अत्र गाथाः पुरा गीताः शृणु राज्ञा ययातिना ॥
धार्यन्ते या द्विजैस् तात मोक्षशास्त्रविशारदैः ॥
ज्योतिर् आत्मनि नान्यत्र रतं तत्रैव चैव तत् ॥
स्वयं च शक्यं तद् द्रष्टुं सुसमाहितचेतसा ॥
न बिभेति परो यस्मान् न बिभेति पराच् च यः ॥
यश् च नेच्छति न द्वेष्टि ब्रह्म संपद्यते तदा ॥
यदा भावं न कुरुते सर्वभूतेषु पापकम् ॥
कर्मणा मनसा वाचा ब्रह्म संपद्यते तदा ॥
संयोज्य तपसात्मानम् ईर्ष्याम् उत्सृज्य मोहिनीम् ॥
त्यक्त्वा कामं च लोभं च ततो ब्रह्मत्वम् अश्नुते ॥
यदा श्रव्ये च दृश्ये च सर्वभूतेषु चाप्ययम् ॥
समो भवति निर्द्वंद्वो ब्रह्म संपद्यते तदा ॥
यदा स्तुतिं च निन्दां च समत्वेनैव पश्यति ॥
काञ्चनं चायसं चैव सुखदुःखे तथैव च ॥
शीतम् उष्णं तथैवार्थम् अनर्थं प्रियम् अप्रियम् ॥
जीवितं मरणं चैव ब्रह्म संपद्यते तदा ॥
प्रसार्येह यथाङ्गानि कूर्मः संहरते पुनः ॥
तथेन्द्रियाणि मनसा संयन्तव्यानि भिक्षुणा ॥
तमःपरिगतं वेश्म यथा दीपेन दृश्यते ॥
तथा बुद्धिप्रदीपेन शक्य आत्मा निरीक्षितुम् ॥
atra gāthāḥ purā gītāḥ śṛṇu rājñā yayātinā ||
dhāryante yā dvijais tāta mokṣaśāstraviśāradaiḥ ||
jyotir ātmani nānyatra rataṃ tatraiva caiva tat ||
svayaṃ ca śakyaṃ tad draṣṭuṃ susamāhitacetasā ||
na bibheti paro yasmān na bibheti parāc ca yaḥ ||
yaś ca necchati na dveṣṭi brahma saṃpadyate tadā ||
yadā bhāvaṃ na kurute sarvabhūteṣu pāpakam ||
karmaṇā manasā vācā brahma saṃpadyate tadā ||
saṃyojya tapasātmānam īrṣyām utsṛjya mohinīm ||
tyaktvā kāmaṃ ca lobhaṃ ca tato brahmatvam aśnute ||
yadā śravye ca dṛśye ca sarvabhūteṣu cāpyayam ||
samo bhavati nirdvaṃdvo brahma saṃpadyate tadā ||
yadā stutiṃ ca nindāṃ ca samatvenaiva paśyati ||
kāñcanaṃ cāyasaṃ caiva sukhaduḥkhe tathaiva ca ||
śītam uṣṇaṃ tathaivārtham anarthaṃ priyam apriyam ||
jīvitaṃ maraṇaṃ caiva brahma saṃpadyate tadā ||
prasāryeha yathāṅgāni kūrmaḥ saṃharate punaḥ ||
tathendriyāṇi manasā saṃyantavyāni bhikṣuṇā ||
tamaḥparigataṃ veśma yathā dīpena dṛśyate ||
tathā buddhipradīpena śakya ātmā nirīkṣitum ||
«Теперь слушай древние гатхи, спетые царём Яяти, которые хранят брахманы, искусные в шастре освобождения, дорогой. Свет находится в атмане, а не где-либо ещё; он пребывает именно там, и его можно увидеть самому очень сосредоточенным сознанием. От кого другой не боится и кто сам не боится другого, кто не желает и не ненавидит, тот тогда достигает Брахмана. Когда человек действием, умом и речью не создаёт злого намерения ко всем существам, тогда он достигает Брахмана. Соединив себя тапасом, оставив ослепляющую зависть, желание и жадность, он затем достигает состояния Брахмана. Когда он становится равным к слышимому и видимому, а также ко всем существам, свободный от двойственности, тогда достигает Брахмана. Когда он одинаково смотрит на хвалу и порицание, золото и железо, счастье и горе, холод и жар, пользу и вред, приятное и неприятное, жизнь и смерть, тогда достигает Брахмана. Как черепаха, распростерев члены, снова втягивает их, так монах должен сдерживать чувства умом. Как дом, охваченный тьмой, становится видимым от лампы, так атмана можно созерцать светильником буддхи».
f49ebc09c956 · publicado 21 jun 2026, 7:09:06 UTC
Disponible enRUPasa de verso en verso con
Гатхи Яяти описывают не бегство от мира, а равное, безвредное и собранное сознание. Брахман видится светильником очищенного разума внутри самого атмана.