अनर्थदर्शिनी मौर्ख्यान् नात्मानम् अवबुध्यसे । शोकव्यसनविस्तीर्णे मज्जन्ती दुःखसागरे ॥
भविता राघवो राजा राघवस्य च यः सुतः । राजवंशात् तु भरतः कैकेयि परिहास्यते ॥
न हि राज्ञः सुताः सर्वे राज्ये तिष्ठन्ति भामिनि । स्थाप्यमानेषु सर्वेषु सुमहान् अनयो भवेत् ॥
तस्माज् ज्येष्ठे हि कैकेयि राज्यतन्त्राणि पार्थिवाः । स्थापयन्त्य् अनवद्याङ्गि गुणवत्स्व् इतरेष्व् अपि ॥
असाव् अत्यन्तनिर्भग्नस् तव पुत्रो भविष्यति । अनाथवत् सुखेभ्यश् च राजवंशाच् च वत्सले ॥
साहं त्वदर्थे संप्राप्ता त्वं तु मां नावबुध्यसे । सपत्निवृद्धौ या मे त्वं प्रदेयं दातुम् इच्छसि ॥
ध्रुवं तु भरतं रामः प्राप्य राज्यम् अकण्टकम् । देशान्तरं नाययित्वा लोकान्तरम् अथापि वा ॥
बाल एव हि मातुल्यं भरतो नायितस् त्वया । संनिकर्षाच् च सौहार्दं जायते स्थावरेष्व् अपि ॥
गोप्ता हि रामं सौमित्रिर् लक्ष्मणं चापि राघवः । अश्विनोर् इव सौभ्रात्रं तयोर् लोकेषु विश्रुतम् ॥
तस्मान् न लक्ष्मणे रामः पापं किं चित् करिष्यति । रामस् तु भरते पापं कुर्याद् इति न संशयः ॥
anarthadarśinī maurkhyān nātmānam avabudhyase | śokavyasanavistīrṇe majjantī duḥkhasāgare ||
bhavitā rāghavo rājā rāghavasya ca yaḥ sutaḥ | rājavaṃśāt tu bharataḥ kaikeyi parihāsyate ||
na hi rājñaḥ sutāḥ sarve rājye tiṣṭhanti bhāmini | sthāpyamāneṣu sarveṣu sumahān anayo bhavet ||
tasmāj jyeṣṭhe hi kaikeyi rājyatantrāṇi pārthivāḥ | sthāpayanty anavadyāṅgi guṇavatsv itareṣv api ||
asāv atyantanirbhagnas tava putro bhaviṣyati | anāthavat sukhebhyaś ca rājavaṃśāc ca vatsale ||
sāhaṃ tvadarthe saṃprāptā tvaṃ tu māṃ nāvabudhyase | sapatnivṛddhau yā me tvaṃ pradeyaṃ dātum icchasi ||
dhruvaṃ tu bharataṃ rāmaḥ prāpya rājyam akaṇṭakam | deśāntaraṃ nāyayitvā lokāntaram athāpi vā ||
bāla eva hi mātulyaṃ bharato nāyitas tvayā | saṃnikarṣāc ca sauhārdaṃ jāyate sthāvareṣv api ||
goptā hi rāmaṃ saumitrir lakṣmaṇaṃ cāpi rāghavaḥ | aśvinor iva saubhrātraṃ tayor lokeṣu viśrutam ||
tasmān na lakṣmaṇe rāmaḥ pāpaṃ kiṃ cit kariṣyati | rāmas tu bharate pāpaṃ kuryād iti na saṃśayaḥ ||
«Ты не видишь беды и по глупости не понимаешь себя, тонущую в океане страдания, широком от скорби и несчастья. Рагхава станет царём, а затем сын Рагхавы; Бхарата же, о Кайкейи, будет устранён из царского рода. Ведь не все сыновья царя стоят на царстве, о прекрасная: если поставить всех, возникло бы великое бедствие. Поэтому, о Кайкейи, цари возлагают нити власти на старшего, даже если другие сыновья тоже добродетельны, о безупречнотелая. Твой сын будет полностью сокрушён, как сирота, отлучённый от счастья и от царского рода, о любящая. Я пришла ради тебя, а ты не понимаешь меня: при возвышении твоей соперницы ты хочешь дать мне дар. Несомненно, Рама, получив царство без препятствий, уведёт Бхарату в другую страну или даже в иной мир. Ведь ты отправила Бхарату к дяде по матери ещё ребёнком; а от близости возникает дружба даже среди неподвижных деревьев. Лакшмана — защитник Рамы, а Рагхава — защитник Лакшманы; их братская любовь известна в мирах, словно любовь двух Ашвинов. Поэтому Рама не причинит Лакшмане никакого зла. А вот Бхарате Рама может причинить зло — в этом нет сомнения».
ae4821a6807c · publicado 22 jun 2026, 0:00:00 UTC
Disponible enRUPasa de verso en verso con
Мантхара усиливает страх политической логикой: престол якобы может принадлежать только одной линии, а значит Бхарата обречён. Это не знание будущего, а манипуляция вероятностями, где любовь Рамы к братьям намеренно сужается до любви только к Лакшмане.