सिंह उवाच
अथ भूमिपतेस्तस्य भावजिज्ञासया तु सा । विवेश निर्भयस्वान्ता सशष्पां हिमवद्गुहाम्
पश्यता हिमवत्सानुशोभामथ महीभृता । अलक्षितागमः सिंहो बलाज्जग्राह नन्दिनीम्
सा चक्रन्द भृशं धेनुर्दुःखितेव दयास्वना । चित्ते धनुर्भृतस्तस्य जनयन्ती दयोदयम्
तदाक्रन्दितमाकर्ण्य तस्याः स जगतीपतिः । हिमवत्सानुसंलग्नां निजदृष्टिं न्यवर्तयत्
उपर्युपरि तां धेनुं स्रवदश्रुमुखीं नृपः । तीक्ष्णदंष्ट्रनखं सिंहं दृष्ट्वा स व्यथितोऽभवत्
गृहीतां तेन सिंहेन तामालक्ष्य धनुर्धरः । निषङ्गाद्बाणमुद्धर्तुं प्राहिणोद्दक्षिणं भुजम्
बाणमुद्धृत्य तूणीरान्निहन्तुं तं मृगाधिपम् । गुणेनापूर्णमायोज्य चकर्ष वसुधाधिपः
जडीभूतसमस्ताङ्गस्तत्सिंहालोकनेन सः । नाशकद्बाणमुत्स्रष्टुं राजासौ विस्मितस्ततः
तादृशं नृपमालक्ष्य जगाद स मृगाधिपः । नरवाचा भृशं भूयो विस्मयं प्रापयन्निदम्
दिलीपं त्वामहं राजञ्जानामि रविवंशजम् । त्वं च जानीहि मां शम्भोर्गणं कुम्भोदराभिधम्
atha bhūmipatestasya bhāvajijñāsayā tu sā | viveśa nirbhayasvāntā saśaṣpāṃ himavadguhām
paśyatā himavatsānuśobhāmatha mahībhṛtā | alakṣitāgamaḥ siṃho balājjagrāha nandinīm
sā cakranda bhṛśaṃ dhenurduḥkhiteva dayāsvanā | citte dhanurbhṛtastasya janayantī dayodayam
tadākranditamākarṇya tasyāḥ sa jagatīpatiḥ | himavatsānusaṃlagnāṃ nijadṛṣṭiṃ nyavartayat
uparyupari tāṃ dhenuṃ sravadaśrumukhīṃ nṛpaḥ | tīkṣṇadaṃṣṭranakhaṃ siṃhaṃ dṛṣṭvā sa vyathito'bhavat
gṛhītāṃ tena siṃhena tāmālakṣya dhanurdharaḥ | niṣaṅgādbāṇamuddhartuṃ prāhiṇoddakṣiṇaṃ bhujam
bāṇamuddhṛtya tūṇīrānnihantuṃ taṃ mṛgādhipam | guṇenāpūrṇamāyojya cakarṣa vasudhādhipaḥ
jaḍībhūtasamastāṅgastatsiṃhālokanena saḥ | nāśakadbāṇamutsraṣṭuṃ rājāsau vismitastataḥ
tādṛśaṃ nṛpamālakṣya jagāda sa mṛgādhipaḥ | naravācā bhṛśaṃ bhūyo vismayaṃ prāpayannidam
dilīpaṃ tvāmahaṃ rājañjānāmi ravivaṃśajam | tvaṃ ca jānīhi māṃ śambhorgaṇaṃ kumbhodarābhidham
Затем, желая испытать намерение того царя, она с бесстрашным сердцем вошла в поросшую травой пещеру Химавата. И пока царь глядел на красоту склонов Химавата, лев, чей приход остался незамеченным, силою схватил Нандини. Корова громко закричала жалобным голосом, точно страдающая, рождая в сердце держащего лук всход сострадания. Услышав этот её крик, владыка земли отвёл свой взгляд, прикованный к склонам Химавата, и, увидев сверху ту корову с лицом, залитым слезами, и льва с острыми клыками и когтями, был потрясён. Заметив её схваченной тем львом, держащий лук протянул правую руку, чтобы извлечь стрелу из колчана; извлёкши стрелу и наложив её до отказа на тетиву, владыка земли натянул лук, чтобы убить владыку зверей. Но всё тело его оцепенело от взгляда того льва, и тот царь не смог выпустить стрелу и изумился. Увидев царя таким, владыка зверей сказал ему человеческой речью, доводя его изумление до предела: «Тебя, о царь, я знаю как Дилипу, рождённого в роду Солнца; знай же и ты меня — я спутник Шамбху по имени Кумбходара.
9223ba690993 · publicado 3 sept 2026, 4:14:04 UTC
Disponible enRUPasa de verso en verso con
Испытание устроено не мудрецом и не богами, а самой коровой: она входит в пещеру нарочно. Оцепенение царя тут не позор — оружие отнято, чтобы стало видно, чем он готов заплатить без оружия.