प्रेषयाम् आसतुर् वीरौ मन्त्रिश्रेष्ठं सुदामनम् । गच्छ मन्त्रिपते शीघ्रम् ऐक्ष्वाकम् अमितप्रभम् । आत्मजैः सह दुर्धर्षम् आनयस्व समन्त्रिणम् ॥
औपकार्यां स गत्वा तु रघूणां कुलवर्धनम् । ददर्श शिरसा चैनम् अभिवाद्येदम् अब्रवीत् ॥
अयोध्याधिपते वीर वैदेहो मिथिलाधिपः । स त्वां द्रष्टुं व्यवसितः सोपाध्यायपुरोहितम् ॥
मन्त्रिश्रेष्ठवचः श्रुत्वा राजा सर्षिगणस् तदा । सबन्धुर् अगमत् तत्र जनको यत्र वर्तते ॥
स राजा मन्त्रिसहितः सोपाध्यायः सबान्धवः । वाक्यं वाक्यविदां श्रेष्ठो वैदेहम् इदम् अब्रवीत् ॥
विदितं ते महाराज इक्ष्वाकुकुलदैवतम् । वक्ता सर्वेषु कृत्येषु वसिष्ठो भगवान् ऋषिः ॥
विश्वामित्राभ्यनुज्ञातः सह सर्वैर् महर्षिभिः । एष वक्ष्यति धर्मात्मा वसिष्ठो मे यथाक्रमम् ॥
तूष्णींभूते दशरथे वसिष्ठो भगवान् ऋषिः । उवाच वाक्यं वाक्यज्ञो वैदेहं सपुरोहितम् ॥
preṣayām āsatur vīrau mantriśreṣṭhaṃ sudāmanam | gaccha mantripate śīghram aikṣvākam amitaprabham | ātmajaiḥ saha durdharṣam ānayasva samantriṇam ||
aupakāryāṃ sa gatvā tu raghūṇāṃ kulavardhanam | dadarśa śirasā cainam abhivādyedam abravīt ||
ayodhyādhipate vīra vaideho mithilādhipaḥ | sa tvāṃ draṣṭuṃ vyavasitaḥ sopādhyāyapurohitam ||
mantriśreṣṭhavacaḥ śrutvā rājā sarṣigaṇas tadā | sabandhur agamat tatra janako yatra vartate ||
sa rājā mantrisahitaḥ sopādhyāyaḥ sabāndhavaḥ | vākyaṃ vākyavidāṃ śreṣṭho vaideham idam abravīt ||
viditaṃ te mahārāja ikṣvākukuladaivatam | vaktā sarveṣu kṛtyeṣu vasiṣṭho bhagavān ṛṣiḥ ||
viśvāmitrābhyanujñātaḥ saha sarvair maharṣibhiḥ | eṣa vakṣyati dharmātmā vasiṣṭho me yathākramam ||
tūṣṇīṃbhūte daśarathe vasiṣṭho bhagavān ṛṣiḥ | uvāca vākyaṃ vākyajño vaidehaṃ sapurohitam ||
Когда оба безмерно могучих брата сели, два героя послали лучшего министра Судаману, сказав: «О глава министров, немедленно отправляйся и приведи неодолимого потомка Икшваку безмерного сияния вместе с сыновьями и министрами». Судамана пришёл в гостевое помещение, увидел умножителя рода Рагху, склонил перед ним голову и сказал: «О владыка Айодхьи, герой, Вайдеха, владыка Митхилы, намерен встретиться с тобой вместе с твоим наставником и пурохитой». Услышав слова лучшего министра, царь Дашаратха вместе с сонмом риши и родственниками отправился туда, где находился Джанака. Дашаратха, лучший среди искусных в речи, в сопровождении министров, наставника и родственников сказал Вайдехе: «О великий царь, тебе известно, что благословенный риши Васиштха — священный наставник рода Икшваку и представитель во всех наших делах. С разрешения Вишвамитры и вместе со всеми махарши этот праведнодушный Васиштха по порядку изложит всё от моего имени». Когда Дашаратха умолк, благословенный риши Васиштха, искусный в речи, обратился к Вайдехе вместе с его пурохитой.
a826a81a5714 · publicado 22 jun 2026, 0:00:00 UTC
Disponible enRUPasa de verso en verso con
Дашаратха передаёт слово Васиштхе, потому что брак царских детей требует не только согласия отцов, но и свидетельства духовного авторитета рода. Родословная будет произнесена как часть дхармического утверждения союза.