वैशंपायन उवाच
प्रवेशने तु पार्थानां जनस्य पुरवासिनः ॥
दिदृक्षूणां सहस्राणि समाजग्मुर् बहून्य् अथ ॥
स राजमार्गः शुशुभे समलंकृतचत्वरः ॥
यथा चन्द्रोदये राजन् वर्धमानो महोदधिः ॥
गृहाणि राजमार्गे तु रत्नवन्ति बृहन्ति च ॥
प्राकम्पन्तेव भारेण स्त्रीणां पूर्णानि भारत ॥
ताः शनैर् इव सव्रीडं प्रशशंसुर् युधिष्ठिरम् ॥
भीमसेनार्जुनौ चैव माद्रीपुत्रौ च पाण्डवौ ॥
धन्या त्वम् असि पाञ्चालि या त्वं पुरुषसत्तमान् ॥
उपतिष्ठसि कल्याणि महर्षीन् इव गौतमी ॥
तव कर्माण्य् अमोघानि व्रतचर्या च भामिनि ॥
इति कृष्णां महाराज प्रशशंसुस् तदा स्त्रियः ॥
प्रशंसावचनैस् तासां मिथःशब्दैश् च भारत ॥
प्रीतिजैश् च तदा शब्दैः पुरम् आसीत् समाकुलम् ॥
तम् अतीत्य यथायुक्तं राजमार्गं युधिष्ठिरः ॥
अलंकृतं शोभमानम् उपायाद् राजवेश्म ह ॥
ततः प्रकृतयः सर्वाः पौरजानपदास् तथा ॥
ऊचुः कथाः कर्णसुखाः समुपेत्य ततस् ततः ॥
दिष्ट्या जयसि राजेन्द्र शत्रूञ् शत्रुनिसूदन ॥
दिष्ट्या राज्यं पुनः प्राप्तं धर्मेण च बलेन च ॥
भव नस् त्वं महाराज राजेह शरदां शतम् ॥
प्रजाः पालय धर्मेण यथेन्द्रस् त्रिदिवं नृप ॥
एवं राजकुलद्वारि मङ्गलैर् अभिपूजितः ॥
आशीर्वादान् द्विजैर् उक्तान् प्रतिगृह्य समन्ततः ॥
vaiśaṃpāyana uvāca
praveśane tu pārthānāṃ janasya puravāsinaḥ ||
didṛkṣūṇāṃ sahasrāṇi samājagmur bahūny atha ||
sa rājamārgaḥ śuśubhe samalaṃkṛtacatvaraḥ ||
yathā candrodaye rājan vardhamāno mahodadhiḥ ||
gṛhāṇi rājamārge tu ratnavanti bṛhanti ca ||
prākampanteva bhāreṇa strīṇāṃ pūrṇāni bhārata ||
tāḥ śanair iva savrīḍaṃ praśaśaṃsur yudhiṣṭhiram ||
bhīmasenārjunau caiva mādrīputrau ca pāṇḍavau ||
dhanyā tvam asi pāñcāli yā tvaṃ puruṣasattamān ||
upatiṣṭhasi kalyāṇi maharṣīn iva gautamī ||
tava karmāṇy amoghāni vratacaryā ca bhāmini ||
iti kṛṣṇāṃ mahārāja praśaśaṃsus tadā striyaḥ ||
praśaṃsāvacanais tāsāṃ mithaḥśabdaiś ca bhārata ||
prītijaiś ca tadā śabdaiḥ puram āsīt samākulam ||
tam atītya yathāyuktaṃ rājamārgaṃ yudhiṣṭhiraḥ ||
alaṃkṛtaṃ śobhamānam upāyād rājaveśma ha ||
tataḥ prakṛtayaḥ sarvāḥ paurajānapadās tathā ||
ūcuḥ kathāḥ karṇasukhāḥ samupetya tatas tataḥ ||
diṣṭyā jayasi rājendra śatrūñ śatrunisūdana ||
diṣṭyā rājyaṃ punaḥ prāptaṃ dharmeṇa ca balena ca ||
bhava nas tvaṃ mahārāja rājeha śaradāṃ śatam ||
prajāḥ pālaya dharmeṇa yathendras tridivaṃ nṛpa ||
evaṃ rājakuladvāri maṅgalair abhipūjitaḥ ||
āśīrvādān dvijair uktān pratigṛhya samantataḥ ||
Вайшампаяна сказал: когда Партхи входили в город, многие тысячи жителей столицы, желавших их видеть, собрались там. Царская дорога с украшенными площадями сияла, о царь, как великий океан, растущий при восходе луны. Большие дома вдоль царской дороги, богатые драгоценностями и наполненные женщинами, казалось, дрожали под их тяжестью. Женщины тихо и застенчиво восхваляли Юдхиштхиру, Бхимасену, Арджуну и двух Пандавов, сыновей Мадри. Они говорили Драупади: «Счастлива ты, Панчали, благородная, что служишь лучшим из мужей, как Гаутами служила великим риши. Твои дела не напрасны, сияющая, и твоя жизнь в обетах плодотворна». От их слов похвалы, взаимных перекликов и радостных голосов город был полон шума. Пройдя как подобает украшенную и сияющую царскую дорогу, Юдхиштхира подошёл к царскому дворцу. Тогда все подданные, горожане и жители страны, собравшись со всех сторон, стали говорить приятные слуху слова: «К счастью, ты победил врагов, о царь царей, губитель врагов! К счастью, царство снова обретено дхармой и силой. Будь нашим царём здесь сто осеней, великий царь; защищай подданных дхармой, как Индра защищает небо». Так у ворот царского дома он был почтён благими обрядами и со всех сторон принял благословения, сказанные дваждырождёнными.
1b404d086ca3 · publicado 20 jun 2026, 16:55:19 UTC
Disponible enRUPasa de verso en verso con
Народная встреча показывает, что царство принимает Юдхиштхиру не только как победителя, но как правителя, от которого ждут защиты дхармой. Похвала Драупади подчёркивает, что её верность и обеты стали частью общего восстановления.