श्रीकृष्ण उवाच
प्रतिज्ञाय वधं जिष्णो पुरा भीष्मस्य संयुगे ॥
क्षत्रधर्मे स्थितः पार्थ कथं नैनं हनिष्यसि ॥
पातयैनं रथात् पार्थ वज्राहतम् इव द्रुमम् ॥
नाहत्वा युधि गाङ्गेयं विजयस् ते भविष्यति ॥
दिष्टम् एतत् पुरा देवैर् भविष्यत्य् अवशस्य ते ॥
हन्ता भीष्मस्य पूर्वेन्द्र इति तन् न तद् अन्यथा ॥
न हि भीष्मं दुराधर्षं व्यात्ताननम् इवान्तकम् ॥
त्वद् अन्यः शक्नुयाद् धन्तुम् अपि वज्रधरः स्वयम् ॥
जहि भीष्मं महाबाहो शृणु चेदं वचो मम ॥
यथोवाच पुरा शक्रं महाबुद्धिर् बृहस्पतिः ॥
ज्यायांसम् अपि चेच् छक्र गुणैर् अपि समन्वितम् ॥
आततायिनम् आमन्त्र्य हन्याद् घातकम् आगतम् ॥
शाश्वतो ऽयं स्थितो धर्मः क्षत्रियाणां धनंजय ॥
योद्धव्यं रक्षितव्यं च यष्टव्यं चानसूयुभिः ॥
śrīkṛṣṇa uvāca
pratijñāya vadhaṃ jiṣṇo purā bhīṣmasya saṃyuge ||
kṣatradharme sthitaḥ pārtha kathaṃ nainaṃ haniṣyasi ||
pātayainaṃ rathāt pārtha vajrāhatam iva drumam ||
nāhatvā yudhi gāṅgeyaṃ vijayas te bhaviṣyati ||
diṣṭam etat purā devair bhaviṣyaty avaśasya te ||
hantā bhīṣmasya pūrvendra iti tan na tad anyathā ||
na hi bhīṣmaṃ durādharṣaṃ vyāttānanam ivāntakam ||
tvad anyaḥ śaknuyād dhantum api vajradharaḥ svayam ||
jahi bhīṣmaṃ mahābāho śṛṇu cedaṃ vaco mama ||
yathovāca purā śakraṃ mahābuddhir bṛhaspatiḥ ||
jyāyāṃsam api cec chakra guṇair api samanvitam ||
ātatāyinam āmantrya hanyād ghātakam āgatam ||
śāśvato 'yaṃ sthito dharmaḥ kṣatriyāṇāṃ dhanaṃjaya ||
yoddhavyaṃ rakṣitavyaṃ ca yaṣṭavyaṃ cānasūyubhiḥ ||
Shri Krishna said: "Jishnu, you once vowed to slay Bhishma in battle. Established in the kshatriya dharma, Partha, how then will you fail to kill him? Cast him down from his chariot, Partha, like a tree struck down by the thunderbolt. Without slaying the son of Ganga in battle, you will not gain victory. This was ordained by the gods long ago, and it will come to pass for you inevitably: the ancient Indra shall be the slayer of Bhishma; it cannot be otherwise. For no one but you is able to kill the unconquerable Bhishma, who is like Antaka with jaws agape — not even the wielder of the thunderbolt himself. Slay Bhishma, mighty-armed one, and hear this word of mine — what the great-wise Brihaspati once said to Shakra: 'Even if he is elder and endowed with virtues, but has come as an assailant and a killer, he should be slain. Such is the eternal, established law of the kshatriyas, Dhananjaya: they must fight, protect, and offer sacrifice without envy.'"
422b63cf6d32 · publicado 17 jul 2026, 21:55:41 UTC
Disponible enRUENPasa de verso en verso con
Krishna does not deny the sanctity of the elder, but sets Arjuna before the warrior's dharma: when a revered man becomes a destroyer, the protection of the world demands a difficult act.