युधिष्ठिर उवाच
स्वकर्मण्य् अपरे युक्तास् तथैवान्ये विकर्मणि ॥
तेषां विशेषम् आचक्ष्व ब्राह्मणानां पितामह ॥
भीष्म उवाच
विद्यालक्षणसंपन्नाः सर्वत्राम्नायदर्शिनः ॥
एते ब्रह्मसमा राजन् ब्राह्मणाः परिकीर्तिताः ॥
ऋत्विगाचार्यसंपन्नाः स्वेषु कर्मस्व् अवस्थिताः ॥
एते देवसमा राजन् ब्राह्मणानां भवन्त्य् उत ॥
ऋत्विक् पुरोहितो मन्त्री दूतो ऽथार्थानुशासकः ॥
एते क्षत्रसमा राजन् ब्राह्मणानां भवन्त्य् उत ॥
अश्वारोहा गजारोहा रथिनो ऽथ पदातयः ॥
एते वैश्यसमा राजन् ब्राह्मणानां भवन्त्य् उत ॥
जन्मकर्मविहीना ये कदर्या ब्रह्मबन्धवः ॥
एते शूद्रसमा राजन् ब्राह्मणानां भवन्त्य् उत ॥
अश्रोत्रियाः सर्व एव सर्वे चानाहिताग्नयः ॥
तान् सर्वान् धार्मिको राजा बलिं विष्टिं च कारयेत् ॥
आह्वायका देवलका नक्षत्रग्रामयाजकाः ॥
एते ब्राह्मणचण्डाला महापथिकपञ्चमाः ॥
एतेभ्यो बलिम् आदद्याद् धीनकोशो महीपतिः ॥
ऋते ब्रह्मसमेभ्यश् च देवकल्पेभ्य एव च ॥
अब्राह्मणानां वित्तस्य स्वामी राजेति वैदिकम् ॥
ब्राह्मणानां च ये के चिद् विकर्मस्था भवन्त्य् उत ॥
विकर्मस्थास् तु नोपेक्ष्या जातु राज्ञा कथं चन ॥
नियम्याः संविभज्याश् च धर्मानुग्रहकाम्यया ॥
यस्य स्म विषये राज्ञः स्तेनो भवति वै द्विजः ॥
राज्ञ एवापराधं तं मन्यन्ते तद्विदो जनाः ॥
अवृत्त्या यो भवेत् स्तेनो वेदवित् स्नातकस् तथा ॥
राजन् स राज्ञा भर्तव्य इति धर्मविदो विदुः ॥
स चेन् नो परिवर्तेत कृतवृत्तिः परंतप ॥
ततो निर्वासनीयः स्यात् तस्माद् देशात् सबान्धवः ॥
yudhiṣṭhira uvāca
svakarmaṇy apare yuktās tathaivānye vikarmaṇi ||
teṣāṃ viśeṣam ācakṣva brāhmaṇānāṃ pitāmaha ||
bhīṣma uvāca
vidyālakṣaṇasaṃpannāḥ sarvatrāmnāyadarśinaḥ ||
ete brahmasamā rājan brāhmaṇāḥ parikīrtitāḥ ||
ṛtvigācāryasaṃpannāḥ sveṣu karmasv avasthitāḥ ||
ete devasamā rājan brāhmaṇānāṃ bhavanty uta ||
ṛtvik purohito mantrī dūto 'thārthānuśāsakaḥ ||
ete kṣatrasamā rājan brāhmaṇānāṃ bhavanty uta ||
aśvārohā gajārohā rathino 'tha padātayaḥ ||
ete vaiśyasamā rājan brāhmaṇānāṃ bhavanty uta ||
janmakarmavihīnā ye kadaryā brahmabandhavaḥ ||
ete śūdrasamā rājan brāhmaṇānāṃ bhavanty uta ||
aśrotriyāḥ sarva eva sarve cānāhitāgnayaḥ ||
tān sarvān dhārmiko rājā baliṃ viṣṭiṃ ca kārayet ||
āhvāyakā devalakā nakṣatragrāmayājakāḥ ||
ete brāhmaṇacaṇḍālā mahāpathikapañcamāḥ ||
etebhyo balim ādadyād dhīnakośo mahīpatiḥ ||
ṛte brahmasamebhyaś ca devakalpebhya eva ca ||
abrāhmaṇānāṃ vittasya svāmī rājeti vaidikam ||
brāhmaṇānāṃ ca ye ke cid vikarmasthā bhavanty uta ||
vikarmasthās tu nopekṣyā jātu rājñā kathaṃ cana ||
niyamyāḥ saṃvibhajyāś ca dharmānugrahakāmyayā ||
yasya sma viṣaye rājñaḥ steno bhavati vai dvijaḥ ||
rājña evāparādhaṃ taṃ manyante tadvido janāḥ ||
avṛttyā yo bhavet steno vedavit snātakas tathā ||
rājan sa rājñā bhartavya iti dharmavido viduḥ ||
sa cen no parivarteta kṛtavṛttiḥ paraṃtapa ||
tato nirvāsanīyaḥ syāt tasmād deśāt sabāndhavaḥ ||
Юдхиштхира сказал: «Одни брахманы заняты своим делом, а другие — чуждым делом. Праотец, объясни различие между ними». Бхишма сказал: «Царь, брахманы, наделённые признаками знания и всюду видящие ведийское предание, названы равными Брахману. Те, кто наделён качествами ритвиджа и ачарьи и стоит в своих обязанностях, среди брахманов равны богам. Ритвидж, пурохита, советник, посол и наставник в делах среди брахманов равны кшатриям. Всадники на конях и слонах, колесничие и пехотинцы среди брахманов равны вайшьям. Те, кто лишён достойного рождения и дела, скупые брахма-бандху, среди брахманов равны шудрам. Все не-шротрии и все не установившие священный огонь должны по воле праведного царя платить подать и исполнять повинность. Вызыватели, храмовые служители, звёздные и деревенские жрецы — эти брахманы-чандалы, вместе с великими путниками как пятыми. Если казна истощена, владыка земли может брать подать с них, но не с равных Брахману и подобных богам. Ведийское предписание говорит, что царь — хозяин имущества небрахманов, а также тех брахманов, которые стоят в чуждом деле. Но стоящих в чуждом деле царь ни в коем случае не должен оставлять без внимания: ради поддержки дхармы их следует упорядочить и обеспечить. Если в области царя дваждырождённый становится вором, знающие люди считают это виной самого царя. Знатоки дхармы знают: если знаток Веды и снатака становится вором из-за отсутствия средств, царь должен поддержать его. Но если он не исправится после того, как ему устроено содержание, тогда, Парантапа, его следует изгнать из той страны вместе с родичами».
f36edee9727f · publicado 20 jun 2026, 18:51:43 UTC
Disponible enRUPasa de verso en verso con
Бхишма проводит различие не по одному рождению, а по знанию, поведению и занятию. Даже падшего брахмана царь должен сначала вернуть к средствам жизни и порядку; наказание следует после того, как поддержка не привела к исправлению.