संजय उवाच
अर्जुनस् तु रणे राजन् दृष्ट्वा भीष्मस्य विक्रमम् ॥
शिखण्डिनम् अथोवाच समभ्येहि पितामहम् ॥
न चापि भीस् त्वया कार्या भीष्माद् अद्य कथं चन ॥
अहम् एनं शरैस् तीक्ष्णैः पातयिष्ये रथोत्तमात् ॥
एवम् उक्तस् तु पार्थेन शिखण्डी भरतर्षभ ॥
अभ्यद्रवत गाङ्गेयं श्रुत्वा पार्थस्य भाषितम् ॥
धृष्टद्युम्नस् तथा राजन् सौभद्रश् च महारथः ॥
हृष्टाव् आद्रवतां भीष्मं श्रुत्वा पार्थस्य भाषितम् ॥
विराटद्रुपदौ वृद्धौ कुन्तिभोजश् च दंशितः ॥
अभ्यद्रवत गाङ्गेयं पुत्रस्य तव पश्यतः ॥
नकुलः सहदेवश् च धर्मराजश् च वीर्यवान् ॥
तथेतराणि सैन्यानि सर्वाण्य् एव विशां पते ॥
समाद्रवन्त गाङ्गेयं श्रुत्वा पार्थस्य भाषितम् ॥
प्रत्युद्ययुस् तावकाश् च समेतास् तान् महारथान् ॥
यथाशक्ति यथोत्साहं तन् मे निगदतः शृणु ॥
saṃjaya uvāca
arjunas tu raṇe rājan dṛṣṭvā bhīṣmasya vikramam ||
śikhaṇḍinam athovāca samabhyehi pitāmaham ||
na cāpi bhīs tvayā kāryā bhīṣmād adya kathaṃ cana ||
aham enaṃ śarais tīkṣṇaiḥ pātayiṣye rathottamāt ||
evam uktas tu pārthena śikhaṇḍī bharatarṣabha ||
abhyadravata gāṅgeyaṃ śrutvā pārthasya bhāṣitam ||
dhṛṣṭadyumnas tathā rājan saubhadraś ca mahārathaḥ ||
hṛṣṭāv ādravatāṃ bhīṣmaṃ śrutvā pārthasya bhāṣitam ||
virāṭadrupadau vṛddhau kuntibhojaś ca daṃśitaḥ ||
abhyadravata gāṅgeyaṃ putrasya tava paśyataḥ ||
nakulaḥ sahadevaś ca dharmarājaś ca vīryavān ||
tathetarāṇi sainyāni sarvāṇy eva viśāṃ pate ||
samādravanta gāṅgeyaṃ śrutvā pārthasya bhāṣitam ||
pratyudyayus tāvakāś ca sametās tān mahārathān ||
yathāśakti yathotsāhaṃ tan me nigadataḥ śṛṇu ||
Sanjaya said: "Arjuna, having seen Bhishma's valor in battle, o king, said to Shikhandin: 'Advance upon the grandsire. Today you need not fear Bhishma at all: I will cast him down from his fine chariot with sharp arrows.' Hearing this from Partha, Shikhandin, o bull of the Bharatas, rushed at the son of Ganga. Dhrishtadyumna and the great chariot-warrior Saubhadra, hearing Partha's words, joyfully rushed at Bhishma. The elders Virata and Drupada, and Kuntibhoja in armor, attacked the son of Ganga before the eyes of your son. Nakula, Sahadeva, the valiant Dharmaraja, and all the other armies, o lord of the people, hearing Partha's words, together rushed at Gangeya. And your own warriors, gathering, went out to meet those great chariot-warriors, each according to his strength and his zeal. Listen as I tell you of this."
12ca6e4327f2 · publicado 17 jul 2026, 21:55:41 UTC
Disponible enRUENPasa de verso en verso con
Arjuna turns the resolve made the night before into a battlefield command. After his words, not only Shikhandin but the whole Pandava army begins moving toward Bhishma.