प्राप्ते प्रजाविसर्गे वै सप्तमे पद्मसंभवे ॥
नारायणो महायोगी शुभाशुभविवर्जितः ॥
ससृजे नाभितः पुत्रं ब्रह्माणम् अमितप्रभम् ॥
ततः स प्रादुरभवद् अथैनं वाक्यम् अब्रवीत् ॥
मम त्वं नाभितो जातः प्रजासर्गकरः प्रभुः ॥
सृज प्रजास् त्वं विविधा ब्रह्मन् सजडपण्डिताः ॥
स एवम् उक्तो विमुखश् चिन्ताव्याकुलमानसः ॥
प्रणम्य वरदं देवम् उवाच हरिम् ईश्वरम् ॥
का शक्तिर् मम देवेश प्रजाः स्रष्टुं नमो ऽस्तु ते ॥
अप्रज्ञावान् अहं देव विधत्स्व यद् अनन्तरम् ॥
स एवम् उक्तो भगवान् भूत्वाथान्तर्हितस् ततः ॥
चिन्तयाम् आस देवेशो बुद्धिं बुद्धिमतां वरः ॥
स्वरूपिणी ततो बुद्धिर् उपतस्थे हरिं प्रभुम् ॥
योगेन चैनां निर्योगः स्वयं नियुयुजे तदा ॥
स ताम् ऐश्वर्ययोगस्थां बुद्धिं शक्तिमतीं सतीम् ॥
उवाच वचनं देवो बुद्धिं वै प्रभुर् अव्ययः ॥
ब्रह्माणं प्रविशस्वेति लोकसृष्ट्यर्थसिद्धये ॥
ततस् तम् ईश्वरादिष्टा बुद्धिः क्षिप्रं विवेश सा ॥
अथैनं बुद्धिसंयुक्तं पुनः स ददृशे हरिः ॥
भूयश् चैनं वचः प्राह सृजेमा विविधाः प्रजाः ॥
एवम् उक्त्वा स भगवांस् तत्रैवान्तरधीयत ॥
प्राप चैव मुहूर्तेन स्वस्थानं देवसंज्ञितम् ॥
तां चैव प्रकृतिं प्राप्य एकीभावगतो ऽभवत् ॥
अथास्य बुद्धिर् अभवत् पुनर् अन्या तदा किल ॥
prāpte prajāvisarge vai saptame padmasaṃbhave ||
nārāyaṇo mahāyogī śubhāśubhavivarjitaḥ ||
sasṛje nābhitaḥ putraṃ brahmāṇam amitaprabham ||
tataḥ sa prādurabhavad athainaṃ vākyam abravīt ||
mama tvaṃ nābhito jātaḥ prajāsargakaraḥ prabhuḥ ||
sṛja prajās tvaṃ vividhā brahman sajaḍapaṇḍitāḥ ||
sa evam ukto vimukhaś cintāvyākulamānasaḥ ||
praṇamya varadaṃ devam uvāca harim īśvaram ||
kā śaktir mama deveśa prajāḥ sraṣṭuṃ namo 'stu te ||
aprajñāvān ahaṃ deva vidhatsva yad anantaram ||
sa evam ukto bhagavān bhūtvāthāntarhitas tataḥ ||
cintayām āsa deveśo buddhiṃ buddhimatāṃ varaḥ ||
svarūpiṇī tato buddhir upatasthe hariṃ prabhum ||
yogena caināṃ niryogaḥ svayaṃ niyuyuje tadā ||
sa tām aiśvaryayogasthāṃ buddhiṃ śaktimatīṃ satīm ||
uvāca vacanaṃ devo buddhiṃ vai prabhur avyayaḥ ||
brahmāṇaṃ praviśasveti lokasṛṣṭyarthasiddhaye ||
tatas tam īśvarādiṣṭā buddhiḥ kṣipraṃ viveśa sā ||
athainaṃ buddhisaṃyuktaṃ punaḥ sa dadṛśe hariḥ ||
bhūyaś cainaṃ vacaḥ prāha sṛjemā vividhāḥ prajāḥ ||
evam uktvā sa bhagavāṃs tatraivāntaradhīyata ||
prāpa caiva muhūrtena svasthānaṃ devasaṃjñitam ||
tāṃ caiva prakṛtiṃ prāpya ekībhāvagato 'bhavat ||
athāsya buddhir abhavat punar anyā tadā kila ||
Вьяса продолжал: «Когда в седьмом, лотосорождённом Брахме наступило творение существ, Нараяна, великий йог, свободный от благого и неблагого, создал из Своего пупа сына - Брахму безмерного сияния. Когда тот проявился, Нараяна сказал ему: «Ты рождён из Моего пупа и будешь владыкой, творящим существа. Создай, Брахман, различные порождения - и неразумных, и мудрых». Услышав это, Брахма смутился, его ум был охвачен тревогой. Поклонившись дарующему блага Хари, он сказал Владыке: «Бог богов, какая у меня сила творить существ? Поклон Тебе. Я лишён понимания; укажи, что должно быть дальше». Тогда Бхагаван, лучший из мудрых и Господь богов, исчезнув, стал размышлять о буддхи. Буддхи в собственном образе предстала перед Хари, и независимый Господь Сам через йогу направил её. Непреходящий Владыка сказал этой истинной, могучей буддхи, стоящей в йоге владычества: «Войди в Брахму, чтобы осуществилось творение миров». Повелённая Ишварой, она быстро вошла в Брахму. Затем Хари увидел его соединённым с буддхи и снова сказал: «Создай эти различные существа». Сказав так, Бхагаван исчез на том же месте и в мгновение вернулся в Свою божественную обитель. Достигнув той пракрити, Он вошёл в единство с ней; после этого у Него возникла новая мысль».
b9488542184b · publicado 21 jun 2026, 8:24:33 UTC
Disponible enRUPasa de verso en verso con
Брахма творит не автономно: способность творения входит в него по воле Нараяны как буддхи. Так глава подчёркивает зависимость космического разума от Верховного Господа.