जनमेजय उवाच
गते भगवति व्यासे धृतराष्ट्रो महीपतिः ॥
किम् अचेष्टत विप्रर्षे तन् मे व्याख्यातुम् अर्हसि ॥
वैशंपायन उवाच
एतच् छ्रुत्वा नरश्रेष्ठ चिरं ध्यात्वा त्व् अचेतनः ॥
संजयं योजयेत्य् उक्त्वा विदुरं प्रत्यभाषत ॥
क्षिप्रम् आनय गान्धारीं सर्वाश् च भरतस्त्रियः ॥
वधूं कुन्तीम् उपादाय याश् चान्यास् तत्र योषितः ॥
एवम् उक्त्वा स धर्मात्मा विदुरं धर्मवित्तमम् ॥
शोकविप्रहतज्ञानो यानम् एवान्वपद्यत ॥
गान्धारी चैव शोकार्ता भर्तुर् वचनचोदिता ॥
सह कुन्त्या यतो राजा सह स्त्रीभिर् उपाद्रवत् ॥
ताः समासाद्य राजानं भृशं शोकसमन्विताः ॥
आमन्त्र्यान्योन्यम् ईयुः स्म भृशम् उच्चुक्रुशुस् ततः ॥
ताः समाश्वासयत् क्षत्ता ताभ्यश् चार्ततरः स्वयम् ॥
अश्रुकण्ठीः समारोप्य ततो ऽसौ निर्ययौ पुरात् ॥
janamejaya uvāca
gate bhagavati vyāse dhṛtarāṣṭro mahīpatiḥ ||
kim aceṣṭata viprarṣe tan me vyākhyātum arhasi ||
vaiśaṃpāyana uvāca
etac chrutvā naraśreṣṭha ciraṃ dhyātvā tv acetanaḥ ||
saṃjayaṃ yojayety uktvā viduraṃ pratyabhāṣata ||
kṣipram ānaya gāndhārīṃ sarvāś ca bharatastriyaḥ ||
vadhūṃ kuntīm upādāya yāś cānyās tatra yoṣitaḥ ||
evam uktvā sa dharmātmā viduraṃ dharmavittamam ||
śokaviprahatajñāno yānam evānvapadyata ||
gāndhārī caiva śokārtā bhartur vacanacoditā ||
saha kuntyā yato rājā saha strībhir upādravat ||
tāḥ samāsādya rājānaṃ bhṛśaṃ śokasamanvitāḥ ||
āmantryānyonyam īyuḥ sma bhṛśam uccukruśus tataḥ ||
tāḥ samāśvāsayat kṣattā tābhyaś cārtataraḥ svayam ||
aśrukaṇṭhīḥ samāropya tato 'sau niryayau purāt ||
Джанамеджая сказал: «О брахман-риши, когда бхагаван Вьяса ушёл, что сделал Дхритараштра, владыка земли? Расскажи мне это». Вайшампаяна сказал: «Услышав эти слова, о лучший людей, он долго размышлял, словно потеряв чувства. Затем, сказав Санджае: “Запрягай”, он обратился к Видуре: “Скорее приведи Гандхари и всех женщин Бхаратов, вместе с невесткой Кунти и прочими женщинами, которые там есть”. Сказав это Видуре, лучшему знатоку дхармы, праведный царь с разумом, поражённым скорбью, направился к повозке. Гандхари, измученная горем и побуждённая словом мужа, вместе с Кунти и женщинами поспешила туда, где был царь. Подойдя к царю, они, сильно охваченные скорбью, обратились друг к другу и пошли, громко рыдая. Кшаттар Видура, сам страдая ещё сильнее их, утешал их и, посадив плачущих женщин, вывел из города».
6214a5290af6 · publicado 20 jun 2026, 13:44:55 UTC
Disponible enRUPasa de verso en verso con
После философских наставлений начинается движение к полю последствий. Дхарма требует не только понимать смерть, но и встретиться с её конкретными лицами.