एवं विगणयन्न् एव स मुनिर् मन्त्रपारगः ॥
उत्पपाताश्रमात् तस्माद् अन्तरिक्षं विशां पते ॥
जिज्ञासार्थं तदा भिक्षोर् जैगीषव्यस्य देवलः ॥
सो ऽन्तरिक्षचरान् सिद्धान् समपश्यत् समाहितान् ॥
जैगीषव्यं च तैः सिद्धैः पूज्यमानम् अपश्यत ॥
ततो ऽसितः सुसंरब्धो व्यवसायी दृढव्रतः ॥
अपश्यद् वै दिवं यान्तं जैगीषव्यं स देवलः ॥
तस्माच् च पितृलोकं तं व्रजन्तं सो ऽन्वपश्यत ॥
पितृलोकाच् च तं यान्तं याम्यं लोकम् अपश्यत ॥
तस्माद् अपि समुत्पत्य सोमलोकम् अभिष्टुतम् ॥
व्रजन्तम् अन्वपश्यत् स जैगीषव्यं महामुनिम् ॥
लोकान् समुत्पतन्तं च शुभान् एकान्तयाजिनाम् ॥
ततो ऽग्निहोत्रिणां लोकांस् तेभ्यश् चाप्य् उत्पपात ह ॥
दर्शं च पौर्णमासं च ये यजन्ति तपोधनाः ॥
तेभ्यः स ददृशे धीमांल् लोकेभ्यः पशुयाजिनाम् ॥
व्रजन्तं लोकम् अमलम् अपश्यद् देवपूजितम् ॥
evaṃ vigaṇayann eva sa munir mantrapāragaḥ ||
utpapātāśramāt tasmād antarikṣaṃ viśāṃ pate ||
jijñāsārthaṃ tadā bhikṣor jaigīṣavyasya devalaḥ ||
so 'ntarikṣacarān siddhān samapaśyat samāhitān ||
jaigīṣavyaṃ ca taiḥ siddhaiḥ pūjyamānam apaśyata ||
tato 'sitaḥ susaṃrabdho vyavasāyī dṛḍhavrataḥ ||
apaśyad vai divaṃ yāntaṃ jaigīṣavyaṃ sa devalaḥ ||
tasmāc ca pitṛlokaṃ taṃ vrajantaṃ so 'nvapaśyata ||
pitṛlokāc ca taṃ yāntaṃ yāmyaṃ lokam apaśyata ||
tasmād api samutpatya somalokam abhiṣṭutam ||
vrajantam anvapaśyat sa jaigīṣavyaṃ mahāmunim ||
lokān samutpatantaṃ ca śubhān ekāntayājinām ||
tato 'gnihotriṇāṃ lokāṃs tebhyaś cāpy utpapāta ha ||
darśaṃ ca paurṇamāsaṃ ca ye yajanti tapodhanāḥ ||
tebhyaḥ sa dadṛśe dhīmāṃl lokebhyaḥ paśuyājinām ||
vrajantaṃ lokam amalam apaśyad devapūjitam ||
«Так размышляя, он, мудрец, знаток мантр, взлетел из той обители в воздух, о владыка людей. Он по воздуху ходящих сиддхов увидел, сосредоточенных, и Джайгишавью теми сиддхами чтимого увидел. Тогда Асита, весьма взволнованный, решительный, твёрдый в обете, увидел на небо идущего Джайгишавью, тот Девала; и оттуда в мир предков его идущего он увидел; и из мира предков идущего в мир Ямы увидел; и оттуда взлетев, в прославленный мир Сомы идущего увидел он, Джайгишавью, великого мудреца; и в благие миры единоверно-жертвующих взлетающего; затем в миры агнихотринов, и из них взлетел; тех, кои дарша и паурнамаса совершают, подвижники, из них он увидел, разумный, восходящего в миры жертвующих скотом».
df15bceb970b · publicado 20 jun 2026, 17:00:00 UTC
Disponible enRUPasa de verso en verso con
Гонясь за йогином, Девала восходит вслед за ним по ярусам мироздания — небо, мир предков, обитель Ямы, царство Сомы — и далее, сквозь миры, добытые всё высшими жертвами. Знаменательно, что Джайгишавья не задерживается ни в одном: каждый из этих блаженных миров для него лишь ступень, превосходимая и оставляемая. Сказание являет, что плоды обрядов, сколь бы высоки ни были, суть пределы временные, а йога влечёт за их грань.