शुक उवाच
उत्पन्ने ज्ञानविज्ञाने प्रत्यक्षे हृदि शाश्वते ॥
किम् अवश्यं निवस्तव्यम् आश्रमेषु वनेषु च ॥
एतद् भवन्तं पृच्छामि तद् भवान् वक्तुम् अर्हति ॥
यथावेदार्थतत्त्वेन ब्रूहि मे त्वं जनाधिप ॥
जनक उवाच
न विना ज्ञानविज्ञानं मोक्षस्याधिगमो भवेत् ॥
न विना गुरुसंबन्धं ज्ञानस्याधिगमः स्मृतः ॥
आचार्यः प्लाविता तस्य ज्ञानं प्लव इहोच्यते ॥
विज्ञाय कृतकृत्यस् तु तीर्णस् तद् उभयं त्यजेत् ॥
अनुच्छेदाय लोकानाम् अनुच्छेदाय कर्मणाम् ॥
पूर्वैर् आचरितो धर्मश् चातुराश्रम्यसंकथः ॥
अनेन क्रमयोगेन बहुजातिषु कर्मणा ॥
कृत्वा शुभाशुभं कर्म मोक्षो नामेह लभ्यते ॥
भवितैः कारणैश् चायं बहुसंसारयोनिषु ॥
आसादयति शुद्धात्मा मोक्षं वै प्रथमाश्रमे ॥
तम् आसाद्य तु मुक्तस्य दृष्टार्थस्य विपश्चितः ॥
त्रिष्व् आश्रमेषु को न्व् अर्थो भवेत् परम् अभीप्सतः ॥
राजसांस् तामसांश् चैव नित्यं दोषान् विवर्जयेत् ॥
सात्त्विकं मार्गम् आस्थाय पश्येद् आत्मानम् आत्मना ॥
सर्वभूतेषु चात्मानं सर्वभूतानि चात्मनि ॥
संपश्यन् नोपलिप्येत जले वारिचरो यथा ॥
पक्षीव प्लवनाद् ऊर्ध्वम् अमुत्रानन्त्यम् अश्नुते ॥
विहाय देहं निर्मुक्तो निर्द्वंद्वः प्रशमं गतः ॥
śuka uvāca
utpanne jñānavijñāne pratyakṣe hṛdi śāśvate ||
kim avaśyaṃ nivastavyam āśrameṣu vaneṣu ca ||
etad bhavantaṃ pṛcchāmi tad bhavān vaktum arhati ||
yathāvedārthatattvena brūhi me tvaṃ janādhipa ||
janaka uvāca
na vinā jñānavijñānaṃ mokṣasyādhigamo bhavet ||
na vinā gurusaṃbandhaṃ jñānasyādhigamaḥ smṛtaḥ ||
ācāryaḥ plāvitā tasya jñānaṃ plava ihocyate ||
vijñāya kṛtakṛtyas tu tīrṇas tad ubhayaṃ tyajet ||
anucchedāya lokānām anucchedāya karmaṇām ||
pūrvair ācarito dharmaś cāturāśramyasaṃkathaḥ ||
anena kramayogena bahujātiṣu karmaṇā ||
kṛtvā śubhāśubhaṃ karma mokṣo nāmeha labhyate ||
bhavitaiḥ kāraṇaiś cāyaṃ bahusaṃsārayoniṣu ||
āsādayati śuddhātmā mokṣaṃ vai prathamāśrame ||
tam āsādya tu muktasya dṛṣṭārthasya vipaścitaḥ ||
triṣv āśrameṣu ko nv artho bhavet param abhīpsataḥ ||
rājasāṃs tāmasāṃś caiva nityaṃ doṣān vivarjayet ||
sāttvikaṃ mārgam āsthāya paśyed ātmānam ātmanā ||
sarvabhūteṣu cātmānaṃ sarvabhūtāni cātmani ||
saṃpaśyan nopalipyeta jale vāricaro yathā ||
pakṣīva plavanād ūrdhvam amutrānantyam aśnute ||
vihāya dehaṃ nirmukto nirdvaṃdvaḥ praśamaṃ gataḥ ||
Шука сказал: «Когда знание и различение возникли непосредственно в вечном сердце, зачем непременно жить в ашрамах и лесах? Это я спрашиваю у тебя; ты должен ответить. Согласно истине смысла Веды объясни мне, о владыка людей». Джанака сказал: «Без знания и различения не бывает достижения освобождения, а без связи с гуру, как считается, не бывает достижения знания. Учитель — тот, кто переправляет, а знание здесь называется лодкой. Когда человек понял, исполнил дело и переправился, пусть оставит и то и другое. Ради сохранения миров и непрерывности действий предки практиковали дхарму, называемую порядком четырёх ашрамов. Через эту последовательность, через действия во многих рождениях, совершив благую и неблагую карму, здесь обретается то, что зовётся мокшей. Благодаря созревшим причинам чистый душой может достичь освобождения даже в первом ашраме. Но если освобождённый мудрец уже увидел цель и стремится к высшему, какой смысл для него в остальных трёх ашрамах? Пусть он постоянно оставляет раджасические и тамасические пороки, вступает на саттвический путь и атманом видит атмана. Созерцая атмана во всех существах и все существа в атмане, он не оскверняется, как водное существо водой. Как птица, поднявшаяся над плаванием, он после оставления тела достигает бесконечности, свободный, лишённый двойственности и пришедший к покою».
01aad92cd3e1 · publicado 21 jun 2026, 7:09:06 UTC
Disponible enRUPasa de verso en verso con
Джанака не отменяет ашрамы, но ставит их на место: они сохраняют порядок и ведут к зрелости. Когда цель достигнута через знание и гуру, средство больше не удерживает освобождённого.