दन्तिनश् च नरश्रेष्ठ विहीना वरसादिभिः ॥
मृद्नन्तः स्वान्य् अनीकानि संपेतुः सर्वशब्दगाः ॥
वर्मभिश् चामरैश् छत्रैः पताकाभिश् च मारिष ॥
कक्ष्याभिर् अथ तोत्त्रैश् च घण्टाभिस् तोमरैस् तथा ॥
विशीर्णैर् विप्रधावन्तो दृश्यन्ते स्म दिशो दश ॥
नगमेघप्रतीकाशैर् जलदोदयनिस्वनैः ॥
तथैव दन्तिभिर् हीनान् गजारोहान् विशां पते ॥
प्रधावन्तो ऽन्वपश्याम तव तेषां च संकुले ॥
नानादेशसमुत्थांश् च तुरगान् हेमभूषितान् ॥
वातायमानान् अद्राक्षं शतशो ऽथ सहस्रशः ॥
अश्वारोहान् हतैर् अश्वैर् गृहीतासीन् समन्ततः ॥
द्रवमाणान् अपश्याम द्राव्यमाणांश् च संयुगे ॥
गजो गजं समासाद्य द्रवमाणं महारणे ॥
ययौ विमृद्नंस् तरसा पदातीन् वाजिनस् तथा ॥
तथैव च रथान् राजन् संममर्द रणे गजः ॥
रथश् चैव समासाद्य पदातिं तुरगं तथा ॥
व्यमृद्नात् समरे राजंस् तुरगांश् च नरान् रणे ॥
एवं ते बहुधा राजन् प्रमृद्नन्तः परस्परम् ॥
dantinaś ca naraśreṣṭha vihīnā varasādibhiḥ ||
mṛdnantaḥ svāny anīkāni saṃpetuḥ sarvaśabdagāḥ ||
varmabhiś cāmaraiś chatraiḥ patākābhiś ca māriṣa ||
kakṣyābhir atha tottraiś ca ghaṇṭābhis tomarais tathā ||
viśīrṇair vipradhāvanto dṛśyante sma diśo daśa ||
nagameghapratīkāśair jaladodayanisvanaiḥ ||
tathaiva dantibhir hīnān gajārohān viśāṃ pate ||
pradhāvanto 'nvapaśyāma tava teṣāṃ ca saṃkule ||
nānādeśasamutthāṃś ca turagān hemabhūṣitān ||
vātāyamānān adrākṣaṃ śataśo 'tha sahasraśaḥ ||
aśvārohān hatair aśvair gṛhītāsīn samantataḥ ||
dravamāṇān apaśyāma drāvyamāṇāṃś ca saṃyuge ||
gajo gajaṃ samāsādya dravamāṇaṃ mahāraṇe ||
yayau vimṛdnaṃs tarasā padātīn vājinas tathā ||
tathaiva ca rathān rājan saṃmamarda raṇe gajaḥ ||
rathaś caiva samāsādya padātiṃ turagaṃ tathā ||
vyamṛdnāt samare rājaṃs turagāṃś ca narān raṇe ||
evaṃ te bahudhā rājan pramṛdnantaḥ parasparam ||
The war elephants, best of men, bereft of their excellent riders, rushed about with every kind of noise, trampling their own troops. Armor, chowries, parasols, banners, O venerable one, girths, goads, bells, and tomaras lay scattered, and the elephants, resembling mountains and storm-clouds, ran in all ten directions with a roar like gathering thunderheads. In this tumult of your forces and theirs, lord of the people, we also saw riders bereft of their elephants, running. I saw hundreds and thousands of gold-adorned horses, come from many different lands, rushing like the wind. We saw horsemen whose steeds had been slain, swords in hand, fleeing and being put to flight in the battle. An elephant, meeting another fleeing elephant in the great battle, pressed on, crushing foot-soldiers and horses with its strength. Likewise an elephant trampled chariots in the fight, O king, and a chariot, colliding with a foot-soldier or a horse, crushed men and horses in the battle. Thus they, O king, trampled one another in many different ways.'
cbb16973ca19 · publicado 17 jul 2026, 21:47:12 UTC
Disponible enRUENPasa de verso en verso con
Here the battle has all but lost the shape of human will: elephants, horses, and chariots move like a blind mass. One's own army becomes as much a danger as the enemy once order breaks down.