वैशंपायन उवाच
शरतल्पगते भीष्मे कौरवाणां धुरंधरे ॥
आजग्मुर् ऋषयः सिद्धा नारदप्रमुखा नृप ॥
हतशिष्टाश् च राजानो युधिष्ठिरपुरोगमाः ॥
धृतराष्ट्रश् च कृष्णश् च भीमार्जुनयमास् तथा ॥
ते ऽभिगम्य महात्मानो भरतानां पितामहम् ॥
अन्वशोचन्त गाङ्गेयम् आदित्यं पतितं यथा ॥
मुहूर्तम् इव च ध्यात्वा नारदो देवदर्शनः ॥
उवाच पाण्डवान् सर्वान् हतशिष्टांश् च पार्थिवान् ॥
प्राप्तकालं च आचक्षे भीष्मो ऽयम् अनुयुज्यताम् ॥
अस्तम् एति हि गाङ्गेयो भानुमान् इव भारत ॥
अयं प्राणान् उत्सिसृक्षुस् तं सर्वे ऽभ्येत्य पृच्छत ॥
कृत्स्नान् हि विविधान् धर्मांश् चातुर्वर्ण्यस्य वेत्त्य् अयम् ॥
एष वृद्धः पुरा लोकान् संप्राप्नोति तनुत्यजाम् ॥
तं शीघ्रम् अनुयुञ्जध्वं संशयान् मनसि स्थितान् ॥
एवम् उक्ता नारदेन भीष्मम् ईयुर् नराधिपाः ॥
प्रष्टुं चाशक्नुवन्तस् ते वीक्षां चक्रुः परस्परम् ॥
अथोवाच हृषीकेशं पाण्डुपुत्रो युधिष्ठिरः ॥
नान्यस् त्वद् देवकीपुत्र शक्तः प्रष्टुं पितामहम् ॥
प्रव्याहारय दुर्धर्ष त्वम् अग्रे मधुसूदन ॥
त्वं हि नस् तात सर्वेषां सर्वधर्मविद् उत्तमः ॥
एवम् उक्तः पाण्डवेन भगवान् केशवस् तदा ॥
अभिगम्य दुराधर्षं प्रव्याहारयद् अच्युतः ॥
vaiśaṃpāyana uvāca
śaratalpagate bhīṣme kauravāṇāṃ dhuraṃdhare ||
ājagmur ṛṣayaḥ siddhā nāradapramukhā nṛpa ||
hataśiṣṭāś ca rājāno yudhiṣṭhirapurogamāḥ ||
dhṛtarāṣṭraś ca kṛṣṇaś ca bhīmārjunayamās tathā ||
te 'bhigamya mahātmāno bharatānāṃ pitāmaham ||
anvaśocanta gāṅgeyam ādityaṃ patitaṃ yathā ||
muhūrtam iva ca dhyātvā nārado devadarśanaḥ ||
uvāca pāṇḍavān sarvān hataśiṣṭāṃś ca pārthivān ||
prāptakālaṃ ca ācakṣe bhīṣmo 'yam anuyujyatām ||
astam eti hi gāṅgeyo bhānumān iva bhārata ||
ayaṃ prāṇān utsisṛkṣus taṃ sarve 'bhyetya pṛcchata ||
kṛtsnān hi vividhān dharmāṃś cāturvarṇyasya vetty ayam ||
eṣa vṛddhaḥ purā lokān saṃprāpnoti tanutyajām ||
taṃ śīghram anuyuñjadhvaṃ saṃśayān manasi sthitān ||
evam uktā nāradena bhīṣmam īyur narādhipāḥ ||
praṣṭuṃ cāśaknuvantas te vīkṣāṃ cakruḥ parasparam ||
athovāca hṛṣīkeśaṃ pāṇḍuputro yudhiṣṭhiraḥ ||
nānyas tvad devakīputra śaktaḥ praṣṭuṃ pitāmaham ||
pravyāhāraya durdharṣa tvam agre madhusūdana ||
tvaṃ hi nas tāta sarveṣāṃ sarvadharmavid uttamaḥ ||
evam uktaḥ pāṇḍavena bhagavān keśavas tadā ||
abhigamya durādharṣaṃ pravyāhārayad acyutaḥ ||
Вайшампаяна сказал: к Бхишме, лежащему на ложе стрел, к опоре Кауравов, пришли совершенные риши во главе с Нарадой, о царь. Пришли и уцелевшие после гибели цари во главе с Юдхиштхирой, Дхритараштра, Кришна, Бхима, Арджуна и Близнецы. Эти великодушные приблизились к праотцу Бхаратов и скорбели о Гангейе, словно о павшем солнце. Немного помолчав в размышлении, Нарада, видящий богов, сказал всем Пандавам и уцелевшим царям: «Я объявляю, что время пришло: пусть этот Бхишма будет расспрошен. Ведь Гангейя заходит, как солнце, о Бхарата. Он готов испустить праны; подойдите все и спросите его. Он знает все разнообразные дхармы четырёх варн. Этот старец скоро достигнет миров тех, кто оставил тело; быстро расспросите его о сомнениях, стоящих в уме». Услышав Нараду, владыки людей подошли к Бхишме, но, не решаясь спросить, переглянулись. Тогда сын Панду Юдхиштхира сказал Хришикеше: «Сын Деваки, никто, кроме Тебя, не способен спросить праотца. Неприступный Мадхусудана, заговори первым; ведь Ты, дорогой, для всех нас лучший знаток всех дхарм». Услышав просьбу Пандавы, благословенный Ачьюта Кешава приблизился к неприступному Бхишме и заговорил.
ae690ef14ff2 · publicado 20 jun 2026, 17:41:38 UTC
Disponible enRUPasa de verso en verso con
Нарада напоминает, что знание надо просить вовремя: Бхишма подобен заходящему солнцу. Юдхиштхира же признаёт, что даже правильный вопрос требует чистого посредника, и потому просит Кришну начать.