अथ तद् वाक्यम् आकर्ण्य राजा चण्डालतां गतः । अब्रवीत् प्राञ्जलिर् वाक्यं वाक्यज्ञो वाक्यकोविदम् ॥
प्रत्याख्यातो ऽस्मि गुरुणा गुरुपुत्रैस् तथैव च । अनवाप्यैव तं कामं मया प्राप्तो विपर्ययः ॥
सशरीरो दिवं यायाम् इति मे सौम्यदर्शनम् । मया चेष्टं क्रतुशतं तच् च नावाप्यते फलम् ॥
अनृतं नोक्त पूर्वं मे न च वक्ष्ये कदा चन । कृच्छ्रेष्व् अपि गतः सौम्य क्षत्रधर्मेण ते शपे ॥
यज्ञैर् बहुविधैर् इष्टं प्रजा धर्मेण पालिताः । गुरवश् च महात्मानः शीलवृत्तेन तोषिताः ॥
धर्मे प्रयतमानस्य यज्ञं चाहर्तुम् इच्छतः । परितोषं न गच्छन्ति गुरवो मुनिपुंगव ॥
दैवम् एव परं मन्ये पौरुषं तु निरर्थकम् । दैवेनाक्रम्यते सर्वं दैवं हि परमा गतिः ॥
तस्य मे परमार्तस्य प्रसादम् अभिकाङ्क्षतः । कर्तुम् अर्हसि भद्रं ते दैवोपहतकर्मणः ॥
नान्यां गतिं गमिष्यामि नान्यः शरणम् अस्ति मे । दैवं पुरुषकारेण निवर्तयितुम् अर्हसि ॥
atha tad vākyam ākarṇya rājā caṇḍālatāṃ gataḥ | abravīt prāñjalir vākyaṃ vākyajño vākyakovidam ||
pratyākhyāto 'smi guruṇā guruputrais tathaiva ca | anavāpyaiva taṃ kāmaṃ mayā prāpto viparyayaḥ ||
saśarīro divaṃ yāyām iti me saumyadarśanam | mayā ceṣṭaṃ kratuśataṃ tac ca nāvāpyate phalam ||
anṛtaṃ nokta pūrvaṃ me na ca vakṣye kadā cana | kṛcchreṣv api gataḥ saumya kṣatradharmeṇa te śape ||
yajñair bahuvidhair iṣṭaṃ prajā dharmeṇa pālitāḥ | guravaś ca mahātmānaḥ śīlavṛttena toṣitāḥ ||
dharme prayatamānasya yajñaṃ cāhartum icchataḥ | paritoṣaṃ na gacchanti guravo munipuṃgava ||
daivam eva paraṃ manye pauruṣaṃ tu nirarthakam | daivenākramyate sarvaṃ daivaṃ hi paramā gatiḥ ||
tasya me paramārtasya prasādam abhikāṅkṣataḥ | kartum arhasi bhadraṃ te daivopahatakarmaṇaḥ ||
nānyāṃ gatiṃ gamiṣyāmi nānyaḥ śaraṇam asti me | daivaṃ puruṣakāreṇa nivartayitum arhasi ||
Услышав эти слова, царь, ставший чандалой, сложил ладони и сказал искусному в речи мудрецу: «Мне отказал гуру, и точно так же отказали сыновья гуру. Не достигнув моей цели, я получил обратный, несчастный плод. О благой на вид, я желал войти на небо в этом самом теле; я совершил сотню жертв, но их плод не достигается. Прежде я не говорил лжи и никогда не скажу её, даже оказавшись в беде; о кроткий, клянусь тебе кшатрийской дхармой. Мною были совершены многообразные жертвоприношения, подданные защищены по дхарме, великие гуру удовлетворены моим нравом и поведением. О лучший из муни, я стараюсь в дхарме и хочу совершить жертву, но гуру не приходят к удовлетворению. Я считаю судьбу высшей, а человеческое усилие — бесполезным: судьба подавляет всё, ведь судьба — высшая цель. Я, крайне страдающий и ищущий милости, прошу: будь добр, окажи благосклонность тому, чьи дела поражены судьбой. Я не пойду к иному прибежищу; нет у меня другой защиты. Будь добр, отврати судьбу человеческим усилием».
62d17b667444 · publicado 22 jun 2026, 0:00:00 UTC
Disponible enRUPasa de verso en verso con
Речь Тришанку соединяет праведные заслуги с отчаянным желанием невозможного. Он признаёт силу судьбы, но просит Вишвамитру победить её человеческим усилием: так конфликт переносится из области личного проклятия в вопрос о пределах тапаса и воли.