ततो भीमो महाराज द्रौपद्याः पञ्च चात्मजाः ॥
केकया भ्रातरः पञ्च सात्यकिश् चैव सात्वतः ॥
अभ्यद्रवन्त गाङ्गेयं युधिष्ठिरहितेप्सया ॥
रिरक्षिषन्तः पाञ्चाल्यं धृष्टद्युम्नमुखन् रणे ॥
तथैव तावकाः सर्वे भीष्मरक्षार्थम् उद्यताः ॥
प्रत्युद्ययुः पाण्डुसेनां सहसैन्या नराधिप ॥
तत्रासीत् सुमहद् युद्धं तव तेषां च संकुलम् ॥
नराश्वरथनागानां यमराष्ट्रविवर्धनम् ॥
रथी रथिनम् आसाद्य प्राहिणोद् यमसादनम् ॥
तथेतरान् समासाद्य नरनागाश्वसादिनः ॥
अनयन् परलोकाय शरैः संनतपर्वभिः ॥
अस्त्रैश् च विविधैर् घोरैस् तत्र तत्र विशां पते ॥
रथाश् च रथिभिर् हीना हतसारथयस् तथा ॥
विप्रद्रुताश्वाः समरे दिशो जग्मुः समन्ततः ॥
मर्दमाना नरान् राजन् हयांश् च सुबहून् रणे ॥
वातायमाना दृश्यन्ते गन्धर्वनगरोपमाः ॥
रथिनश् च रथैर् हीना वर्मिणस् तेजसा युताः ॥
कुण्डलोष्णीषिणः सर्वे निष्काङ्गदविभूषिताः ॥
देवपुत्रसमा रूपे शौर्ये शक्रसमा युधि ॥
ऋद्ध्या वैश्रवणं चाति नयेन च बृहस्पतिम् ॥
सर्वलोकेश्वराः शूरास् तत्र तत्र विशां पते ॥
विप्रद्रुता व्यदृश्यन्त प्राकृता इव मानवाः ॥
tato bhīmo mahārāja draupadyāḥ pañca cātmajāḥ ||
kekayā bhrātaraḥ pañca sātyakiś caiva sātvataḥ ||
abhyadravanta gāṅgeyaṃ yudhiṣṭhirahitepsayā ||
rirakṣiṣantaḥ pāñcālyaṃ dhṛṣṭadyumnamukhan raṇe ||
tathaiva tāvakāḥ sarve bhīṣmarakṣārtham udyatāḥ ||
pratyudyayuḥ pāṇḍusenāṃ sahasainyā narādhipa ||
tatrāsīt sumahad yuddhaṃ tava teṣāṃ ca saṃkulam ||
narāśvarathanāgānāṃ yamarāṣṭravivardhanam ||
rathī rathinam āsādya prāhiṇod yamasādanam ||
tathetarān samāsādya naranāgāśvasādinaḥ ||
anayan paralokāya śaraiḥ saṃnataparvabhiḥ ||
astraiś ca vividhair ghorais tatra tatra viśāṃ pate ||
rathāś ca rathibhir hīnā hatasārathayas tathā ||
vipradrutāśvāḥ samare diśo jagmuḥ samantataḥ ||
mardamānā narān rājan hayāṃś ca subahūn raṇe ||
vātāyamānā dṛśyante gandharvanagaropamāḥ ||
rathinaś ca rathair hīnā varmiṇas tejasā yutāḥ ||
kuṇḍaloṣṇīṣiṇaḥ sarve niṣkāṅgadavibhūṣitāḥ ||
devaputrasamā rūpe śaurye śakrasamā yudhi ||
ṛddhyā vaiśravaṇaṃ cāti nayena ca bṛhaspatim ||
sarvalokeśvarāḥ śūrās tatra tatra viśāṃ pate ||
vipradrutā vyadṛśyanta prākṛtā iva mānavāḥ ||
Then Bhima, great king, the five sons of Draupadi, the five Kekaya brothers, and Satyaki the Satvata rushed upon Gangeya, wishing Yudhishthira well and seeking to protect the Panchalya, with Dhrishtadyumna at their head, in battle. Just so, all your warriors, risen up to protect Bhishma, together with their armies advanced against the army of Pandu, O king. There arose a vast, commingled battle of your forces and theirs — of men, horses, chariots, and elephants — swelling the realm of Yama. Chariot-warrior meeting chariot-warrior sent him to the abode of Yama; likewise, meeting other men, elephants, and horsemen everywhere, lord of the people, they led them away to the world beyond with arrows of bent joints and various terrible weapons. Chariots bereft of their warriors, their charioteers slain and their horses scattered, careened in every direction in the battle, crushing men, O king, and a great many horses; they sped along like the wind and seemed like the cities of the Gandharvas. Chariot-warriors bereft of their chariots, shining in their armor, all wearing earrings, turbans, necklaces, and armlets, equal in form to the sons of gods, equal to Shakra in valor in battle, surpassing Vaishravana in wealth and Brihaspati in wisdom — these heroes, lords of every world, were seen fleeing everywhere, lord of the people, like common mortals.'
f31fa1a5c273 · publicado 17 jul 2026, 21:47:12 UTC
Disponible enRUENPasa de verso en verso con
Battle strips away the outward grandeur of kings: those who match the gods in form, wealth, and valor look, in the rout, like ordinary men. Death levels rank faster than armor and the insignia of power can defend it.