भीष्म उवाच
स मोक्षम् अनुचिन्त्यैव शुकः पितरम् अभ्यगात् ॥
प्राहाभिवाद्य च गुरुं श्रेयोर्थी विनयान्वितः ॥
मोक्षधर्मेषु कुशलो भगवान् प्रब्रवीतु मे ॥
यथा मे मनसः शान्तिः परमा संभवेत् प्रभो ॥
श्रुत्वा पुत्रस्य वचनं परमर्षिर् उवाच तम् ॥
अधीष्व पुत्र मोक्षं वै धर्मांश् च विविधान् अपि ॥
पितुर् नियोगाज् जग्राह शुको ब्रह्मविदां वरः ॥
योगशास्त्रं च निखिलं कापिलं चैव भारत ॥
स तं ब्राह्म्या श्रिया युक्तं ब्रह्मतुल्यपराक्रमम् ॥
मेने पुत्रं यदा व्यासो मोक्षविद्याविशारदम् ॥
उवाच गच्छेति तदा जनकं मिथिलेश्वरम् ॥
स ते वक्ष्यति मोक्षार्थं निखिलेन विशेषतः ॥
पितुर् नियोगाद् अगमन् मैथिलं जनकं नृपम् ॥
प्रष्टुं धर्मस्य निष्ठां वै मोक्षस्य च परायणम् ॥
उक्तश् च मानुषेण त्वं पथा गच्छेत्य् अविस्मितः ॥
न प्रभावेण गन्तव्यम् अन्तरिक्षचरेण वै ॥
आर्जवेणैव गन्तव्यं न सुखान्वेषिणा पथा ॥
नान्वेष्टव्या विशेषास् तु विशेषा हि प्रसङ्गिनः ॥
अहंकारो न कर्तव्यो याज्ये तस्मिन् नराधिपे ॥
स्थातव्यं च वशे तस्य स ते छेत्स्यति संशयम् ॥
स धर्मकुशलो राजा मोक्षशास्त्रविशारदः ॥
याज्यो मम स यद् ब्रूयात् तत् कार्यम् अविशङ्कया ॥
bhīṣma uvāca
sa mokṣam anucintyaiva śukaḥ pitaram abhyagāt ||
prāhābhivādya ca guruṃ śreyorthī vinayānvitaḥ ||
mokṣadharmeṣu kuśalo bhagavān prabravītu me ||
yathā me manasaḥ śāntiḥ paramā saṃbhavet prabho ||
śrutvā putrasya vacanaṃ paramarṣir uvāca tam ||
adhīṣva putra mokṣaṃ vai dharmāṃś ca vividhān api ||
pitur niyogāj jagrāha śuko brahmavidāṃ varaḥ ||
yogaśāstraṃ ca nikhilaṃ kāpilaṃ caiva bhārata ||
sa taṃ brāhmyā śriyā yuktaṃ brahmatulyaparākramam ||
mene putraṃ yadā vyāso mokṣavidyāviśāradam ||
uvāca gaccheti tadā janakaṃ mithileśvaram ||
sa te vakṣyati mokṣārthaṃ nikhilena viśeṣataḥ ||
pitur niyogād agaman maithilaṃ janakaṃ nṛpam ||
praṣṭuṃ dharmasya niṣṭhāṃ vai mokṣasya ca parāyaṇam ||
uktaś ca mānuṣeṇa tvaṃ pathā gacchety avismitaḥ ||
na prabhāveṇa gantavyam antarikṣacareṇa vai ||
ārjaveṇaiva gantavyaṃ na sukhānveṣiṇā pathā ||
nānveṣṭavyā viśeṣās tu viśeṣā hi prasaṅginaḥ ||
ahaṃkāro na kartavyo yājye tasmin narādhipe ||
sthātavyaṃ ca vaśe tasya sa te chetsyati saṃśayam ||
sa dharmakuśalo rājā mokṣaśāstraviśāradaḥ ||
yājyo mama sa yad brūyāt tat kāryam aviśaṅkayā ||
Бхишма сказал: «Шука, размышляя только о мокше, пришёл к отцу и, поклонившись гуру, смиренно сказал как ищущий высшего блага: “Пусть благословенный, искусный в мокша-дхармах, объяснит мне, как может возникнуть высший покой моего ума, о владыка”. Услышав слова сына, высший риши сказал ему: “Изучай, сын, мокшу и разные дхармы”. По повелению отца Шука, лучший из знающих Брахман, принял всё учение йоги и учение Капилы. Когда Вьяса увидел, что его сын наделён брахмическим сиянием, мощью, равной Брахману, и искусен в знании мокши, он сказал: “Иди к Джанаке, владыке Митхилы. Он полностью и подробно объяснит тебе смысл мокши”. По повелению отца Шука отправился к майтхильскому царю Джанаке, чтобы спросить о завершении дхармы и высшей опоре мокши. Ему было сказано: “Иди человеческим путём, без гордости. Не следует идти силой, двигаясь по небу. Следует идти прямым путём, а не путём поиска удобства. Не ищи особых отличий: особенности ведут к привязанности. Не проявляй гордыни перед тем царём, моим жертвователем; будь в его власти. Он рассечёт твоё сомнение. Этот царь искусен в дхарме и сведущ в шастре мокши; что он скажет, то исполни без сомнения”».
8fc048dbeca0 · publicado 21 jun 2026, 6:25:47 UTC
Disponible enRUPasa de verso en verso con
Вьяса специально посылает Шуку не небесным путём, а человеческим. Для знания мокши мало силы йоги: нужно смирение, простота и готовность учиться даже у царя-домохозяина.