युधिष्ठिर उवाच
एवम् एतन् महाबाहो यथा वदसि माधव ॥
सर्वे ह्य् एते न पर्याप्तास् तव वेगनिवारणे ॥
नियतं समवाप्स्यामि सर्वम् एव यथेप्सितम् ॥
यस्य मे पुरुषव्याघ्र भवान् नाथो महाबलः ॥
सेन्द्रान् अपि रणे देवाञ् जयेयं जयतां वर ॥
त्वया नाथेन गोविन्द किम् उ भीष्मं महाहवे ॥
न तु त्वाम् अनृतं कर्तुम् उत्सहे स्वार्थगौरवात् ॥
अयुध्यमानः साहाय्यं यथोक्तं कुरु माधव ॥
समयस् तु कृतः कश् चिद् भीष्मेण मम माधव ॥
मन्त्रयिष्ये तवार्थाय न तु योत्स्ये कथं चन ॥
दुर्योधनार्थे योत्स्यामि सत्यम् एतद् इति प्रभो ॥
स हि राज्यस्य मे दाता मन्त्रस्यैव च माधव ॥
तस्माद् देवव्रतं भूयो वधोपायार्थम् आत्मनः ॥
भवता सहिताः सर्वे पृच्छामो मधुसूदन ॥
तद् वयं सहिता गत्वा भीष्मम् आशु नरोत्तमम् ॥
रुचिते तव वार्ष्णेय मन्त्रं पृच्छाम कौरवम् ॥
स वक्ष्यति हितं वाक्यं तथ्यं चैव जनार्दन ॥
यथा स वक्ष्यते कृष्ण तथा कर्तास्मि संयुगे ॥
स नो जयस्य दाता च मन्त्रस्य च धृतव्रतः ॥
बालाः पित्रा विहीनाश् च तेन संवर्धिता वयम् ॥
तं चेत् पितामहं वृद्धं हन्तुम् इच्छामि माधव ॥
पितुः पितरम् इष्टं वै धिग् अस्तु क्षत्रजीविकाम् ॥
yudhiṣṭhira uvāca
evam etan mahābāho yathā vadasi mādhava ||
sarve hy ete na paryāptās tava veganivāraṇe ||
niyataṃ samavāpsyāmi sarvam eva yathepsitam ||
yasya me puruṣavyāghra bhavān nātho mahābalaḥ ||
sendrān api raṇe devāñ jayeyaṃ jayatāṃ vara ||
tvayā nāthena govinda kim u bhīṣmaṃ mahāhave ||
na tu tvām anṛtaṃ kartum utsahe svārthagauravāt ||
ayudhyamānaḥ sāhāyyaṃ yathoktaṃ kuru mādhava ||
samayas tu kṛtaḥ kaś cid bhīṣmeṇa mama mādhava ||
mantrayiṣye tavārthāya na tu yotsye kathaṃ cana ||
duryodhanārthe yotsyāmi satyam etad iti prabho ||
sa hi rājyasya me dātā mantrasyaiva ca mādhava ||
tasmād devavrataṃ bhūyo vadhopāyārtham ātmanaḥ ||
bhavatā sahitāḥ sarve pṛcchāmo madhusūdana ||
tad vayaṃ sahitā gatvā bhīṣmam āśu narottamam ||
rucite tava vārṣṇeya mantraṃ pṛcchāma kauravam ||
sa vakṣyati hitaṃ vākyaṃ tathyaṃ caiva janārdana ||
yathā sa vakṣyate kṛṣṇa tathā kartāsmi saṃyuge ||
sa no jayasya dātā ca mantrasya ca dhṛtavrataḥ ||
bālāḥ pitrā vihīnāś ca tena saṃvardhitā vayam ||
taṃ cet pitāmahaṃ vṛddhaṃ hantum icchāmi mādhava ||
pituḥ pitaram iṣṭaṃ vai dhig astu kṣatrajīvikām ||
Yudhishthira said: 'It is so, mighty-armed one, as you say, Madhava. None of them are able to check your onrush. Since I have you, mighty protector, tiger among men, I will surely gain everything I desire. With you as my protector, Govinda, I could conquer in battle even the gods headed by Indra, best of conquerors; how much more so Bhishma in the great battle. But for my own advantage I cannot make you break your word. Give your help, Madhava, without fighting, as you promised. There is a certain pact between me and Bhishma, Madhava: "I will give you counsel for your cause, but under no circumstances will I fight for you; I will fight for Duryodhana's sake -- this is the truth, my lord." Therefore it is he who will give me both the kingdom and counsel, Madhava. So let all of us together with you, Madhusudana, once more ask Devavrata for the means of his own defeat. If it pleases you, Varshneya, let us go together, swiftly, to Bhishma, the finest of men, and ask counsel of this Kaurava. He will speak words that are beneficial and true, Janardana. Whatever he says, Krishna, that is what I will do in battle. He, firm in his vow, will grant us both victory and counsel: we were boys bereft of our father, and he raised us. If I now wish to kill this aged grandsire, the beloved father of our own father, Madhava, then a curse upon the kshatriya's way of life!'
f4b263a79387 · publicado 17 jul 2026, 21:55:41 UTC
Disponible enRUENPasa de verso en verso con
Yudhishthira refuses to use Krishna's power at the cost of breaking his word. His decision to ask Bhishma himself for the means of victory is paradoxical, but it is exactly here that the tragic honesty of this war shows itself.