राजोपरिचरो नाम बभूवाधिपतिर् भुवः ॥
आखण्डलसखः ख्यातो भक्तो नारायणं हरिम् ॥
धार्मिको नित्यभक्तश् च पितॄन् नित्यम् अतन्द्रितः ॥
साम्राज्यं तेन संप्राप्तं नारायणवरात् पुरा ॥
सात्वतं विधिम् आस्थाय प्राक् सूर्यमुखनिःसृतम् ॥
पूजयाम् आस देवेशं तच्छेषेण पितामहान् ॥
पितृशेषेण विप्रांश् च संविभज्याश्रितांश् च सः ॥
शेषान्नभुक् सत्यपरः सर्वभूतेष्व् अहिंसकः ॥
सर्वभावेन भक्तः स देवदेवं जनार्दनम् ॥
तस्य नारायणे भक्तिं वहतो ऽमित्रकर्शन ॥
एकशय्यासनं शक्रो दत्तवान् देवराट् स्वयम् ॥
आत्मा राज्यं धनं चैव कलत्रं वाहनानि च ॥
एतद् भगवते सर्वम् इति तत् प्रेक्षितं सदा ॥
काम्यनैमित्तिकाजस्रं यज्ञियाः परमक्रियाः ॥
सर्वाः सात्वतम् आस्थाय विधिं चक्रे समाहितः ॥
पञ्चरात्रविदो मुख्यास् तस्य गेहे महात्मनः ॥
प्रायणं भगवत्प्रोक्तं भुञ्जते चाग्रभोजनम् ॥
तस्य प्रशासतो राज्यं धर्मेणामित्रघातिनः ॥
नानृता वाक् समभवन् मनो दुष्टं न चाभवत् ॥
न च कायेन कृतवान् स पापं परम् अण्व् अपि ॥
rājoparicaro nāma babhūvādhipatir bhuvaḥ ||
ākhaṇḍalasakhaḥ khyāto bhakto nārāyaṇaṃ harim ||
dhārmiko nityabhaktaś ca pitṝn nityam atandritaḥ ||
sāmrājyaṃ tena saṃprāptaṃ nārāyaṇavarāt purā ||
sātvataṃ vidhim āsthāya prāk sūryamukhaniḥsṛtam ||
pūjayām āsa deveśaṃ taccheṣeṇa pitāmahān ||
pitṛśeṣeṇa viprāṃś ca saṃvibhajyāśritāṃś ca saḥ ||
śeṣānnabhuk satyaparaḥ sarvabhūteṣv ahiṃsakaḥ ||
sarvabhāvena bhaktaḥ sa devadevaṃ janārdanam ||
tasya nārāyaṇe bhaktiṃ vahato 'mitrakarśana ||
ekaśayyāsanaṃ śakro dattavān devarāṭ svayam ||
ātmā rājyaṃ dhanaṃ caiva kalatraṃ vāhanāni ca ||
etad bhagavate sarvam iti tat prekṣitaṃ sadā ||
kāmyanaimittikājasraṃ yajñiyāḥ paramakriyāḥ ||
sarvāḥ sātvatam āsthāya vidhiṃ cakre samāhitaḥ ||
pañcarātravido mukhyās tasya gehe mahātmanaḥ ||
prāyaṇaṃ bhagavatproktaṃ bhuñjate cāgrabhojanam ||
tasya praśāsato rājyaṃ dharmeṇāmitraghātinaḥ ||
nānṛtā vāk samabhavan mano duṣṭaṃ na cābhavat ||
na ca kāyena kṛtavān sa pāpaṃ param aṇv api ||
«Был царь по имени Упаричара, владыка земли, известный как друг Индры и преданный Нараяне Хари. Он был праведен, постоянно предан, неутомимо почитал предков, и древле по дару Нараяны получил самодержавное царство. Приняв сатвата-видхи, прежде вышедший из уст Солнца, он почитал Господа богов; остатком его пищи — предков, остатком предков — брахманов и иждивенцев, а сам ел остатки. Он был предан истине, ненасильственен ко всем существам и всем своим существом предан Богу богов Джанардане. Из-за его преданности Нараяне, о сокрушитель врагов, сам царь богов Шакра дал ему общее ложе и сиденье. Себя, царство, богатство, жену и средства передвижения он всегда видел как принадлежащие Бхагавану. Все желательные, случайные и высшие жертвенные действия он сосредоточенно совершал, приняв сатвата-метод. В доме этого махатмы главные знатоки Панчаратры вкушали первую пищу и знали путь, поведанный Бхагаваном. Когда этот сокрушитель врагов правил царством по дхарме, не было у него лживой речи, ум не был дурным, и телом он не совершал даже мельчайшего греха».
7647234e762f · publicado 21 jun 2026, 7:17:33 UTC
Disponible enRUPasa de verso en verso con
Упаричара Васу представлен как царь-бхакта: власть, имущество и ритуал он видит собственностью Господа. Поэтому его царствование становится продолжением поклонения.