युक्तस्य तु महाराज लक्षणान्य् उपधारयेत् ॥
लक्षणं तु प्रसादस्य यथा तृप्तः सुखं स्वपेत् ॥
निवाते तु यथा दीपो ज्वलेत् स्नेहसमन्वितः ॥
निश्चलोर्ध्वशिखस् तद्वद् युक्तम् आहुर् मनीषिणः ॥
पाषाण इव मेघोत्थैर् यथा बिन्दुभिर् आहतः ॥
नालं चालयितुं शक्यस् तथा युक्तस्य लक्षणम् ॥
शङ्खदुन्दुभिनिर्घोषैर् विविधैर् गीतवादितैः ॥
क्रियमाणैर् न कम्पेत युक्तस्यैतन् निदर्शनम् ॥
तैलपात्रं यथा पूर्णं कराभ्यां गृह्य पूरुषः ॥
सोपानम् आरुहेद् भीतस् तर्ज्यमानो ऽसिपाणिभिः ॥
संयतात्मा भयात् तेषां न पात्राद् बिन्दुम् उत्सृजेत् ॥
तथैवोत्तरमाणस्य एकाग्रमनसस् तथा ॥
स्थिरत्वाद् इन्द्रियाणां तु निश्चलत्वात् तथैव च ॥
एवं युक्तस्य तु मुनेर् लक्षणान्य् उपधारयेत् ॥
yuktasya tu mahārāja lakṣaṇāny upadhārayet ||
lakṣaṇaṃ tu prasādasya yathā tṛptaḥ sukhaṃ svapet ||
nivāte tu yathā dīpo jvalet snehasamanvitaḥ ||
niścalordhvaśikhas tadvad yuktam āhur manīṣiṇaḥ ||
pāṣāṇa iva meghotthair yathā bindubhir āhataḥ ||
nālaṃ cālayituṃ śakyas tathā yuktasya lakṣaṇam ||
śaṅkhadundubhinirghoṣair vividhair gītavāditaiḥ ||
kriyamāṇair na kampeta yuktasyaitan nidarśanam ||
tailapātraṃ yathā pūrṇaṃ karābhyāṃ gṛhya pūruṣaḥ ||
sopānam āruhed bhītas tarjyamāno 'sipāṇibhiḥ ||
saṃyatātmā bhayāt teṣāṃ na pātrād bindum utsṛjet ||
tathaivottaramāṇasya ekāgramanasas tathā ||
sthiratvād indriyāṇāṃ tu niścalatvāt tathaiva ca ||
evaṃ yuktasya tu muner lakṣaṇāny upadhārayet ||
«Теперь усвой признаки соединённого йогина, о великий царь. Признак ясности таков: он подобен удовлетворённому человеку, который спокойно спит. Как светильник, снабжённый маслом, горит в безветрии с неподвижным верхним пламенем, так мудрые называют собранного йогина. Как камень, ударяемый дождевыми каплями, невозможно сдвинуть, таков признак йогина. Если его не колеблют звуки раковин и барабанов, разные песни и инструменты, это указание на собранность. Как человек, взяв двумя руками полный сосуд масла, в страхе поднимается по лестнице, когда ему угрожают люди с мечами, и, сдержав себя, не проливает из сосуда ни капли, так же и у того, кто восходит с однонаправленным умом, из-за устойчивости чувств и неподвижности следует распознавать признаки соединённого муни».
41db3e6b2898 · publicado 21 jun 2026, 4:36:55 UTC
Disponible enRUPasa de verso en verso con
Признаки йоги описаны образами устойчивости: сон удовлетворённого, пламя без ветра, камень под дождём и сосуд масла среди угроз. Сосредоточенность проверяется не словами, а тем, остаётся ли сознание неподвижным среди давления чувств.