धृतराष्ट्र उवाच
संजयाधिरथो वीरः सिंहद्विरदविक्रमः ॥
वृषम् अप्रतिमस्कन्धो वृषभाक्षगतिस्वनः ॥
वृषभो वृषभस्येव यो युद्धे न निवर्तते ॥
शत्रोर् अपि महेन्द्रस्य वज्रसंहननो युवा ॥
यस्य ज्यातलशब्देन शरवृष्टिरवेण च ॥
रथाश्वनरमातङ्गा नावतिष्ठन्ति संयुगे ॥
यम् आश्रित्य महाबाहुं द्विषत्संघघ्नम् अच्युतम् ॥
दुर्योधनो ऽकरोद् वैरं पाण्डुपुत्रैर् महाबलैः ॥
स कथं रथिनां श्रेष्ठः कर्णः पार्थेन संयुगे ॥
निहतः पुरुषव्याघ्रः प्रसह्यासह्यविक्रमः ॥
यो नामन्यत वै नित्यम् अच्युतं न धनंजयम् ॥
न वृष्णीन् अपि तान् अन्यान् स्वबाहुबलम् आश्रितः ॥
शार्ङ्गगाण्डीवधन्वानौ सहिताव् अपराजितौ ॥
अहं दिव्याद् रथाद् एकः पातयिष्यामि संयुगे ॥
इति यः सततं मन्दम् अवोचल् लोभमोहितम् ॥
दुर्योधनम् अपादीनं राज्यकामुकम् आतुरम् ॥
dhṛtarāṣṭra uvāca
saṃjayādhiratho vīraḥ siṃhadviradavikramaḥ ||
vṛṣam apratimaskandho vṛṣabhākṣagatisvanaḥ ||
vṛṣabho vṛṣabhasyeva yo yuddhe na nivartate ||
śatror api mahendrasya vajrasaṃhanano yuvā ||
yasya jyātalaśabdena śaravṛṣṭiraveṇa ca ||
rathāśvanaramātaṅgā nāvatiṣṭhanti saṃyuge ||
yam āśritya mahābāhuṃ dviṣatsaṃghaghnam acyutam ||
duryodhano 'karod vairaṃ pāṇḍuputrair mahābalaiḥ ||
sa kathaṃ rathināṃ śreṣṭhaḥ karṇaḥ pārthena saṃyuge ||
nihataḥ puruṣavyāghraḥ prasahyāsahyavikramaḥ ||
yo nāmanyata vai nityam acyutaṃ na dhanaṃjayam ||
na vṛṣṇīn api tān anyān svabāhubalam āśritaḥ ||
śārṅgagāṇḍīvadhanvānau sahitāv aparājitau ||
ahaṃ divyād rathād ekaḥ pātayiṣyāmi saṃyuge ||
iti yaḥ satataṃ mandam avocal lobhamohitam ||
duryodhanam apādīnaṃ rājyakāmukam āturam ||
Дхритараштра сказал: «О Санджая, сын Адхиратхи был героем с мощью льва и слона; он был быком с несравненными плечами, с бычьими очами, походкой и голосом. Как боевой бык, он не отступал в битве; этот юный воин был крепок, словно ваджра, даже для врага, подобного Махендре. От звука его тетивы и ладони, от грохота его стрелного дождя колесницы, кони, люди и слоны не выдерживали в сражении. Опираясь на этого великорукого, непоколебимого губителя вражеских толп, Дурьодхана начал вражду с могучими сыновьями Панду. Как же этот Карна, лучший из колесничих, тигр среди людей с неодолимой доблестью, был насильно сражён Партхой в битве? Полагаясь на силу собственных рук, он никогда не признавал ни Ачьюту, ни Дхананджаю, ни остальных Вришни. “Я один с божественной колесницы повергну в битве непобедимых лучников Шарнги и Гандивы, когда они будут вместе”, - так он постоянно говорил глупому, одурманенному алчностью и жаждой царства Дурьодхане, не павшему духом».
d1abd200a23b · publicado 20 jun 2026, 3:36:36 UTC
Disponible enRUPasa de verso en verso con
Плач Дхритараштры обнажает двойственность Карны: величайшая отвага соединена с самоуверенностью, питающей чужую жадность. Сила становится разрушительной, когда даёт грешному желанию чувство неуязвимости.