प्रवृत्तिं च निवृत्तिं च भूतानां यो न बुध्यते ॥
तस्य स्तम्भो भवेद् बाल्यान् नास्ति स्तम्भो ऽनुपश्यतः ॥
स्वभावात् संप्रवर्तन्ते निवर्तन्ते तथैव च ॥
सर्वे भावास् तथाभावाः पुरुषार्थो न विद्यते ॥
पुरुषार्थस्य चाभावे नास्ति कश् चित् स्वकारकः ॥
स्वयं तु कुर्वतस् तस्य जातु मानो भवेद् इह ॥
यस् तु कर्तारम् आत्मानं मन्यते साध्वसाधुनोः ॥
तस्य दोषवती प्रज्ञा स्वमूर्त्यज्ञेति मे मतिः ॥
यदि स्यात् पुरुषः कर्ता शक्रात्मश्रेयसे ध्रुवम् ॥
आरम्भास् तस्य सिध्येरन् न च जातु पराभवेत् ॥
अनिष्टस्य हि निर्वृत्तिर् अनिवृत्तिः प्रियस्य च ॥
लक्ष्यते यतमानानां पुरुषार्थस् ततः कुतः ॥
अनिष्टस्याभिनिर्वृत्तिम् इष्टसंवृत्तिम् एव च ॥
अप्रयत्नेन पश्यामः केषां चित् तत् स्वभावतः ॥
प्रतिरूपधराः के चिद् दृश्यन्ते बुद्धिसत्तमाः ॥
विरूपेभ्यो ऽल्पबुद्धिभ्यो लिप्समाना धनागमम् ॥
स्वभावप्रेरिताः सर्वे निविशन्ते गुणा यदा ॥
शुभाशुभास् तदा तत्र तस्य किं मानकारणम् ॥
स्वभावाद् एव तत् सर्वम् इति मे निश्चिता मतिः ॥
आत्मप्रतिष्ठिता प्रज्ञा मम नास्ति ततो ऽन्यथा ॥
pravṛttiṃ ca nivṛttiṃ ca bhūtānāṃ yo na budhyate ||
tasya stambho bhaved bālyān nāsti stambho 'nupaśyataḥ ||
svabhāvāt saṃpravartante nivartante tathaiva ca ||
sarve bhāvās tathābhāvāḥ puruṣārtho na vidyate ||
puruṣārthasya cābhāve nāsti kaś cit svakārakaḥ ||
svayaṃ tu kurvatas tasya jātu māno bhaved iha ||
yas tu kartāram ātmānaṃ manyate sādhvasādhunoḥ ||
tasya doṣavatī prajñā svamūrtyajñeti me matiḥ ||
yadi syāt puruṣaḥ kartā śakrātmaśreyase dhruvam ||
ārambhās tasya sidhyeran na ca jātu parābhavet ||
aniṣṭasya hi nirvṛttir anivṛttiḥ priyasya ca ||
lakṣyate yatamānānāṃ puruṣārthas tataḥ kutaḥ ||
aniṣṭasyābhinirvṛttim iṣṭasaṃvṛttim eva ca ||
aprayatnena paśyāmaḥ keṣāṃ cit tat svabhāvataḥ ||
pratirūpadharāḥ ke cid dṛśyante buddhisattamāḥ ||
virūpebhyo 'lpabuddhibhyo lipsamānā dhanāgamam ||
svabhāvapreritāḥ sarve niviśante guṇā yadā ||
śubhāśubhās tadā tatra tasya kiṃ mānakāraṇam ||
svabhāvād eva tat sarvam iti me niścitā matiḥ ||
ātmapratiṣṭhitā prajñā mama nāsti tato 'nyathā ||
Прахлада сказал: «Кто не понимает деятельности и прекращения существ, у того от незрелости возникает гордость; у видящего её нет. По природе все состояния и их прекращения возникают и прекращаются; человеческое самовластное делание здесь не обнаруживается. А когда человек считает себя собственным делателем, у него появляется самомнение. Кто считает себя деятелем доброго и недоброго, у того мудрость порочна: по моему мнению, он не знает собственной природы. Если бы человек действительно был делателем, о Шакра, его начинания ради собственного блага непременно исполнялись бы, и он никогда не терпел бы поражения. Но у старающихся мы видим возникновение нежеланного и невозникновение желанного; откуда же тогда полное самовластие? Мы видим, что у одних без усилия возникает нежеланное или желанное по природе. Некоторые, хотя и выглядят умнейшими и принимают подходящий облик, ищут богатства у уродливых и маломыслящих. Когда все, побуждаемые природой, входят в благие и неблагие гуны, какая причина гордиться? Всё это происходит именно от природы: таково моё твёрдое мнение, и моя мудрость, установленная в себе, не считает иначе».
7dd9c4d16e62 · publicado 21 jun 2026, 1:27:51 UTC
Disponible enRUPasa de verso en verso con
Прахлада разрушает аханкару делателя не для оправдания бездействия, а чтобы убрать гордость и отчаяние. Тот, кто видит действие гун и природы, не приписывает себе абсолютную власть над плодом.