युधिष्ठिर उवाच
यद् अप्य् अल्पतरं कर्म तद् अप्य् एकेन दुष्करम् ॥
पुरुषेणासहायेन किम् उ राज्यं पितामह ॥
किंशीलः किंसमाचारो राज्ञो ऽर्थसचिवो भवेत् ॥
कीदृशे विश्वसेद् राजा कीदृशे नापि विश्वसेत् ॥
भीष्म उवाच
चतुर्विधानि मित्राणि राज्ञां राजन् भवन्त्य् उत ॥
सहार्थो भजमानश् च सहजः कृत्रिमस् तथा ॥
धर्मात्मा पञ्चमं मित्रं स तु नैकस्य न द्वयोः ॥
यतो धर्मस् ततो वा स्यान् मध्यस्थो वा ततो भवेत् ॥
यस् तस्यार्थो न रोचेत न तं तस्य प्रकाशयेत् ॥
धर्माधर्मेण राजानश् चरन्ति विजिगीषवः ॥
चतुर्णां मध्यमौ श्रेष्ठौ नित्यं शङ्क्यौ तथापरौ ॥
सर्वे नित्यं शङ्कितव्याः प्रत्यक्षं कार्यम् आत्मनः ॥
न हि राज्ञा प्रमादो वै कर्तव्यो मित्ररक्षणे ॥
प्रमादिनं हि राजानं लोकाः परिभवन्त्य् उत ॥
असाधुः साधुताम् एति साधुर् भवति दारुणः ॥
अरिश् च मित्रं भवति मित्रं चापि प्रदुष्यति ॥
अनित्यचित्तः पुरुषस् तस्मिन् को जातु विश्वसेत् ॥
तस्मात् प्रधानं यत् कार्यं प्रत्यक्षं तत् समाचरेत् ॥
एकान्तेन हि विश्वासः कृत्स्नो धर्मार्थनाशकः ॥
अविश्वासश् च सर्वत्र मृत्युना न विशिष्यते ॥
अकालमृत्युर् विश्वासो विश्वसन् हि विपद्यते ॥
यस्मिन् करोति विश्वासम् इच्छतस् तस्य जीवति ॥
तस्माद् विश्वसितव्यं च शङ्कितव्यं च केषु चित् ॥
एषा नीतिगतिस् तात लक्ष्मीश् चैव सनातनी ॥
yudhiṣṭhira uvāca
yad apy alpataraṃ karma tad apy ekena duṣkaram ||
puruṣeṇāsahāyena kim u rājyaṃ pitāmaha ||
kiṃśīlaḥ kiṃsamācāro rājño 'rthasacivo bhavet ||
kīdṛśe viśvased rājā kīdṛśe nāpi viśvaset ||
bhīṣma uvāca
caturvidhāni mitrāṇi rājñāṃ rājan bhavanty uta ||
sahārtho bhajamānaś ca sahajaḥ kṛtrimas tathā ||
dharmātmā pañcamaṃ mitraṃ sa tu naikasya na dvayoḥ ||
yato dharmas tato vā syān madhyastho vā tato bhavet ||
yas tasyārtho na roceta na taṃ tasya prakāśayet ||
dharmādharmeṇa rājānaś caranti vijigīṣavaḥ ||
caturṇāṃ madhyamau śreṣṭhau nityaṃ śaṅkyau tathāparau ||
sarve nityaṃ śaṅkitavyāḥ pratyakṣaṃ kāryam ātmanaḥ ||
na hi rājñā pramādo vai kartavyo mitrarakṣaṇe ||
pramādinaṃ hi rājānaṃ lokāḥ paribhavanty uta ||
asādhuḥ sādhutām eti sādhur bhavati dāruṇaḥ ||
ariś ca mitraṃ bhavati mitraṃ cāpi praduṣyati ||
anityacittaḥ puruṣas tasmin ko jātu viśvaset ||
tasmāt pradhānaṃ yat kāryaṃ pratyakṣaṃ tat samācaret ||
ekāntena hi viśvāsaḥ kṛtsno dharmārthanāśakaḥ ||
aviśvāsaś ca sarvatra mṛtyunā na viśiṣyate ||
akālamṛtyur viśvāso viśvasan hi vipadyate ||
yasmin karoti viśvāsam icchatas tasya jīvati ||
tasmād viśvasitavyaṃ ca śaṅkitavyaṃ ca keṣu cit ||
eṣā nītigatis tāta lakṣmīś caiva sanātanī ||
Юдхиштхира сказал: «Даже самое малое дело трудно сделать одному человеку без помощника; что уж говорить о царстве, праотец? Каким должен быть нрав и поведение царского советника по делам? Какому человеку царь должен доверять, а какому не должен?» Бхишма сказал: «Царь, у царей бывают четыре вида друзей: связанный общей целью, присоединяющийся, врождённый и созданный. Пятый друг — дхармичный человек; он не принадлежит одному или двум: где дхарма, там он и будет, или же станет нейтральным. Если цель царя ему не понравится, её не следует ему раскрывать, ведь цари, желая победы, действуют и дхармой, и адхармой. Из четырёх видов средние двое лучшие, а остальные два всегда подозрительны. Впрочем, всех нужно постоянно проверять, а собственное важное дело держать перед глазами. Царь не должен быть небрежным в охране друзей: небрежного царя люди презирают. Дурной может стать добрым, добрый — жестоким; враг может стать другом, а друг испортиться. Кто когда-либо полностью доверится человеку с непостоянным умом? Поэтому главное дело нужно делать лично и под собственным наблюдением. Полное доверие целиком разрушает дхарму и пользу; но и всеобщее недоверие не отличается от смерти. Доверие — преждевременная смерть, ведь доверяющий попадает в беду и живёт по желанию того, кому доверился. Поэтому некоторым следует доверять, а некоторых подозревать: таков путь политики, сын, и такова вечная Лакшми».
78fce30be695 · publicado 20 jun 2026, 19:06:00 UTC
Disponible enRUPasa de verso en verso con
Бхишма не учит паранойе, но требует трезвости. Царь не может ни слепо доверять всем, ни разрушить управление тотальным недоверием; политика держится на проверенном доверии и личном надзоре за главным.