तां नावम् इव पर्यस्तां भ्रान्तवातां महार्णवे ॥
तव सेनां महाराज सव्यसाची व्यकम्पयत् ॥
क्व नु ते सूतपुत्रो ऽभूत् क्व नु द्रोणः सहानुगः ॥
अहं क्व च क्व चात्मा ते हार्दिक्यश् च तथा क्व नु ॥
दुःशासनश् च भ्राता ते भ्रातृभिः सहितः क्व नु ॥
बाणगोचरसंप्राप्तं प्रेक्ष्य चैव जयद्रथम् ॥
संबन्धिनस् ते भ्रातॄंश् च सहायान् मातुलांस् तथा ॥
सर्वान् विक्रम्य मिषतो लोकांश् चाक्रम्य मूर्धनि ॥
जयद्रथो हतो राजन् किं नु शेषम् उपास्महे ॥
tāṃ nāvam iva paryastāṃ bhrāntavātāṃ mahārṇave ||
tava senāṃ mahārāja savyasācī vyakampayat ||
kva nu te sūtaputro 'bhūt kva nu droṇaḥ sahānugaḥ ||
ahaṃ kva ca kva cātmā te hārdikyaś ca tathā kva nu ||
duḥśāsanaś ca bhrātā te bhrātṛbhiḥ sahitaḥ kva nu ||
bāṇagocarasaṃprāptaṃ prekṣya caiva jayadratham ||
saṃbandhinas te bhrātṝṃś ca sahāyān mātulāṃs tathā ||
sarvān vikramya miṣato lokāṃś cākramya mūrdhani ||
jayadratho hato rājan kiṃ nu śeṣam upāsmahe ||
«Словно опрокинутую ладью, носимую вихрем в великом океане, Савьясачин сотряс твоё войско, о великий царь. Где же был тогда сын возницы твой, где Дрона со своими, где был я, где ты сам, где Хардикья? Завидев Джаядратху, оказавшегося под выстрелом, — хотя стерегли его твои свойственники, братья, соратники и дядья, — Арджуна, одолев всех у них на глазах и вознёсшись надо всеми, сразил Джаядратху, о царь. На какой же остаток нам уповать?»
f611f0f77364 · publicado 20 jun 2026, 13:10:00 UTC
Disponible enRUPasa de verso en verso con
Перечисление «где был ты, где я, где Дрона» — горькое признание бессилия всех защитников: при всей их доблести Арджуна пробился к Джаядратхе и сразил его. Если столь оберегаемого не уберегли, говорит Крипа, то на что надеяться теперь? Опыт прошлого боя становится доводом против будущего.