तं चारुवेषाः सुश्रोण्यस् तरुण्यः प्रियदर्शनाः ॥
सूक्ष्मरक्ताम्बरधरास् तप्तकाञ्चनभूषणाः ॥
संलापोल्लापकुशला नृत्तगीतविशारदाः ॥
स्मितपूर्वाभिभाषिण्यो रूपेणाप्सरसां समाः ॥
कामोपचारकुशला भावज्ञाः सर्वकोविदाः ॥
परं पञ्चाशतो नार्यो वारमुख्याः समाद्रवन् ॥
पाद्यादीनि प्रतिग्राह्य पूजया परयार्च्य च ॥
देशकालोपपन्नेन साध्वन्नेनाप्य् अतर्पयन् ॥
तस्य भुक्तवतस् तात तद् अन्तःपुरकाननम् ॥
सुरम्यं दर्शयाम् आसुर् एकैकश्येन भारत ॥
क्रीडन्त्यश् च हसन्त्यश् च गायन्त्यश् चैव ताः शुकम् ॥
उदारसत्त्वं सत्त्वज्ञाः सर्वाः पर्यचरंस् तदा ॥
आरणेयस् तु शुद्धात्मा त्रिसंदेहस् त्रिकर्मकृत् ॥
वश्येन्द्रियो जितक्रोधो न हृष्यति न कुप्यति ॥
तस्मै शय्यासनं दिव्यं वरार्हं रत्नभूषितम् ॥
स्पर्ध्यास्तरणसंस्तीर्णं ददुस् ताः परमस्त्रियः ॥
पादशौचं तु कृत्वैव शुकः संध्याम् उपास्य च ॥
निषसादासने पुण्ये तम् एवार्थं विचिन्तयन् ॥
पूर्वरात्रे तु तत्रासौ भूत्वा ध्यानपरायणः ॥
मध्यरात्रे यथान्यायं निद्राम् आहारयत् प्रभुः ॥
ततो मुहूर्ताद् उत्थाय कृत्वा शौचम् अनन्तरम् ॥
स्त्रीभिः परिवृतो धीमान् ध्यानम् एवान्वपद्यत ॥
अनेन विधिना कार्ष्णिस् तद् अहःशेषम् अच्युतः ॥
तां च रात्रिं नृपकुले वर्तयाम् आस भारत ॥
taṃ cāruveṣāḥ suśroṇyas taruṇyaḥ priyadarśanāḥ ||
sūkṣmaraktāmbaradharās taptakāñcanabhūṣaṇāḥ ||
saṃlāpollāpakuśalā nṛttagītaviśāradāḥ ||
smitapūrvābhibhāṣiṇyo rūpeṇāpsarasāṃ samāḥ ||
kāmopacārakuśalā bhāvajñāḥ sarvakovidāḥ ||
paraṃ pañcāśato nāryo vāramukhyāḥ samādravan ||
pādyādīni pratigrāhya pūjayā parayārcya ca ||
deśakālopapannena sādhvannenāpy atarpayan ||
tasya bhuktavatas tāta tad antaḥpurakānanam ||
suramyaṃ darśayām āsur ekaikaśyena bhārata ||
krīḍantyaś ca hasantyaś ca gāyantyaś caiva tāḥ śukam ||
udārasattvaṃ sattvajñāḥ sarvāḥ paryacaraṃs tadā ||
āraṇeyas tu śuddhātmā trisaṃdehas trikarmakṛt ||
vaśyendriyo jitakrodho na hṛṣyati na kupyati ||
tasmai śayyāsanaṃ divyaṃ varārhaṃ ratnabhūṣitam ||
spardhyāstaraṇasaṃstīrṇaṃ dadus tāḥ paramastriyaḥ ||
pādaśaucaṃ tu kṛtvaiva śukaḥ saṃdhyām upāsya ca ||
niṣasādāsane puṇye tam evārthaṃ vicintayan ||
pūrvarātre tu tatrāsau bhūtvā dhyānaparāyaṇaḥ ||
madhyarātre yathānyāyaṃ nidrām āhārayat prabhuḥ ||
tato muhūrtād utthāya kṛtvā śaucam anantaram ||
strībhiḥ parivṛto dhīmān dhyānam evānvapadyata ||
anena vidhinā kārṣṇis tad ahaḥśeṣam acyutaḥ ||
tāṃ ca rātriṃ nṛpakule vartayām āsa bhārata ||
К нему поспешили более пятидесяти главных куртизанок: молодые, приятно выглядящие, красиво одетые, с прекрасными бёдрами, в тонких красных одеждах, украшенные золотом, искусные в беседе, шутке, танце и пении, говорящие с улыбкой, равные красотой апсарам, умелые в любовном обхождении, знающие чувства и сведущие во всём. Они приняли от него падью и прочие знаки почитания, почтили его высшим служением и насытили хорошей пищей, соответствующей месту и времени. Когда он поел, они одна за другой показали ему прекрасный сад внутренних покоев. Играя, смеясь и поя, все они тогда служили Шуке, благородному духом. Но сын арани, чистый душой, с подчинёнными чувствами и побеждённым гневом, не радовался и не гневался. Те превосходные женщины дали ему божественное ложе и сиденье, достойные избранного, украшенные драгоценностями и застланные великолепным покрывалом. Шука, омыв ноги и совершив сандхью, сел на чистое сиденье, размышляя всё о том же смысле. В первую часть ночи он был предан медитации; в полночь, как положено, принял сон. Затем, вскоре встав, совершил очищение и, окружённый женщинами, снова предался медитации. Так неколебимый Каршни провёл остаток того дня и ту ночь в царском доме, о Бхарата».
d8467a6ce417 · publicado 21 jun 2026, 6:25:47 UTC
Disponible enRUPasa de verso en verso con
Последнее испытание главы — красота, забота и чувственная атмосфера дворца. Шука не отталкивает мир с гневом, но и не увлекается им; его свобода спокойна, естественна и дисциплинирована.