जनमेजय उवाच
कथं स भगवान् देवो यज्ञेष्व् अग्रहरः प्रभुः ॥
यज्ञधारी च सततं वेदवेदाङ्गवित् तथा ॥
निवृत्तं चास्थितो धर्मं क्षेमी भागवतप्रियः ॥
प्रवृत्तिधर्मान् विदधे स एव भगवान् प्रभुः ॥
कथं प्रवृत्तिधर्मेषु भागार्हा देवताः कृताः ॥
कथं निवृत्तिधर्माश् च कृता व्यावृत्तबुद्धयः ॥
एतं नः संशयं विप्र छिन्धि गुह्यं सनातनम् ॥
त्वया नारायणकथा श्रुता वै धर्मसंहिता ॥
इमे सब्रह्मका लोकाः ससुरासुरमानवाः ॥
क्रियास्व् अभ्युदयोक्तासु सक्ता दृश्यन्ति सर्वशः ॥
मोक्षश् चोक्तस् त्वया ब्रह्मन् निर्वाणं परमं सुखम् ॥
ये च मुक्ता भवन्तीह पुण्यपापविवर्जिताः ॥
ते सहस्रार्चिषं देवं प्रविशन्तीति शुश्रुमः ॥
अहो हि दुरनुष्ठेयो मोक्षधर्मः सनातनः ॥
यं हित्वा देवताः सर्वा हव्यकव्यभुजो ऽभवन् ॥
किं नु ब्रह्मा च रुद्रश् च शक्रश् च बलभित् प्रभुः ॥
सूर्यस् ताराधिपो वायुर् अग्निर् वरुण एव च ॥
आकाशं जगती चैव ये च शेषा दिवौकसः ॥
प्रलयं न विजानन्ति आत्मनः परिनिर्मितम् ॥
ततस् ते नास्थिता मार्गं ध्रुवम् अक्षयम् अव्ययम् ॥
स्मृत्वा कालपरीमाणं प्रवृत्तिं ये समास्थिताः ॥
दोषः कालपरीमाणे महान् एष क्रियावताम् ॥
एतन् मे संशयं विप्र हृदि शल्यम् इवार्पितम् ॥
छिन्धीतिहासकथनात् परं कौतूहलं हि मे ॥
कथं भागहराः प्रोक्ता देवताः क्रतुषु द्विज ॥
किमर्थं चाध्वरे ब्रह्मन्न् इज्यन्ते त्रिदिवौकसः ॥
ये च भागं प्रगृह्णन्ति यज्ञेषु द्विजसत्तम ॥
ते यजन्तो महायज्ञैः कस्य भागं ददन्ति वै ॥
janamejaya uvāca
kathaṃ sa bhagavān devo yajñeṣv agraharaḥ prabhuḥ ||
yajñadhārī ca satataṃ vedavedāṅgavit tathā ||
nivṛttaṃ cāsthito dharmaṃ kṣemī bhāgavatapriyaḥ ||
pravṛttidharmān vidadhe sa eva bhagavān prabhuḥ ||
kathaṃ pravṛttidharmeṣu bhāgārhā devatāḥ kṛtāḥ ||
kathaṃ nivṛttidharmāś ca kṛtā vyāvṛttabuddhayaḥ ||
etaṃ naḥ saṃśayaṃ vipra chindhi guhyaṃ sanātanam ||
tvayā nārāyaṇakathā śrutā vai dharmasaṃhitā ||
ime sabrahmakā lokāḥ sasurāsuramānavāḥ ||
kriyāsv abhyudayoktāsu saktā dṛśyanti sarvaśaḥ ||
mokṣaś coktas tvayā brahman nirvāṇaṃ paramaṃ sukham ||
ye ca muktā bhavantīha puṇyapāpavivarjitāḥ ||
te sahasrārciṣaṃ devaṃ praviśantīti śuśrumaḥ ||
aho hi duranuṣṭheyo mokṣadharmaḥ sanātanaḥ ||
yaṃ hitvā devatāḥ sarvā havyakavyabhujo 'bhavan ||
kiṃ nu brahmā ca rudraś ca śakraś ca balabhit prabhuḥ ||
sūryas tārādhipo vāyur agnir varuṇa eva ca ||
ākāśaṃ jagatī caiva ye ca śeṣā divaukasaḥ ||
pralayaṃ na vijānanti ātmanaḥ parinirmitam ||
tatas te nāsthitā mārgaṃ dhruvam akṣayam avyayam ||
smṛtvā kālaparīmāṇaṃ pravṛttiṃ ye samāsthitāḥ ||
doṣaḥ kālaparīmāṇe mahān eṣa kriyāvatām ||
etan me saṃśayaṃ vipra hṛdi śalyam ivārpitam ||
chindhītihāsakathanāt paraṃ kautūhalaṃ hi me ||
kathaṃ bhāgaharāḥ proktā devatāḥ kratuṣu dvija ||
kimarthaṃ cādhvare brahmann ijyante tridivaukasaḥ ||
ye ca bhāgaṃ pragṛhṇanti yajñeṣu dvijasattama ||
te yajanto mahāyajñaiḥ kasya bhāgaṃ dadanti vai ||
Джанамеджая сказал: «Как тот Бхагаван, Владыка, берущий первую долю в жертвах, постоянно поддерживающий жертву и знающий Веды с ведангами, Сам стоит в дхарме нивритти, дорог бхагаватам, и всё же установил правритти-дхармы? Как в правритти-дхармах божества были сделаны достойными доли, и как были установлены дхармы нивритти для тех, чей разум отвернулся от мира? Рассеки это наше тайное вечное сомнение, брахман, ведь ты слышал рассказ о Нараяне, соединённый с дхармой. Эти миры вместе с Брахмой, богами, асурами и людьми видны повсюду привязанными к действиям, названным ведущими к процветанию. Но ты также сказал, что мокша, нирвана, есть высшее счастье, и мы слышали, что освобождённые, лишённые заслуги и греха, входят в тысячелучистого Бога. О, вечная мокша-дхарма трудна для исполнения: оставив её, все божества стали вкушающими хавью и кавью. Разве Брахма, Рудра, Шакра, Солнце, Луна, Ваю, Агни, Варуна, пространство, земля и прочие небожители не знают пралаи, созданной Самим Атманом? Почему же они не встали на твёрдый, неистощимый и непреходящий путь, а, помня меру времени, утвердились в правритти? Для действующих в обрядах этот изъян времени велик. Моё сомнение сидит в сердце как шип: расскажи древнюю историю и рассей его. Как божества названы берущими доли в жертвоприношениях? Ради чего они почитаются в адхваре? И если они сами принимают доли в жертвах, то кому они отдают долю, совершая великие жертвы?»
d897c22afb24 · publicado 21 jun 2026, 9:36:11 UTC
Disponible enRUPasa de verso en verso con
Джанамеджая формулирует центральный вопрос Нараянии: если освобождение выше плодов действия, почему сам Господь учреждает мир жертвенных долей. Ответ должен показать, что правритти и нивритти не конкурируют с Нараяной, а получают смысл от Него.