सर्वाणि भूतानि सुखे रमन्ते; सर्वाणि दुःखस्य भृशं त्रसन्ति ॥
तेषां भयोत्पादनजातखेदः; कुर्यान् न कर्माणि हि श्रद्दधानः ॥
दानं हि भूताभयदक्षिणायाः; सर्वाणि दानान्य् अधितिष्ठतीह ॥
तीक्ष्णां तनुं यः प्रथमं जहाति; सो ऽनन्तम् आप्नोत्य् अभयं प्रजाभ्यः ॥
उत्तान आस्येन हविर् जुहोति; लोकस्य नाभिर् जगतः प्रतिष्ठा ॥
तस्याङ्गम् अङ्गानि कृताकृतं च; वैश्वानरः सर्वम् एव प्रपेदे ॥
प्रादेशमात्रे हृदि निश्रितं यत्; तस्मिन् प्राणान् आत्मयाजी जुहोति ॥
तस्याग्निहोत्रं हुतम् आत्मसंस्थं; सर्वेषु लोकेषु सदैवतेषु ॥
दैवं त्रिधातुं त्रिवृतं सुपर्णं; ये विद्युर् अग्र्यं परमार्थतां च ॥
ते सर्वलोकेषु महीयमाना; देवाः समर्थाः सुकृतं व्रजन्ति ॥
वेदांश् च वेद्यं च विधिं च कृत्स्नम्; अथो निरुक्तं परमार्थतां च ॥
सर्वं शरीरात्मनि यः प्रवेद; तस्मै स्म देवाः स्पृहयन्ति नित्यम् ॥
sarvāṇi bhūtāni sukhe ramante; sarvāṇi duḥkhasya bhṛśaṃ trasanti ||
teṣāṃ bhayotpādanajātakhedaḥ; kuryān na karmāṇi hi śraddadhānaḥ ||
dānaṃ hi bhūtābhayadakṣiṇāyāḥ; sarvāṇi dānāny adhitiṣṭhatīha ||
tīkṣṇāṃ tanuṃ yaḥ prathamaṃ jahāti; so 'nantam āpnoty abhayaṃ prajābhyaḥ ||
uttāna āsyena havir juhoti; lokasya nābhir jagataḥ pratiṣṭhā ||
tasyāṅgam aṅgāni kṛtākṛtaṃ ca; vaiśvānaraḥ sarvam eva prapede ||
prādeśamātre hṛdi niśritaṃ yat; tasmin prāṇān ātmayājī juhoti ||
tasyāgnihotraṃ hutam ātmasaṃsthaṃ; sarveṣu lokeṣu sadaivateṣu ||
daivaṃ tridhātuṃ trivṛtaṃ suparṇaṃ; ye vidyur agryaṃ paramārthatāṃ ca ||
te sarvalokeṣu mahīyamānā; devāḥ samarthāḥ sukṛtaṃ vrajanti ||
vedāṃś ca vedyaṃ ca vidhiṃ ca kṛtsnam; atho niruktaṃ paramārthatāṃ ca ||
sarvaṃ śarīrātmani yaḥ praveda; tasmai sma devāḥ spṛhayanti nityam ||
«Все существа радуются счастью и сильно трепещут перед страданием. Поэтому верующий, огорчённый тем, что у них возникает страх, не должен совершать действий, порождающих этот страх. Дар бесстрашия существам превосходит здесь все дары. Кто первым оставляет острое, жестокое тело поведения, тот достигает бесконечного бесстрашия для существ. Тот, кто открытым ртом возливает хавис, связан с пупом мира и опорой вселенной: Вайшванара вошёл во все его члены, в сделанное и несделанное. Но тот, кто как жертвующий атману приносит праны в то, что пребывает в сердце размером с пядь, имеет агнихотру, совершённую внутри атмана, во всех мирах вместе с божествами. Те, кто знают божественное, трёхсоставное, троякое, прекраснокрылое, высшее и его парамартху, становятся почитаемыми во всех мирах и идут к благому плоду как способные боги. А кто полностью знает Веды, познаваемое, весь обряд, нирукту и высшую истину как всё пребывающее в телесном атмане, к тому боги стремятся всегда».
f141301bc780 · publicado 21 jun 2026, 5:17:28 UTC
Disponible enRUPasa de verso en verso con
Внешняя жертва переносится внутрь сердца. Высшая дакшина — не вещь, а бесстрашие живых существ; агнихотра становится подношением праны в атмане.