ते गत्वा पर्वतं राम कैलासं धातुमण्डितम् । अग्निं नियोजयाम् आसुः पुत्रार्थं सर्वदेवताः ॥
देवकार्यम् इदं देव समाधत्स्व हुताशन । शैलपुत्र्यां महातेजो गङ्गायां तेज उत्सृज ॥
देवतानां प्रतिज्ञाय गङ्गाम् अभ्येत्य पावकः । गर्भं धारय वै देवि देवतानाम् इदं प्रियम् ॥
इत्य् एतद् वचनं श्रुत्वा दिव्यं रूपम् अधारयत् । स तस्या महिमां दृष्ट्वा समन्ताद् अवकीर्यत ॥
समन्ततस् तदा देवीम् अभ्यषिञ्चत पावकः । सर्वस्रोतांसि पूर्णानि गङ्गाया रघुनन्दन ॥
तम् उवाच ततो गङ्गा सर्वदेवपुरोहितम् । अशक्ता धारणे देव तव तेजः समुद्धतम् । दह्यमानाग्निना तेन संप्रव्यथितचेतना ॥
अथाब्रवीद् इदं गङ्गां सर्वदेवहुताशनः । इह हैमवते पादे गर्भो ऽयं संनिवेश्यताम् ॥
श्रुत्वा त्व् अग्निवचो गङ्गा तं गर्भम् अतिभास्वरम् । उत्ससर्ज महातेजाः स्रोतोभ्यो हि तदानघ ॥
te gatvā parvataṃ rāma kailāsaṃ dhātumaṇḍitam | agniṃ niyojayām āsuḥ putrārthaṃ sarvadevatāḥ ||
devakāryam idaṃ deva samādhatsva hutāśana | śailaputryāṃ mahātejo gaṅgāyāṃ teja utsṛja ||
devatānāṃ pratijñāya gaṅgām abhyetya pāvakaḥ | garbhaṃ dhāraya vai devi devatānām idaṃ priyam ||
ity etad vacanaṃ śrutvā divyaṃ rūpam adhārayat | sa tasyā mahimāṃ dṛṣṭvā samantād avakīryata ||
samantatas tadā devīm abhyaṣiñcata pāvakaḥ | sarvasrotāṃsi pūrṇāni gaṅgāyā raghunandana ||
tam uvāca tato gaṅgā sarvadevapurohitam | aśaktā dhāraṇe deva tava tejaḥ samuddhatam | dahyamānāgninā tena saṃpravyathitacetanā ||
athābravīd idaṃ gaṅgāṃ sarvadevahutāśanaḥ | iha haimavate pāde garbho 'yaṃ saṃniveśyatām ||
śrutvā tv agnivaco gaṅgā taṃ garbham atibhāsvaram | utsasarja mahātejāḥ srotobhyo hi tadānagha ||
О Рама, все божества отправились на украшенную минералами гору Кайласу и ради рождения сына поручили дело Агни: «О бог, о Агни, исполни это дело богов. О великосияющий, излей мощь в дочь горы, в Гангу». Пообещав богам, Огонь приблизился к Ганге и сказал: «О богиня, носи этот зародыш; это дорого богам». Услышав его слова, Ганга приняла божественный облик. Увидев её величие, Агни разлился повсюду и со всех сторон оросил богиню, так что все потоки Ганги наполнились, о радость Рагху. Затем Ганга сказала жрецу всех богов: «О бог, я не в силах удержать твою возросшую мощь. Я горю этим огнём, и моё сознание потрясено». Тогда Агни всех богов сказал Ганге: «Помести этот зародыш здесь, у гималайского подножия». Услышав слово Агни, великосияющая Ганга выпустила из своих потоков этот чрезвычайно сияющий зародыш, о безгрешный.
00abe49c50b7 · publicado 22 jun 2026, 0:00:00 UTC
Disponible enRUPasa de verso en verso con
Ганга принимает поручение богов, но сила Агни оказывается невыносимой даже для её священных потоков. Поэтому зародыш переносится к Химавану: рождение Сканды требует участия воды, огня и горной земли.