमथितैर् गात्रैर् मुसलैर् भिन्नमस्तकाः ॥
गजवाजिरथक्षुण्णाः शेरते स्म नराः क्षितौ ॥
तथैवाश्वनृनागानां शरीरैर् आबभौ तदा ॥
संछन्ना वसुधा राजन् पर्वतैर् इव सर्वतः ॥
समरे पतितैश् चैव शक्त्यृष्टिशरतोमरैः ॥
निस्त्रिंशैः पट्टिशैः प्रासैर् अयस्कुन्तैः परश्वधैः ॥
परिघैर् भिण्डिपालैश् च शतघ्नीभिस् तथैव च ॥
शरीरैः शस्त्रभिन्नैश् च समास्तीर्यत मेदिनी ॥
निःशब्दैर् अल्पशब्दैश् च शोणितौघपरिप्लुतैः ॥
गतासुभिर् अमित्रघ्न विबभौ संवृता मही ॥
dhṛṣṭadyumnamukhās tv anye tava sainyam ayodhayan ||
tathaiva tāvakāḥ sarve pāṇḍusainyam ayodhayan ||
tatrākrando mahān āsīt tava teṣāṃ ca bhārata ||
nighnatāṃ bhṛśam anyonyaṃ kurvatāṃ karma duṣkaram ||
anyonyaṃ hi raṇe śūrāḥ keśeṣv ākṣipya māriṣa ||
nakhair dantair ayudhyanta muṣṭibhir jānubhis tathā ||
bāhubhiś ca talaiś caiva nistriṃśaiś ca susaṃśitaiḥ ||
vivaraṃ prāpya cānyonyam anayan yamasādanam ||
nyahanac ca pitā putraṃ putraś ca pitaraṃ raṇe ||
vyākulīkṛtasaṃkalpā yuyudhus tatra mānavāḥ ||
raṇe cārūṇi cāpāni hemapṛṣṭhāni bhārata ||
hatānām apaviddhāni kalāpāś ca mahādhanāḥ ||
jātarūpamayaiḥ puṅkhai rājataiś ca śitāḥ śarāḥ ||
tailadhautā vyarājanta nirmuktabhujagopamāḥ ||
hastidantatsarūn khaḍgāñ jātarūpapariṣkṛtān ||
carmāṇi cāpaviddhāni rukmapṛṣṭhāni dhanvinām ||
suvarṇavikṛtaprāsān paṭṭiśān hemabhūṣitān ||
jātarūpamayāś carṣṭīḥ śaktyaś ca kanakojjvalāḥ ||
apakṛttāś ca patitā musalāni gurūṇi ca ||
parighān paṭṭiśāṃś caiva bhiṇḍipālāṃś ca māriṣa ||
patitāṃs tomarāṃś cāpi citrā hemapariṣkṛtāḥ ||
kuthāś ca bahudhākārāś cāmaravyajanāni ca ||
nānāvidhāni śastrāṇi visṛjya patitā narāḥ ||
jīvanta iva dṛśyante gatasattvā mahārathāḥ ||
gadāvimathitair gātrair musalair bhinnamastakāḥ ||
gajavājirathakṣuṇṇāḥ śerate sma narāḥ kṣitau ||
tathaivāśvanṛnāgānāṃ śarīrair ābabhau tadā ||
saṃchannā vasudhā rājan parvatair iva sarvataḥ ||
samare patitaiś caiva śaktyṛṣṭiśaratomaraiḥ ||
nistriṃśaiḥ paṭṭiśaiḥ prāsair ayaskuntaiḥ paraśvadhaiḥ ||
parighair bhiṇḍipālaiś ca śataghnībhis tathaiva ca ||
śarīraiḥ śastrabhinnaiś ca samāstīryata medinī ||
niḥśabdair alpaśabdaiś ca śoṇitaughapariplutaiḥ ||
gatāsubhir amitraghna vibabhau saṃvṛtā mahī ||
Other warriors led by Dhrishtadyumna fought with your army, and likewise all your men fought with the army of Panda's sons. There, O Bharata, a great uproar arose among your men and theirs, as they struck each other fiercely and performed a fearsome task. Heroes in battle seized one another by the hair, venerable one, and fought with nails, teeth, fists, knees, arms, open palms, and well-honed swords; finding an opening in one another, they sent each other to the abode of Yama. Father slew son, and son slew father in battle; with minds thrown into confusion, men fought there. On the field lay beautiful gold-backed bows, O Bharata, cast off by the slain, and costly quivers; sharp arrows with golden and silver feathers, polished with oil, gleamed like sloughed-off snakeskins. There were swords with hilts of ivory adorned with gold, and cast-off shields of archers with golden backs; javelins ornamented with gold, pattishas adorned with gold, golden rishtis and shaktis blazing with gold; severed and fallen heavy clubs, iron staves (parighas), pattishas, bhindipalas, venerable one, and fallen, colorful tomaras adorned with gold; various saddle-cloths and yak-tail fans. The great chariot-warriors, though they had cast away their many kinds of weapons and fallen, though already lifeless, still seemed alive. Men lay on the ground with limbs crushed by maces, heads shattered by clubs, and bodies trampled by elephants, horses, and chariots. Likewise the earth, covered with the bodies of horses, men, and elephants, gleamed, O king, as though covered on all sides with mountains. In the battle, the earth was strewn with fallen shaktis, rishtis, arrows, tomaras, swords, pattishas, javelins, iron spears, axes, parighas, bhindipalas, shataghnis, and bodies pierced by weapons. Covered with lifeless bodies drenched in streams of blood, silent or barely groaning, the earth gleamed, O destroyer of foes.
e5c2725e5c59 · publicado 17 jul 2026, 21:47:11 UTC
Disponible enRUENPasa de verso en verso con
The description of the hand-to-hand fighting and the battlefield deliberately strips war of any heroic purity: here men fight with nails and teeth, a father fails to recognize his son, and the gleam of gold on the weapons lies beside crushed bodies. The outward splendor of the kshatriya world becomes part of the terrible carpet of death.