भीष्म उवाच
यान् अङ्गिराः क्षत्रधर्मान् उतथ्यो ब्रह्मवित्तमः ॥
मान्धात्रे यौवनाश्वाय प्रीतिमान् अभ्यभाषत ॥
स यथानुशशासैनम् उतथ्यो ब्रह्मवित्तमः ॥
तत् ते सर्वं प्रवक्ष्यामि निखिलेन युधिष्ठिर ॥
उतथ्य उवाच
धर्माय राजा भवति न कामकरणाय तु ॥
मान्धातर् एवं जानीहि राजा लोकस्य रक्षिता ॥
राजा चरति वै धर्मं देवत्वायैव गच्छति ॥
न चेद् धर्मं स चरति नरकायैव गच्छति ॥
धर्मे तिष्ठन्ति भूतानि धर्मो राजनि तिष्ठति ॥
तं राजा साधु यः शास्ति स राजा पृथिवीपतिः ॥
राजा परमधर्मात्मा लक्ष्मीवान् पाप उच्यते ॥
देवाश् च गर्हां गच्छन्ति धर्मो नास्तीति चोच्यते ॥
अधर्मे वर्तमानानाम् अर्थसिद्धिः प्रदृश्यते ॥
तद् एव मङ्गलं सर्वं लोकः समनुवर्तते ॥
उच्छिद्यते धर्मवृत्तम् अधर्मो वर्तते महान् ॥
भयम् आहुर् दिवारात्रं यदा पापो न वार्यते ॥
bhīṣma uvāca
yān aṅgirāḥ kṣatradharmān utathyo brahmavittamaḥ ||
māndhātre yauvanāśvāya prītimān abhyabhāṣata ||
sa yathānuśaśāsainam utathyo brahmavittamaḥ ||
tat te sarvaṃ pravakṣyāmi nikhilena yudhiṣṭhira ||
utathya uvāca
dharmāya rājā bhavati na kāmakaraṇāya tu ||
māndhātar evaṃ jānīhi rājā lokasya rakṣitā ||
rājā carati vai dharmaṃ devatvāyaiva gacchati ||
na ced dharmaṃ sa carati narakāyaiva gacchati ||
dharme tiṣṭhanti bhūtāni dharmo rājani tiṣṭhati ||
taṃ rājā sādhu yaḥ śāsti sa rājā pṛthivīpatiḥ ||
rājā paramadharmātmā lakṣmīvān pāpa ucyate ||
devāś ca garhāṃ gacchanti dharmo nāstīti cocyate ||
adharme vartamānānām arthasiddhiḥ pradṛśyate ||
tad eva maṅgalaṃ sarvaṃ lokaḥ samanuvartate ||
ucchidyate dharmavṛttam adharmo vartate mahān ||
bhayam āhur divārātraṃ yadā pāpo na vāryate ||
Бхишма сказал: «Я полностью расскажу тебе, Юдхиштхира, те кшатрийские дхармы, которые Ангирас Утатхья, лучший знаток Брахмана, с любовью изложил Мандхатару, сыну Юванашвы, и как он наставил его». Утатхья сказал: «Мандхатар, знай: царь существует ради дхармы, а не ради исполнения прихоти; царь — защитник мира. Если царь следует дхарме, он идёт к божественности; если не следует дхарме, он идёт к аду. Существа держатся на дхарме, а дхарма держится в царе. Тот, кто правильно управляет ею, — царь и владыка земли. Если царь, имея Лакшми, становится грешным, его называют порочным; даже боги подвергаются порицанию, и люди говорят: “Дхармы нет”. Когда у пребывающих в адхарме виден успех, мир следует за этим как за благом. Тогда образ жизни дхармы искореняется, великая адхарма действует, и говорят, что страх наступает днём и ночью, когда грешный не сдерживается».
5826b2e11550 · publicado 20 jun 2026, 19:42:47 UTC
Disponible enRUPasa de verso en verso con
Утатхья ставит основание царской власти предельно прямо: царь существует не для себя, а для дхармы. Если правитель не останавливает зло, успех злых становится общественной нормой, и страх заменяет порядок.